- رقم سفارة السعوديه في روما
- نصيحتي لبرنامج 3 أيام :
بسم الله الرحمن الرحيم
اولا اشكر هالمنتدى واشكر مرتاديه واللي ساعدوني في شغلات كثيره في رحلتي
كان لابد من اكتب هالتقرير البسيط واوجه عدة نصائح وعدة ملاحظات لم اجدها في المنتدى ولكن واجهتها من خلال تجربتي في روما وايضا في رحلتي الى بيزا..
انا كنت انا وزوجتي.. يعني اللي يبغون يروحون شهر العسل او واحد وزوجته او عزوبيه .. اظن تقريري راح يفيد كثير ان شاء الله..واود ان اوضح من خلال تجربتي كنت حريص على عدة نقاط :
اولا .. اماني وامان زوجتي من اي خطر ..
ثانيا .. الحرص على عدم تعريض زوجتي لأي موقف محرج من خلال .. توفير النقود معها.. اعطاءها دائما عنوان الفندق .. وارقام السفاره..اذا لا سمح الله صار اي ظرف طاريء وتفرقنا..
رقم سفارة السعوديه في روما
8ثالثا ..لا حاجه لشراء اي شريحه جوال من أي مكان من خلال تجربتي في باريس وروما وتركيا وجوالك هو الاتصالات السعوديه .. الرجاء التأكد قبل السفر من خدمة تجوالي لك ولجوال زوجتك..
شبكه فودافدون ايطاليا .. هي الشركه المتفقه مع الاتصالات السعوديه .. وعلى اسعار معينه.. يعني حين وصولك ايطاليا ضع الشبكه على فودافون..واذا حبيت تكلم زوجتك وهي بعيد مثلا .. فقط اضغط 00966 ورقم جوالها بدون الصفر.. هذي طريقه اتصالك على زوجتك او الشخص الي تبيه.. طيب اذا فيه مشكله في الاتصالات السعوديه ؟؟ اتصل على رقمهم الدولي 0096614555555 واصلا راح تجيك رساله بالرقم لرفع حدك الائتماني وايضا ارقام الخطوط السعوديه والسفارات في كل بلد..
كان وصولي من باريس الى روما بالقطار اللي وقف في روما تيرمني صباح يوم 11 اكتوبر
نصيحتي الأولى : في أي بلد.. لا تروح وتتفلسف وتروح الفندق بالباص او بالمترو.. روح بالتاكسي واعرف فين فندق وبعدين انزل استكشف فين اقرب مترو منك واقرب موقف باصات.. لأنه لاتنسى ان معك شنط وحوسه..
نزلت بفندق la residnace قريب من الفيا فينيتو .. فندق رايث بس مشكلته مافيه مطعم ..يعني مافيه in room dining ولكن جنبك الفيا فينيتو واي مطعم..
نصيحتي الثانيه : اسأل عند ذهابك لأي مطعم عن استخدامهم ستروتو ( دهن الخنزير) .. وراح تكتشف ان فيه مطاعم كثيره خاصه الراقيه يعلمونك ان الشيف ( الطباخ ) حقهم ام مغربي او مصري او الباني.. يعرف هالأمور..
نصيحتي الثالثه : لاتذهبوا الى الاوت ليت .. لأن محلات شارع del corso اللي يشبه شارع السويكت في الخبر او شارع حراء في جده.. كله محلات وفيه الغالي وفيه الرخيص.. واللي احلى واحلى ان سيارات قليله تمشي فيه لأنه ضيق ويجي عمودي عليه( فيا كوندتي) يعني تضرب عصفورين بحجر ..اللي يوصل الى spanish steps وايضا نافوره دي تريفي..وايضا السينما الوحيده في روما اللي فيه افلام انقليزي ( تلاقي السينما اول المحلات في ديل كورسو على اليسار من جهة ساحة الشعب تشوف لوحه طويله سوداء تشوفها من برا تحسبها بار خ )
نصيحتي لبرنامج 3 أيام :
اليوم الأول : انا فضلت اني اخذ رحله الى معالم المدينه عن طريق roma ciao بلا open 110 بلا كلام...راح يعطونك خريطه بجدولة باصاتهم.. يعني تنزل عند اي مكان او معلم وتتمشى وتحدد متى تمشي بناء على الجدول متي يجي الباص التالي .. التذكره ليوم واحد للشخص 19 يورو .. والتذكره ليومين للشخص 25 يورو.. ولكن يوم واحد يكفي..
اليوم الثاني :روح حديقه فيا بورقيسي ( ومن خلالها حديقة الحيوان) التذكره للشخص 10 يورو ولكن لاحظ الحديقه تقفل 7 يعني افضل تروحها على 11 وتخلص على 5 العصر لأنها كبيره ورائعه ..وبعد العصر روح الى شارع ديل كورسو وتبضع الى ينتفخ راسك..
انا بالنسبه اليوم الثالث .. رحت زرقه بسيطه على مدينه بيزا عشان ازور برج وبيزا واجي..طبعا كيف؟
رحت ياحبايبي روما تيرمني( طبعا الطريقه التاليه تقدر تتبعها للسقر الى اي مكان بإيطاليا بالقطار) .. ورحت لماكينه لونها اخضر .. وحطيت اللغه الانقليزيه.. طلع لي عدة خيارات.. من ضمنها issue ticket اللي هي اصدار تذكره.. لما تضغط عليها .. راح تجيك لوحه اعلاها يقول الرحله من : روما تيرمني .. الى ( فراغ) والفراغ فيه تحت خيارات وفيه مثل الكي بورد تكتب اسم محطتك او next عشان يجيبلك اسم المحطات الاخرى .. وهذي طريقه تكتب فيها اسم مطاار روما لأن هذي احدى الطرق اللي تروح فيها المطار بلا تاكسي بلا حساب يقسم الظهر.. واسم المطار الدولي تاخذه من اسم الفندق بس لازم تقوله مطار دولي..المهم..بعد اختيار المحطه راح يقلك كم مقعد .. وايش تبغى اي فئه class وطبعا اكثر القطارات منطقيه او محليه تسمى ) regional( وهي اللي في خريطة المترو تلقون اسمها FR1 و FR2 وهكذا .. يعني عشان تمشي على هالخطوط ماتستخدم المترو .. استخدم القطار المحلي التابعه للمنطقه..
اسم REGIONAL راح تلاقونه لما تقطعون التذكره من الماكينه لأنه راح يذكر لك الساعه كم تبي الرحله هل مثلا من الساعه 2-4 او 4-6 او 6-8 .. وهنا يقصد رحلات الذهاب اللي تقلع في التواقيت الماضيه.. ولازم تعرف ان لازم تصلح نفس الشي ايضا لرحلة العوده يعني لما تطلع تذكره الذهاب .. سوي نفس الخطوات لتذكره العوده.. ,وفيه معلومه دا مهمه قبل ماتركب القطار في جهاز اصفر معلق على احد العواميد عند موقف القطارات قبل ماتركب القطار دخلت تذكرت عشان يعلم عليها ( يختم عليها)
انا خطتي كان الذهاب مدينه بيزا والعوده في نفس اليوم.. فبدأت بتذكرة العوده ومن ثم تذكرة الذهاب..( شوفوا الرحله متعبه ولكن اشتريت انا وزوجت شغلات من هالمدنيه من البسطات اللي عند برج بيزا مالا يعلمه الا الله .. لأنها نوعا ما رخيصه..) وهالتجربه رائعه جدا..طبعا الرجعه كانت متأخره يعني وصلنا على 9 ونص يعني طلعت من مدينة بيزا على رحلة 6 الا ربع بحيث رحلتنا من روما الى بيزا على رحلة 11 الظهر.. والرجعه المتأخره الغت خيار المترو اللي يقفل الساعه 9 .. ولكن خططنا لهذا الشي فقطعنا تذكرة ب 4 يورو لي ولزوجتي اللي يخولك تركب مترو او ترام او باص بهالتذكره طول 24 ساعه.. فلما رجعنا من رحلتنا استخدمنا هالتذكره اللي سبق ان استخدمناها في المترو في نفس الصباح للذهاب الي روما تيرمني
نصيحتي الرابعه : اشتري هالخريطه اللي صورتها تحت لأنها فيها خريطه موضحه خطوط الباصات والمترو والاماكن السياحيه .. ورقم الباص راح يجي في مقدمة الباص.. ولكن النصيحه.. لازم تعرف وين توقف.. وفيه ازرار في العواميد اللي نمسك فيها داخل الباص ولازم نضغط الزر قبل الموقف عشان يوقف السواق.. وعرفت هالمعلومه من استقبال الفندق بعد موقف محرج جدا يوم دخلنا الباص ومو عارفين كيف ننزل و نشوف الموقف عدا وماوقف الباص .. لأن السواق ماراح يوقف الا لما يسمع جرس الزر اللي تضغطه قبل ماتوصل نقطة التوقف..
مواقف الباصات : تتلخص في الصوره التاليه رقم باصك.. والمحطات اللي راح تمر عليها ومن الخريطه التاليه راح تعرف خطوط الباصات..
اخيرا
للذهاب الى المطار ..او الذهاب من المطار الى الفندق
نصيحه اتصل على
Roma Airport shuttle bus 800930032
راح يوصل ب 15 يورو للشخص مع الشنط. ويجيك لحد الفندق. لأن في روما العاده راعي التاكسي يزيد على كل شنطه 1 يورو.. ولكن الباص المعني راح يقل غيرك من مسافرين في ميني باص صغير ..
ومطار بعيد.. يعني راح يكلف من 50 - 60 يورو بالليموزين او ليموزين الفندق
الصور كبيرة اثرت على جمال الموضوع
حاول تصغر الصور
الف شكر لك ....