السلام عليكم ورحمة الله وبركاته...
ابوجريد عضو جديد معكم وإن شاء الله افيد واستفيد
رحت ماليزيا وكل المعلومات من البوابة الماليزيه
وماقصرو الشباب المعلومات كانت دقيقة بالحيل حتى
مسؤل العطلات جننته من كثر ماسمع مني حتى طرح
علي سؤال قالي اذا انت لهذه الدرجه عارف وطابخ ماليزيا
ليه ما تظبط امورك هناك ازينلك ....؟ جاوبته شرهتك على
اللي شاف ماليزيا الشاهد ان الرجال انصفق على وجه
وارسلتله ملف الوورد اللي مظبطينه شاب البوابه الماليزيه
وواستنزل الرجال مسكين حق السفريات وقال بعد العيد بيسافر
مالكم بالطويله....
رحلتي إن شاء رب العباد الى تركيا في يوم28/12/2006
والعوده في 10/1/2007 ولا ادري بالطبخه ولا جهزت شي
غير الحجز وللمعلومية انا لحالي هالمره واللي وده يخوي
حياه الله بس ماهو ب MM ...
اتمنى تسنعوني تراني ما احب غير الطبيعه والاشياء المميزه
جداً حياة المدينه والمباني الشاهقه ما افضلها .... الزبده خاطري بجدول
مبسط مافيه كثر روحات وجيات تعبت من رحلات ماليزيا وتكسرت
بروح هاللحين وانا كلي ثقة انكم بتساعدوني اباخذ لفه في البوابه الفلبينيه
وارجعلكم لاني مسوي حجزين اخاف تركيا ما تظبط ماتروح الاجازه على:112:
والختام شكراً لكم وشكراً على القائمين بالمنتدى المسافرون العرب
ابو جريد اخوكم.