بوعمرq8
واتمنى تفيدوني برحلتي + الاماكن
طبعا قبل طرح الموضوع قلبت المنتدى فوق تحت وحبيت اتعرف على
الاماكن اكثر على اساس اعرف الديره الي رايح لها
الرحله اسبوعين او 15 يوم
3 ايام فينا
2 سالسبورغ
5 زيلامسي
5 ميونخ
مع العلم اني اشوف انه سالسبورغ مافيها شي ويمكن اكون غلطان
وسمعت عن منطقه كابرون اذا ماني غلطان
ابي رايكم بالتخطيط بالنسبه للايام اول
الحين الاماكن
فينا
ساحة ستيفنز
برج + نهر الدانوب
قمة كاهلين بيرق
منتزه شتاد بارك
قصر الشنبرون
التسوق في شارع ماريا هلفر
الزحليقة الصيفية
قصر ريتشارد قلب الأسد
مجمع كاقران
القصر الإمبراطوري الهوفبورغ
الستى سود هذا المركز خارج فينا تقريبا ربع ساعه
زيلامسي
الفندق غراند الي على البحيره موقع حلو
كابرون قمة ثلجية
شلالات الكريمل Krimml Falls
تبعد ساعه عن زيل ام سي بالسيارة
هذا الي اعرفه في زيلامسي طبعا غير السوق الي فيه
ميونخ
شارع مارين بلاتز
يورب بارك Europa-Park
مجمع التسوق الألماني الشهير _ كاف هوف
اولمبياك بارك حديقة كبيرة
قارمش ساعه عن ميونخ
طبعا راح اجر سياره
ابي الاماكن الحلوه وياليت اذا تقدرون تقسمون الايام يعني مثلا اليوم اروح المجمع الفلاني والماكن الفلاني لانه قراب عند بعض
والله يعطيكم العافيه اخوكم بوعمر
وعليكم السلام
مبروك اخوي
اخوي فيه لخبطه بالاماكن في كل مدينه
مثلا
الزحليقه الصيفيه في سالفدين قرب زيلامسي وليس في فينا
وميونخ لاتوجد فيها يورب بارك لانها بعيده تقريبا بالغرب ويبي لها ايام لوحدها
ميونخ فيها برج ميونخ وحديقه الالومبيه وbmwوكل ماهو جديد بالشركه من سيارات جديده

المخطط
5ليله يعني 16 يوم
3 ليالي فينا
ليلتين سالزبورغ
6ليالي زيلامسي
4 ليالي ميونخ
سالزبورغ يوم تزورون نهر السالزاك وحديقه الميرابيل والمدينه القديمه
ثاني يوم تروحون لبحيره موندسي وفوشل ام سي وسانت جلجن وولف قانق وهالشتات
من زيلامسي تروحون الى بادقاستين رائعه وتشوفون شلالها
شلال كريملر - قمه كابرون الثلجيه - الخوانق المائيه لشلالات سيغموند ثون كلام وبحيره كلامسي
هالشتات اذا ما قدرت تروح لها من سالزبورغ روح لها من زيلامسي بس اختار لها يوم الجو يكون مغيم
الفندق في زيلامسي هذا
https://www.booking.com/hotel/at/der-sonnberg.ar.html?aid=1300939=
في سالزبورغ عندك رمادا او شيراتون
في ميونخ
https://www.booking.com/hotel/de/le-meridien-munich.html?aid=1300939
نصيحتي لك اختار اللي مع الفطور حتى لو كان سعره مرتفع شوي

الف مبروك مقدما والله يجمع بينكم على خير
في الرابط التالي الاماكن السياحيه في كل مدينه والاحداثيات المهمه لها :
https://artravelers.com/p/re/493746
وبالعكس يالغالي انا أشوف انك ظلمت سالزبورغ , والمخطط الافضل برأيي :
3 ليالي فيينا
3 ليالي سالزبورغ
5 ليالي زيلامسي
3 ليالي ميونيخ

الله يعطيكم العافيه على التفاعل
الأماكن السياحيه في فيينا :
1_ملاهي بلاتر
2_ التجول في ساحة ستيفانز
3_ التجول في حديقة شتاد بارك
4_ الذهاب الى قصر الشونبرون
5_ حديقة الحيوانات الملاصقه لقصر الشونبرون
6_ حديقة وبرج الدانوب
7_ التجول بنهر الدانوب بالقارب
8_ التجول في شارع ماريا هلفر للتسوق
9_ مغارة هتلر تبعد عن فيينا 20 كلم مع أخذ الحيطه بالملابس لأنها بارده
0- الصعود على الهضبه المطله على فيينا
الأماكن السياحيه في سالزبورغ :
1_ الذهاب الى القرى الثلاث الريفيه ( وولف قانق + سانت جيلجن + فوشل آم سي )
2_ شارع المشاه في سالزبورغ القديمه وشارع المشاه في سالزبورغ الحديثه
3_ التجول على نهر السالزاك وحديقة الميرابل
4_ الصعود بالتلفريك الى القلعه القديمه في سالزبورغ القديمه
5_ المرور على قرية هالشتات ( Hallstadtt) الجميله وتبعد 80 كم عن سالزبورغ
6_ زيارة الأوت لت القريب من سالزبورغ للتسوق
الأماكن السياحيه في زيلامسي ( كابرون ) :
1_ التجول حول بحيرة زيلامسي الجميله وركوب السفينه في البحيره
2_ الذهاب الى قمة كابرون الثلجيه
3_ الذهاب الى قرية سالفيدين وفيها الزحليقه الصيفيه
4_ الذهاب الى شلال زغموند ثون كلام والمشي على الخوانق الخشبيه الضيقه قريب من كابرون
5_ الذهاب الى قمة شميتين هويه
6_ الذهاب الى ساحة الطيران flug platz لركوب الطائرة السياحيه ولكن لازم الحجز يكون مسبق عن طريق الفندق
7_ الذهاب الى شلالات كريمل
8_ زيارة قرية walchsee وتبعد تقريبا مدة ساعه عن زيلامسي فيها زحليقه صيفيه أيضا وفيها بحيره جميله
9_ اذا عندك وقت فراغ ممكن زيارة ملاهي فاميلي لاند
0- شلال الوادي الضيق ليشتن شتاين وسانت يوهان والمشي على الخوانق الخشبيه يبعد ساعه عن زيلامسي
الأماكن السياحيه في ميونيخ :
1_ شارع المشاة الرئيسي الرابط بين الساحتين
2_حديقة الهوف قاردن
3_ حديقة الألمبياد ومتحف بي ام دبيلو
4_ شارع المكسميليان ( شارع الماركات العالميه )
5_ الحديقه الانجليزيه
6_ حديقة الحيوانات
7_ ساحة المارين بلاتز
8_ ساحة الكارل بلاتز
9_ الذهاب الى ملاهي سكاي لاين بارك
0- الذهاب الى قرية غارمش الريفيه الجميله
هذي الاماكن جمعتها من ابو نزيه الله يجزاه خير
الحين كل واحد وينصحني بالاماكن وياليت تكون قريبه يم بعض وتتقسم حسب الايام والاماكن الي ماتحتاج سياره اتمنى توضحونها
اسف على الازعاج يا اخوان بس مالي غيرك والناس للناس

بوعمرq8
الأماكن السياحيه في فيينا :
2_ التجول في ساحة ستيفانز
3_ التجول في حديقة شتاد بارك
4_ الذهاب الى قصر الشونبرون
1_ملاهي بلاتر_ 6حديقة وبرج الدانوب7_ التجول بنهر الدانوب بالقارب

اختي الريم الله يعطيج العافيه
نسيبي اقول لاتسكن في زيلامسي خلك في سالزبورغ لانه زيلامسي مافيها شي واذا بتروح روح لها بالسياره يوم شرايكم بالكلام؟؟؟

بوعمرq8
ويعافيك اخوي
بالعكس زيلامسي وكابرون هي المقصد الاساسي للسياحه
بعض الناس تسكن بكابرون وتزور سالزبورغ اوميونخ من الصباح الى الليل وترجع لكابرون اوزيلامسي

يا شبااب ابي الجو في النمسا من نص شهر 5 الى نهايته
يعني جم درجه الحراره راح تكون على اساس الملابس
وبخصوص السياره انا سمعت انه شوارعهم عكس يعني
مو نفس شوارعنا بالخليج ..!!!