- السلام عليكم ورحمة الله وبركاته
- بعد غياب طويل رجعتلكم بأجمل تقرير لرحلتي لماليزيا بلد الجمال والطبيعه
- المهم ااننا وصلنا الفندق عالعصر صلينا الظهر والعصر وريحنا ....
بسم الله الرحمن الرحيم
السلام عليكم ورحمة الله وبركاته
بعد غياب طويل رجعتلكم بأجمل تقرير لرحلتي لماليزيا بلد الجمال والطبيعه
اولا أحب اشكر كل القائمين على هالمنتدى الاكثر من رائع ..واشكر اللي ساعدوني في العثور على كل المعلومات اللي احتجتها عن ماليزيا قبل السفر ..لاني وايد استفدت من كل المعلومات اللي قريتها من هالمنتدى الحلو ...الف الف الف الف شكر للجميع...
وثانيا...رحلتنا بدت من 1 -8-2005 وانتهت 29-8-2005
كانت اجمل واروع رحله
واخترنا زيارة 4 مناطق فيها وجدولنا كان كالتالي
كوالالمبور في البدايه قضينا فيها ليلتين نرتاح من تعب السفر وبعدها طلعنا للكاميرون4 ليالي وبعدها لبيننج5 ليالي
وبعدها لبوكيت تنجي4 ليالي واخيرا رجعنا للعاصمه كوالالمبور14 ليله
بدت رحلتنا من مطار دبي متوجهين لمطار كوالالمبوور وطبعا طرنا بالاماراتيه ..بزنس كلاس
هالصوره لصالة الانتظار اللي كنا قاعدين فيها ...نريح عبال مايخلصون الجوازات ويركبون الشنط في الطياره ونتريا موعد اقلاع الطياره..
وبعد ماخلصو من الجوازات ونقل الشنط يا وقت اقلاع الطياره وطلعنا عالطياره وكانت الساعه 2 وشوي فالليل وطارت الطياره وطبعا انا كنت نعسانه موت وماصدقت من الله ركبنا الطياره ورقدت على طول
رقدت تقريبا 4 ساعات وبعدها نشيت تمينا نسولف انا واختي اللي قاعده عدالي ماشاء الله الطياره كان فيها عرب وعايلات خليجيه ومسوين دوشه المهم مر الوقت تقريبا 7 ساعات وسمعنا الكابتن يبشرنا اننا فوق الاراضي الماليزيه عاد انا من سمعته طلعت الكاميرا وصورتلكم هالصور
هذيلا كمن صوره لماليزيا من الطياره
وبعدها وصلنا بالسلامه للاراضي الماليزيه ..صراحه مطارهم وايد عود ونظيف وكان فاضي مافيه حركه
وصلنا تعبانين لان الرحله كانت طويله ومتعبه المهم وبالرغم من التعب صورتلكم كمن صوره للمطار
ادري ان الصور مب موضحه المطار وايد اعذروني كنت تعبانه وزين بعد قدرت اصور
المهم خلصنا اجراءات المطار وعبو الاستمارات مالت تأشيرة الدخول
وطلعنا من المطار وكان يتريانا الدريول اللي مأجرينه عن طريق مكتب الرحلات في البلاد
وهذيلا صور للطريق من المطار للعاصمه ..صراحه الطريق كان حلو ماشاء الله خضار وزراعه شي يريح العين عقب التعب ..وشوارعها نظيفه بشكل رهيب صدق بلد مرتبه ونظيفه
هذي صوره لاحد افضل فنادق ماليزيا ..ونحن في الطريق قالنا الدريول انه فندق الخيول الذهبيه اللي يعتبر من افضل الفنادق في ماليزيا ويعتبر 5 ستار والله علم ..ماسكنا فيه صراحه...لانه بعيد عن مركز المدينه وقاريه قبل عنه من المنتدى انه قديم واثاثه قديم ومب نظيف والله اعلم...
وهذي صوره لمبنى معروف في ماليزيا والله مااذكره شو بالظبط اظن انه وزاره او ماشابه ...ناسيه صراحه
واخيرا دخلنا كوالالمبور وقربنا عالفندق اللي حاجزين فيه واللي هوه برجايا تايم سكوير وهذي بعض الصور للفندق وسامحوني عالصور ...هذا اللي قدرنا عليه ...بس في الاقامه الاخيره اذا تابعتو التقرير في صور اوضح للفندق ...
المهم اخليكم مع الصور
هذيلا صور لواجهة الشوبينق مول اللي في الفندق
وهذي النافوره اللي جدام مدخل الفندق
وهذا مدخل الفندق
وماقدرت اصورلكم الرسبشن لانه زحمه ماشاء الله وعايلات خليجيه وعرب واستحيت اصورهم
والرسبشن في الدور 14
وسكنا في سويت في القسم A في الدور 16 بصراحه ماعجبنا السويت كثر ماعجبنا سويت اخر اقامه النا فيه البرجايا اللي كان في قسمB كان انظف وارتب بوايد وحتى الفيو كان مطل عالابراج وكان في 32
نصيحه اللي يبا يحجز لاياخذ الا في القسم بي وياخذ في الادوار العاليه لاني لاحظت فرق كبير بينهن بيما اننا نزلنا في نفس الفندق في اول اقامه واخر اقامه
المهم ااننا وصلنا الفندق عالعصر صلينا الظهر والعصر وريحنا ....
و هذي صوره لصالة السويت اللي سكنا فيه وهيه الصوره الوحيده اللي قدرت الحق واصورها قبل لاتعم الفوضه في السويت وكنت ابا اصور السويت كامل بس للاسف ماقدرت لان اللي عندي انقضو عالغرف ههه ومافي مجال اصور ......المهم هذي الصوره
وانتظرو بقية التقرير..............
