مشاء الله عليك فعلا القراءه نصف او ثلاث ارباع الرحله
مخطط ممتاز
اقترح ليلتين قارمش وليلتين ميونخ
وربي يوفقك ياخوي

انت طلبت الرأي في موضوعك
وانا لك من الناصحين ان شاء الله
بما إن معك سيارة بلاش شي اسمه زيلامسي ترى ما فيها ذاك الزود
زيلامسي تجيها باليوم ثلاث مرات اذا سكنت في القرى المحيطة فيها
خذ من نصيحة ومستعد اتحمل عواقبها
انت في شهر عسل يعني تبي تاخذ راحتك وتنبسط
اليوم هذا 18 يوليو لما شفت الناس في زيلامسي قلت الحمد لله اني ساكن بعيد عنهم من كثرتهم قيدوا حريات بعض
جالسين على البحيرة ولا احد يكلم الثاني، وكل عروس وعريس منطوين على بعض خايفين احد يعرفهم
بالمناسبة انا لقيت اثنين اعرفهم ، سلمت عليهم وانا ماشي واقول لهم هذا اخر يوم لي والصدق هو اول يوم كذبة بيضاء
انا سكنت في فندق يبعد عن زيلامسي 26 كم واصلا حلاة الفندق في بعده وفيه جميع المتطلبات
اصلا فندق فخم للغاية اذا جلست فيه ما ودك تطلع منه
وفوق هذا النهر قدامك يجري وتسمع خرير الماء
انا اكتب هذا الرد الساعة 9:45 مساء بتوقيت النمسا
والجو اعلل من عليل
يكفيك موقف السيارة يفتح النفس وكل شي اكتروني اللمبات تولع نفسها
والمفاتيح ممغنطة وكل شي حلو
هذا اسم الفندق Hotel residenz Hochalm
والله ما اسوي له دعاية لكن الحق يقال ومنفعة الناس واجب انساني قبل كل شي
وناوي امدد كم يوم فيه
والحلو ان ما فيه احد الساكنين كلهم ما يتجاوزون 15 يا سلام
النت عندهم مجاني وسريع
وازيدكم من السعر بيت انظف سونا شفتها عندهم وفيه خصوصية محد يدخل معك
يعني لو تصير.......... محد حولك
اتمنى اي واحد معه سيارة يسكن فيه
مراسلكم من النمسا
ضيعة هوشالم
عمران

طيب كيف اقدر احجزهه من بوكنق
انا اوردي حجز في زيلامسي 4 ليلي
بس الدعو سهلات الامور بسيط وحد و زوجتة وش المشكلة
واكثر تنقلاتي بتكون براء زيلامسي

ما يبي شي
ادخل على بوكينج
وادخل التاريخ اللي توصل فيه النمسا
والتاريخ اللي تبي تغادر فيه
وشف بتطلع لك قائمة الغرف والاجنحة
حددها واحجز عن طريق الفيزا
من زود الدلع لقيتهم كاتبين ورقة في غرفتي
Welcome Mr Amran Ahmed
يا سلام
فيه جلسة خرافية في الفندق
بالعربي حق عرسان
؛؛؛
اقول لو احد سأل عني اذا تأخرت اعرفوا اني تزوجت نمساوية
اعجبتني اليوم وحدة تسوق حراثة وتحصد في طرف جبل
اللي اعجبني اكثر عاصبة راسها ، ذكرتني باللي كان زمان
تحياتي

من ناحيتي انا احب الهدواء ولاحب الزحمة المشكلة اني حاجز وخذو مبلغ ولو الغي الحجز بيكلف 200 يورو افلحنا علي قولة الشايب

بما انك حجزت الله ييسر امرك
حاول تسكن بالفندق اللي قلت لك لو ليلة
ليلة وداعية
وتراك بتدعي لي

ابشر طال عمرك والله لا يجزاك خير

ابشر طال عمرك والله لا يجزاك خير
؟؟؟؟؟؟؟؟؟؟؟؟؟؟؟؟
كيف تقول والله لا يجزاك خير
يا ستار استرنا

قايدعنادك
الله لا يهينك اخوي انا الحقيقه كره ميونخ ماودي اجيها بس لزم اريح قبل السفره تعرف اسوقها كثرهه ههه