أخي الكريم برنامج رائع بالنسبه للفنادق دبي رائعه وما عليها كلام،والفنادق الي بتركيا لمن اسكن فيها ،بس ان شاء الله تعجبك،وصدقنى ماحد يضبط البرنامج غيرك لانك ادرى الناس بما تحتاجه عائلتك.
ما ذكرتنا الاسعار بس ان شاء الله تكون مناسبه لك.
أتمنى لك والعائله الكريمه رحله سعيده وموغقه باذن بالله.
تحياتى.

عزيزي برقاوي يابرقاوي
اسمح لي اخش عرض ....... لماذا تجلس في دبي في الذهاب والإياب
معليش احنا في الصيف والرطوبة شادة حيلها ......... اسمح لي سؤال
أنت تحب دبي ؟؟؟ إن كانت الإجابة بنعم ادخل الرقم 1 ههه
أكيد تحبها والا ماكنت رحتها ........ أخوي معليش الرطوبة بتكرهك ولن تستطيع الخروج ولا التمتع إلا في المراكز المغلقة ....... صحيح الفنادق 100/ 100
ملقوف صح ......خلي سفرتك دبي اسطنبول يعني انتظار في المطار كم ساعة ولن تمل لأن مطار دبي جيد وعلى اسطنبول ........ في العودة ممكن تبقى , وفر هاليومين للبراد واللي بتدفعه في الفيرمونت بتلقى أحسن منه في اسطنبول ,... لسه خلينا في دبي ........... ثم قندق دار السلام اختيار موفق ورائع لكن الله يعينك على الرطوبة , المتعة أن تنتقل من دار السلام إلى القصر أو السوق بالقوارب الله الله ........ يازين ذيك التمشية لكن الرطوبة .......والله ماودي اضيق صدرك لكن أنت عزيز وقلت احط رأيي
ممكن مداخله

تشققت من الفرحه بعد ملقيت اخوي الحبيب والرائع تلفريك معطيني رايه:x1: :x1: :x1:
الف شكر ياتلفريك وتراي ماحب التلفريك ومستحيل اغامر واركب في بورصه ماشاء الله عليك مدري كيف ركبت الهوائي ذاك المهبول ياهو يشلع القلب شلع
شورك وهداية الله وكلامك منطقي وسليم دبي تكون في الذهاب بس وتراي مختار فيرمونت بناء على تجربتك وراك وراك وش رايك اخليها على فيرمونت قريب من كل شي وميناء السلام يكون تمشيه بعد العصر وبالنسبه ليلوا قصدك اسكن في فندق انا ناوي اتمشى فيها وارجع بورصه
تراي احب جو المدينه والاماكن الهاديه شوي وتمل ووالله مافكرت بتركيا الا بعد رحلتك ماشاء الله على اسلوبك
رايك يهمني وانا اخوك وخصوصا انه راي سديد وياليت تقول لي كم يكفي بورصه ويلوا عشان تعديل الحجوزات ولك خالص شكري ودعوه صادقه في ظهر الغيب قل ظهر الغيب اجل ليش تعلم ههه

آسف أخوي على التأخر
تعرف إجازات وزواجات واستراحات ههه
اشكرك على ثقتك .... لكن مانيب مجاوب
وشلون تخاف من التلفريك
التلفريك صديق الجميع آمن وحليو , أما التلفريك المعلق أو الكراسي , آآه يازينه خصوصا إذا وقف بك في نص الخط وانت متعلق , بيني وبينك كنت خايف لكن يوم شفت بزارين يضحكون قلت آفا
توكل على الله وبرنامجك حلو
دبي , والله فندق فيرمونت ممتاز موقعه وخدماته المهم السعر أظن الصيف يخصمون أكثر لا تفوت الفطور, أما ميناء السلام فهو تحفه والبقاء فيه أمنية لأنك في مدينة الجميرا فندق وسوق تغنيك عن الخروج , أنا لو تسألني فيرمونت أو ميناء السلام أحتار , لكن فيرمونت فندق وميناء السلام راحة وتمدد
بالنسبة ليلوا , نعم أخي اقتراحي أن تسكن فيها يومين بتبسط , وبورصه يومين إلى ثلاث , واسطنبول دع لها النصيب الاكبر إن كنت تحب التاريخ والآثار
تحياتي