Nanoza_QR
29-10-2022 - 02:44 am
السلام عليكم ورحمة الله وبركاته
سفرتي غدا ان شاء الله
وكل شي مرتب وجاهز ولكن في بعض الاسئله
بخصوص القطارات في ايطاليا
قريت في احد المواضيع بأن القطار الايطالي نظامهم من سبق لبق
يعني تحجز التذكره واذا تاخرت ممكن ماتحصل كرسي وتتم واقف طول الرحله
وهالشي مابيه يصير الصراحه
فشرايكم في يورو ستار هل هو نفس النظام والا الحجز يكون بالكرسي ؟؟
السؤال الثاني إن شاء الله راح نسكن في شارع فيا فينيتو في روما
ماهي الأشياء المهمه في هذا الشارع؟
وبخصوص المطاعم هل هي متوفره فيه ؟؟
وبالنسبه للباص السياحي في روما هل يمر قريب من فيا فينيتو؟
إذا بغيت أحجز سياره مع سايق من وين؟
هل راح احصلها متوفره في المكاتب السياحيه ؟
بالنسبه لمجمع باركو ليوناردو الي في روما
هل يفتح في شهر أغسطي والا راح يكون مغلق حاله حال المحلات التجاريه ؟
في تفكير بأن نروح قرية تيفولي ولكني ماعرف عنها شي
تقدرون تفيدوني بالاماكن السياحيه والاشياء الي ممكن الواحد يسويها هناك ؟
وكم ساعه تستاهل؟ لان احنا ناوين نروح لها الصبح هل الوقت مناسب؟
ومشكورين مقدما وإذا في اي سؤال اخر راح اطرحه هنا لان جد مافي وقت
شارع فينيتو كله مطاعم ومقاهي ويقولون في مطعم عربي فتح قبل شهر لكن مو متاكد منه
الباص يمر فيه وفي شارع بربريني اسئلي الكونسيرج عن التذاكر وعن المحطه الي يتوقف فيها الباص
الفنادق ال 5 نجوم تقدم هذه الخاصيه خاصيه السائق للنزلاء بعضهم بمبالغ زهيده على التوصيل
انا جيته بس قبل تاريخ 5/8 وكان مفتوح اذا بتروحين روحي له قبل تاريخ 10/8
قريه تيفولي تاخذين المترو الخط الازرق B وتتجهين الي محطه بونتي مامولو Ponte Mammolo
ومها تستقلين الباص الازرق (كوترال) الي المدينه ااذا كنتي ناويه تزورين فيلا دستي ف من الباص الازرق الي يروح لها الي محطه فيلا دستي
بالتوفيق بالرحله