مرحبا كيف حالكم ؟؟؟ انا الحمدالله بخير اليوم رجعة من شيكاغو ( الحمد الله على سلامة وصولي ).... وابي اوصف لكم الرحله ...
شيكاغو مدينه حلوه والله حلوه . انا صار لي سنه في امريكا اول مره ازور شيكاغو . جلست فيها ليلتين وثلاث ايام ولا كفة كانها دوله مستقله لوحدها . الداون تاون روعه وتشوفون جميع الجنسيات والمستويات والناس مشغوله وزحمه و يعني كل شي حلو ..
انا زرت متحف الاسماك كان مره حلو للكبار وللاطفال وفيه قاعة عرض فلم قصير من نوع (4 D) هذا تشوف الفلم وانت لابس نظاره خاصه والكرسي يتحرك حسب حركت الفلم وتشم الريحه الي بالفلم واذا فيه مويه يطشر عليك مويه واذا فيه فيران كانها تمشي عليك واذا فيه فقاعات تجيك واذا صار فيه هوشه يجيك الطق كل هذا واكثر وانت بس قاعد على الكرسي ولابس النظاره ..
شارع الميتشقن هذا روعه للمشي في اي وقت متاخر او بدري كل الوقات حلوه فيه .... وانت ماشي بالشارع تشوف فيه ناس تسوي عروض حلوه او تشوف مسيره وفيه مشاهير كثير ...وزحمة سيارات ....الجو فيها حلو متوسط ...
يوم السبت بالليل كان فيه اللعاب ناريه كانت حلوه مره ...كانت فيه مناسبه (ليلة فينيسيا ) سالتهم وشو ها الليليه قالو لي هذي شيكاغو كل شي فيها ههه ..
فيه مطعم كلف 10 مليون دولار ...... مطعم فخم مره هو مطعم عربي(وبار) فيه فرقه عربيه تغني بس المكان مره حلو ... بس هو من الاماكن بالنسبه الي ما ازورها مره ثانيه اسمه (الحمراء بالس ) ....
بس نصيحه الي بيزور شيكاغو يسكن في الداون تاون احسن له يكون كل شي منه قريب كل شي مشي بس تعب والتكاسي تكون عليه رخيصه لان كل شي قريب منه ... بس فيها مشكله مواقف السياره صعبه وغاليه لان انا رحت لها بسياره ....افكر اني ازورها اكثر من مره .... بس الي في امريكا لا تفوته شيكاغو ...
طولة عليكم ... مع السلامه