- المحطة الاولى
في البداية السلام عليكم ورحمة الله وبركاته
انشالله ببدأ اليوم بكتابة تفاصيل الرحلة مدعومة بالصور
المحطة الاولى
الرحلة كانت في 17 يوليو من مطار الملك خالد الساعه 10:30الى مطار كوالا الدولي مباشرة
عند الوصول في المطار الرائع في البداية ركبنا القطار المؤدي الى الصالات والجوازات والعفش طبعن سوينا كل شي والملفت للأنتباه ان لوحات المطار مكتوبة بالماليزية والانجليزية والعربي والصوت الداخلي موجود بالعربي ( يتكلم عن بعض الارشادات المطلوبة )
بعدها أخذت تكسي عن طريق المكتب الموجود بالمطار( أغلى من التكاسي اللي يقولون لك تكسي تكسي مثل اللي بمطاراتنا )
ورحت لفندق الخيول الذهبية:الفندق من برى حلو لانه قبب وشكل قديم وفي الليل يعطيك شكل حلو مع الانوار
اللوبي حقه كبير جدا وفيه مجسمات للخيول بعدد كبير جدا والصراحه ماعليه تمام وحاطين صور الناس المهمين اللي زاروه ومن ظمنهم ولي العهد الامير عبدالله
اما بالنسبه للملحقات الخارجيه للفندق ففيه شلال صوته قوي جدا بس اذا جا المغرب سكروه عشان مايزعج وفيه مسطحات خضراء حلوه ومسبح عادي
وجزء من الفندق موجود على البحيره( مو كبيره جزء صغير يؤدي للبحيره تقدر تقول ممر كبير )
الغرف جدا عادية واثاثه المكتب والدولاب وطاولة التلفيزيون من جد رايحه فيها يعني ماسويت على شكل طراز قديم هي قديمه وخشبها رايح فيها
بالقرب من الفندق فيه سوق ومنتزه يفتح المغرب يجي فيه عروض وبعض الالعاب تروح له عن طريق اللنش من البحيره الشخص ب 3 رنجت يوديك الى فندق ثاني ومن الفندق تمشي على رجليك الى السوق
انا جلست هناك ليلتين والمفروض والصراحه ندمت شوي على الجلسه فيه ودي اني مخلي الفندق مطب وكوفر ليلتينه في بينانج
بعدها رحت للمطار متوجها الى بينانج
انشالله اكمل القصه في وقت لاحق وانزل صور المحطه الاولى معها
النصيحه:عدم السكن بهذا الفندق لانه مضيعه للوقت ومافيه شي يستاهل ومافيه شي جمبه يستاهل الزياره الا ونندرزلاند اللي فيها العروض وهذي يمكن تجيها وقت ثاني اذا سكنت في كوالا تاخذ 25 دقيقه
الا اذا كان الواحد يبغى يريح من السفر فياخذ ليله وحده ويطلع منه الساعه 12 الظهر.
وبإنتظار باقي التفاصيل
ولا تنسى الصور
اما عن فندق الخيول الذهبية انا معاك بالراي
لأنه مضيعه للوقت ولا فيه جمبه شي يستاهل
حتى الماينز ما يسوى
ومثل ما تفضلت هو قريب من كوالا يعني ممكن الواحد يروح له ويتمشى فيه وفي مجمع الماينز ويرجع بنفس اليوم مثل ما انا سويت