- الدخول مجاني ،،، لكن الحديقة صغيرة وايد !!!
- sheffield cathedral
- سقف الكنيسة ،،،
السلام عليكم ،،،
رحلتي اليوم راح تكون لsheffield شيفيلد ،،
المسافة بين يورك و
انا رحت هناك بالقطار ،،
هالصورة من القطار ،،
خارج محطة القطار ،،
اول انطباع لي عن المدينة ان المدينة حلوة ،، على الاقل "so far" :rolleyes:
المدينة عموما شكلها كان حديث ،، على عكس يورك تماما
و انا دورت خريطة في محطة القطار ،، لكن للأسف مالقيت
لكن الحمد لله ما احتجت خريطة و قدرت اني اوصل للcentre
هذا الtown hall
و بعدها رحت للwinter gardens
الدخول مجاني ،،، لكن الحديقة صغيرة وايد !!!
و بعد الحديقة كنت مخطط اني ازور الtourist information centre ،، علشان اعرف الاماكن السياحية اللي في شيفيلد و كيفية الوصول اليها ،، و سألت احد الموظفين اللي في الحديقة ،، لكن للأسف انصدمت لانه قال لي ان الtourist information يسكر يوم الاحد
بصراحة عمري ما رحت مدينة و كان الinformation مسكر و هذا ان يدل على شي فانما يدل على ان شيفيلد ابد ما تصلح للسياحة ;):rolleyes:
عموما الريال ما قصر كان عنده خريطة "مالته" و عطاني اياها ببلاش
و كان ايضا فيه متحف "او gallery" مو متأكد ؟ بالقرب من الحديقة و انا كنت ابي ادخله لكنه كان مسكر لانه يوم احد
و ايضا بالمدن السياحية المتاحف ما تسكر يوم الاحد :rolleyes:جان اقوم و اتمشى بالمدينة ،، و هالصورة في السوق
و كملت مشي لما وصلت لهالسوق ،، و وقتها كان مسكر لان كنت رايح مبجر الصبح
و كان ملاذي الوحيد هو الذهاب المكان الوحيد اللي فاتح يوم الاحد في اي وقت ;)
sheffield cathedral
و وقتها كان فيه service في الكنيسة ،،، فانا وقفت ورا في الكنيسة ،، و هناك كان فيه طبعا موظفين في الكنيسة ،، و واحد منهم اتى يقولي اذا حبيت اني اجلس في الكراسي ،، انا شكرته و لكن فضلت اني ابقى واقف
و في الكنيسة كان في choir ،، و اللي يغنون صغار في الصف "طلبة مدارس" و طبعا بنفس الوقت زوار الكنيسة يغنون معاهم ،، و الموظف ما قصر والله ،، لان اللي يؤدون صلواتهم يكون معاهم ال تراتيل مطبوعة على ورقة و توزع عليهم عند مدخل الكنيسة لكن انا ما خذيت ،،
فالموظف وقف يمي و شاركني بورقته الخاصة علشان اني افهم اهم شنو قاعدين يقولون
هذا بعد انتهاء الservice
سقف الكنيسة ،،،
و في الكنيسة كانوا يبيعون شوية اكل و شاي و بسكوت و حلويات و اشياء جذي للي يبي ،،، و انا كان بخاطري اني اصور و بالفعل صورت شويه الصور اللي حطيتهم ،،، لكن ايضا كان اعضاء الchoir يبون يصورون صور جماعية و كانوا يايبين مصور علشان يصورهم ،، جان ايي موظف يقول لي ان لازم اوقف تصوير على ما اهم يصورون و يخلصون ،،، المهم انا نطرتهم لكنهم طولوا شوية علشان جذي قررت اني اتمشى في المدينة و بعدين ارجع للكنيسة ،،
هذا الtram
king Edward VII
و هذي كنيسة ثانية لكن ما دخلتها
و على يسارها chapel walk ،،، هالصورة من الانترنت
و كملت مشي في المدينة ،، لكن ما صورت وايد يومها ،،، يمكن لان المدينة ما عجبتني :rolleyes:
مادري شسالفة هالهياكل العظمية
الكنيسة كانت وايد interesting للي يحب التصوير
هذا الchapel اللي بالسرداب
هذا مو كأنه شعار الماسونية ؟؟
وداعا sheffield cathedral
عاد و الله قعدت فيها مدة طويلة وايد وايد
بدونها ماكنت ادري شنو ممكن اني اسويه في شفيلد :rolleyes:
بعدها تمشيت مرة ثانية بالمدينة ،،،
و على فكرة المدينة لاحظت فيها وايد عرب "مقيمين" على عكس يورك
و كان فيه وايد محلات مسكرة على اساس انه يوم احد :rolleyes::rolleyes:
و واصلت المشي الى ان وصلت هني
لو تلاحظون برج الكنيسة ،،،، فيه ناس قاعدين ينزلون بالحبل
حتى طوفة الكنيسة ما سلمت :rolleyes:
ايباه على هالنهر ،، صج انه يشرح الصدر :rolleyes:
تصدقون جنه يشبه النهر اللي بdurham
بعدها صكت فيني الدنيا من مدينة الكآبة شفيلد
و قررت اني ارد مبجر >> ماكو مكان ينراح ،، لا و يوم احد
نصيحة للي يدور السياحة لا يقرب يم شفيلد ،،
و الله قالها دانيل ،، نصحني الريال ما قصر ،،، لكن مثل ما يقولون اللي ما يطيع يضيع ولا انا شكو رايح شفيلد بالله عليكم
انا العادة اسمي مواضيعي اللي من هالنوع day trip لكن تجاوزا هالمرة و بما ان شفيلد ما تستحق زيارتها كday trip ،، اقتضى تغيير العنوان :rolleyes:
نسيت اقول شغلة
ال9 باوند و نص ،، حسافة على شفيلد