- السلام عليكم ورحمة الله وبركاته
السلام عليكم ورحمة الله وبركاته
بصراحة انا انبهرت بكل ما يحتويه هذا المنتدى الطيب المبارك من فوائد وارشادات وتحذيرات للمسافرين وخاصة الجدد (مثلي ) الله يعطيكم العافيه بس استفسارات بسيطه واتمنى التجاوب معها حتى يتم الحجز باسرع وقت ممكن :
انا بصراحة عريس جديد وتم الحجز على طيران القطريه
بتاريخ 10 ابريل
والعوده 24 ابريل
بمبلغ 5700 ريال
وبصراحة بغيت احجز الفنادق من وكالة ##### للسفر والسياحة بس ترددت كثير وقلت استشيركم في هذا الجدول
الوصول هناك بتاريخ 11 ابريل الساعة 14:00 مساء
اول ليلتين في فندق الصن واي لاقون غرفة بريمر مطله على الحديقه 5 نجوم .
لنكاوي (ليلتين)
فندق ويستن لنكاوي غرفة ديلوكس مطله على البحر 5 نجوم
فندق برجايا لنكاوي غرفه مطله ع البحر 4 نجوم.
بيننق (3 ليالي )
فندق بارك رويال ديلوكس مطله على البحر 5نجوم (3 ليال ) .
كوالالمبور (5 ليالي )
فندق الماريوت في شارع العرب غرفه ديلوكس مطله على البرجين 5 نجوم .
فندق دورست ريجنسي غرفه ديلوكس مطله على البرجين 4 نجوم .
1-باقي كم يوم ما ادري وين اقضيهم
وش رايكم بالجدول ..؟
2-وش رايكم بالفنادق وكم اسعارها تقريبا .؟
3- انا اول مره اذهب الى خارج الخليج العربي فهل هناك عوائق او نصائح .؟
4 - كيف الاجواء هناك ؟
احس اني كثرت عليكم الله يعطيكم العافيه اتمنى التجاوب باسرع وقت .
شروط المنتدى تمنع ادراج اسماء المكاتب السياحية
لذا تم طمس اسم المكتب
بالتوفيق
اختيارات الفنادق موفقه وكمان تنظيم سير الرحلة..
بالننسبة للجدول لو زدت لنكاوي ليلتين او ليلة تصلح للمعاريس كثير من 3 الى 4ليال .. على ح س اب كوالا
بالنسبة للخيارين بالفنادق مثلا كوالا ولنكاوي تقصد بتتنقل والا نرشح لك الافضل؟؟
التنقل ثقيل وخصوصا بيومين ولاتنسى عرسان فافضل كل ليالي لنكاوي تكون بالوستن لو ميزانيتك تسمح لو لا برجايا كويس
كوالا حلوة وتستاهل بقية الايام وتخصص يوم لجنتنق من الصباح للمسا وترجع لكوالا
وعندك بوكيت تنقي ممكن تخصص له يوم روحة ورجعه لكوالا او بنفس يوم جنتنق بس بيكون على حساب اللعب في جتنق هاي لاند
يعني ترتيبها يرجع لك لو تحبون تلعبون فبتكون جتنتق لها يوم خاص من الصباح للمساء
وعندك بوتروجايا روعه تقدر تزورها من كوالا او سن واي
ممكن كوالا تفصله بفندقين وارشح لك اخر الايام فندق تردرز مطل على الحديقة روعه لو ميزانيتك تسمح خلك كل الايام فيها
الماريوت كويس كمان بس مايقارن بتردزر القميل
وعندك خيار رائع باليوم اللي محتار فيه يكون في بورت ديكسون باخر الرحله منتجع ولا احلى بمسبح خاص ويصلح لاجواء العرسان
https://artravelers.com/p/re/455764
بالنسبة لاسعار شوف موقع بوكينق او اسيا ترافل واختار اللي يناسبك ..
ماليزيا استوائية يعني طوال العام الجو تقريبا حار وممطر
ولا تشيل هم ... كثير اول مره يسافرون وتتيسر الامور ..
اي ولا تنسى تزور هالمكان ينفع للمعاريس
https://artravelers.com/p/re/494752