فيها منتزه المغواه ومطعم التل
وفيه البر
ومهوب اكيد يمكن فيها مهرجان الربيع او مهرجان بمركز الحضاري
فيه قرى سيايحه مثل اجا بارك ومشار
يعني تبي تتعنى لها خصيصا

زرتها قبل 3 شهور
مدينة كبيرة لكن الجذب السياحي ضعيف جدا
اكبر سوق هو مركز سماح سنتر في وسط المدينة
افضل مطعم من وجهة نظري هو مطعم داني ( Dani ) لوحته شبيهة بلوحة تشيليز بس يقدم اكلات عربية
غير كذا انتبه لسيارتك من الحفر والمطبات والشوارع السيئة جدا جدا جدا
( بدون مبالغة ولا شارع في حائل - غير الدائري - مستوي وناعم من كثرة الحفر والمطبات نتيجة اهمال الأمانة )
تقييمي لحائل 5 من 10

طرق حائل يبيلها قبل الصيف وبتشوفها غير
ما فيه الا سماح وبس والمطاعم حول شقق اللحيدان كثيره سواء الشارع الرئيسي او الثلاثيني الداخلي

حياك الله وبياك في مدينه حائل عروس الشمال ..
أنا من سكانه وصراحة لاأخفي عليك حائل مدينه بسيطة وهادئة وأفضل وقت لزيارته هالوقت أو الشتاء أما الصيف ما أنصحك به وأنتبه تجي طيران له لأن التكاسي ماهي موجوده الا بالمطار
أرشح السكن
منتجع الريع في منطقه ريفيه تسمى عقدة وإيجاره غالي
فيه شقق وفنادق كثير لكن أفضل الموجود
1: قولدن توليب المكان حي الجامعين
2: شقق الضباب : الدائري وسط حائل
3: رست إن : حي الزيارة وسط المدينه
4: أجنحه الأثير : صبابة
5: ألف ليله وليله : صبابه
6:بودل : يوجد فرعين
ويوجد الكثير لكن هذا اللي دخلته وأرشحه لك
أرشح المطاعم : 1: الأصالة : رز
2:التراثي : مطعم شعبي رائع
3: التل : مطعم مشويات شامي
4: مطاعم الشركات مثل كودو كنتاكي ماكدنالز هرفي بيتزا هت ليترسيزر هارديز
5: سبايسي لاند : مطعم يجمع بين الاكل الهندي والصيني والمصري
6: قرية الهند : يقدم أكلات هندية رائعه
7:داني الخليج : منوع
8: مطعم الطائي :يقدم أشهى المأكولات المتنوعه على شكل بوفيه موجود في فندق قولدن توليب
9:مطعم بلدي : شبيه لمطعم الطازج بنوعية الاكل
هذا اللي أذكر
أرشح الأماكن :
1: زيارة قرية جبه الأثرية يوجد به متحف النايف رائع جدا تبعد عن حائل 90 كيلو
2:زيارة قرية فيد الاثرية
3:زيارة متحف لقيت للماضي أثر قرب قلعه عيرف
4: زيارة حديقة السمراء
5:زيارة عقدة
الأسواق :
1: سوق برزان شعبي
2: الجامعين :سوق مفتوح
3: سماح سنتر : سوق تجاري مغلق
4: قريبا سوق سلمى مول
5: مجمع المعجل التجاري
وبالنسبه لوقت الأقامة أقترح عليك يومين فقط تكفي لدوران حائل كله
عموما شكرا