بسم الله الرحمن الرحيم
هاذي اول مره اكتب بالمنتدى عن رحلاتي ..
وهذه اول رحله لي لمصر بعد ماليزيا..
فلم ازور غير هاذي الدولتين..
انا توي وصلت اليوم الرياض لرحله استمرت اسبوع
اليومين الاولى قضيناها بالقاهره بفندق السفير بالدقي خدماته كويسه الى حد ما
لكن تفاجئنا ند وصولنا بطلبهم لعقد الزواج او دفتر العائله !!!
المهم تفاهم معاهم زوجي ..
المفاجأه الثانيه بالنسبه لي ان حجز بوكنق لا يشمل الضريبه ..
اليوم الاول تعشينا بمطعم عنتر عنده حمام محشي روعه وبعدين قضيناه بالحسين خان الخليلي وقهوة الفيشاوي والمالكي ..
اليوم الثاني ركبنا قارب من على نهر النيل ..
وبالليل رحنا سيتي ستارز حضرنا سينما وتعشينا بمطعم ابو شقره اكله لذيذ وراقي جدا وهو داخل المول هو والسينما ..
اليوم الثالث اللي هو الجمعه توجهنا للمطار لرحلتنا الى شرم الشيخ ووجدنا المفاجأه وهي اضراب بالمطار لكن الحمدلله تاخرت الرحله ساعه فقط ..
حصل موقف ان زوجي نسي مسبحته بالمقعد بالطائره وعندما وصلنا شرم الشيخ الفندق خاطب المطار وفعلا تم ايداعها بامن المطار ..
وهذه تحسب لهم ...
وصلنا فندق ستيلا دي ماري
فندق فخم جدا وراقي
الموظفين بينهم تآلف وتعاون وهذا ينعكس على خدمتهم للعملاء
غرفتنا كانت بالفلل الصغيره جلسنا فيها يوم
بعدين نقلنا للغرف بداخل الفندق الرئيسي
لانه للتنقل نحتاج سيارة قولف وتعب ..
الفندق نظيف جدا وخدمته مميزه وكله اوروبين وقليل جدا العرب ..
وهذه ميزه نبحث عنها انا وزوجي ههه
اليوم الاول قضيناه بالسوق القديم وتغدينا بمطعم فارس للاسماك وهذا المطعم اتعب اوصف لكم طبخهم ولذته
بعد ما خلصنا رحنا سهرنا ب ألف ليله وليله
وهو عرض رقص شرقي وثعابين ورقص التنوره
اليوم الثاني رحنا للمشايه بخليج نعمه لكن الازعاج شديد جدا تعشينا بمطعم سيئ وهو فوانيس انصحكم لا تمرونه ابدا
اليوم الثالث كنا مرتبين رحله ل تيران لكن تكنسلت بسبب صراف الفندق سحب بطاقة الفيزا وتعطلنا يوم لاننا كنا ننتظر وصول موظف البنك لفتح الصرافه واستخراج البطاقه
اليوم الرابع جربنا القلاس بوت والغواصه وكانت رحلتين مميزه
تعشينا اخيرا بمطعم المصريين بالسوق القديم وهو مختص بالمشويات مميز جدا
اليوم التالي عودة للقاهره
قضينا اخر ليله ب لونا بارك رقص شرقي ومطربين وودعنا القاهره للعوده للرياض
وسلامتكم
ان شاء الله التقرير واضح لان اول مره اكتب تقرير سفر والصور بنزلها لاحقا..