السلام عليكم اخواني واخواتي في هذا المنتدى الرائع
توني جاية من رحلتي من ميلانو وحواليها وقلت لازم اعلمكم عن رحلتي الحلوة في نظري
رحلتي كانت على الخطوط الامارتية عن طريق البحرين للشخصين 5008 ريال على الدرجة السياحية طبعا
كانت الفجر ووصلت ميلان الظهر....بتوقيتهم وكانت الرحلة مريحة الاقومة الفجر متعبة ومواصلة
بس وصلنا والحمدلله واخذنا سيارة مستأجرة من شركة بدجت بقيمة 1500 ريال لمدة ستة ايام من
فولكسفاجن جولف.....مريحة مرة
وبعدها رحنا للفندق وكنا حجزنا في فندق NH Jolly President
لمدة ستة ايام بقيمة 5800 ريال مع الفطور والضرائب وهو من فئة اربع نجوم بس حلو وتعاملهم حلو
فطورهم مشكلته انه مش متنوع زي الفنادق الثانية بس مشيناها كروسان مع جبن وعسل
اول يوم كان الجو مشمس وحلو وعلى طول حنا بالدوامو....بعد الفندق عن الدوامو ما يجي دقيقتين عن
الدوامو......طبعا انا ما صدقت اني بالدوامو بعد سنتين ما شفت ايطاليا.....طبعا الجو موت برد:36_15_6:
ثاني يوم كان ثلج من اول الفجر الى اخر الليل كان روعة ما صدقت انها ثلجت.....يقولون ان السنتين اللي
فاتت ما جي ثلج يسوى ها السنة اول يوم يجيهم من جينا
انا وزوجي مبسوطين بس الايطالين ماودهم بها الثلج
طبعا امضينا اليوم كلة في الدوامو وحواليها من اهم شارع بالنسبة لي مترونبوليني المشهور بالماركات
رجعنا بدري للفندق لان الثلج بدأ يزيد اللهم اخذنا عشاء معانا واكلنا بالفندق....
ثاني يوم رحنا لبحيرة كومو رحت للسوقها بس غالي مرة:112: ما قدرت اشتري اي شي
قعدنا حدود ثلاث ساعات وبعدها رحنا لوقانو للاوت لت فوكس تاون في سويسرا وتغدينا فية عندهم مطعم
على هيئة بوفية روعة بس شوي غالي بس يستاهل....
طبعا بعدها درت بالسوق بس مالقيت شي يسوى قعدت الى المغرب وبعدها رجعنا ميلانو
منها صلينا بالفندق ونزلنا للدوامو نتقهوى وادور بعد على المحلات المحيطة بالقهوة.....
وجلسنا الى وقت العشا ....تعشينا في نفس القهوى الي نقعد فيها عادة واكلنا سلطة وسانتدوتش
موتزريلا...مع الطماط والخس,,,,,
(((في سانتدويتش حلوة لها اسم معين اذا طلبتوها اذا رحتوا ايطاليا اسمها بيادينا
هذي السندويشة عبارة عن خبز تورتيلا مع جبن موتزريلا وطماط وخس بس على فكرة لازم تطلبونها بالاسم
مع هذي المحتاويات والا هي تجي باانواع مختلفة....للمعلومية الطماط بالايطالي اسمه بمادوره والخس
اسمة لاتوجا....تنطق الجيم زي الجيم المصرية
تراها روعة اذا حطيتوا عليها زيت زيتون روعه لايفوتكم)))
احسن قهوة بالدوامو تراي خبرة بالقهاوي.......القهوه الثانية اللي على اليمين وانت جاي من ساحة الدوامو
من بكرة رحت اوتلت سكيرفي سيرفالي اللي يبعد 80 كيلو عن ميلان على طريق جنوه
طبعا هذا روعة مرة وهنا طلعت حرتي بالشوبنج وشريت لما قلت بس
من بكرة بغينا نروح لفينيسا بس كان مطر وسبحان الله كان زوجي مهب متحمس للروحة مع انه يحب
فينيسا بس قال محنا رايحن لفينيسا الدنيا مطر وخليها يوم ثاني.....ما درينا اللا بالاخبار يقولون ان فينيسا
صارت غارقنة ماء قلنا سبحان الله خيرة
بعدها صرنا نروح حوالين ميلان وسوقتها اللي نعرفهم كلها طبعا ما ننسى سبوماركتهم حلوة مريت عليهم
كلهم.......لاني جلست با ايطاليا سنة ونصف فأني اعرف دواعيسها
من بكرة كانت وداعية ميلان في الدوامو واخر المشتريات للاهل.....
ومن بكرة رحلتنا الساعة 2:30 ظهرا من مطار ملبنسا على الامارتية وكانت الرحلة حلوة الا الريحية اللي
كتمتني من الهنود والبنغالين من الروايح اللي تجيب الهم واحس اني بيغمي علي:yuk:
وكل شوي وانا ارشح معطر جو....:2:...
بس الحمدلله كانت الرحلة حلوة.......
ورجعنا للبيت مع وزن الشنط زاد عن الطبيعي واللي كان زوجي ودة يذبحني
هذي رحلتي لاهل البيتزا والمكرونه:36_1_51:
باي الحين