وأنا برضو أبي نفس متطلباتك
ننتظر أفادة الأعضاء

وانا سجل عندك ثمانيه ايام من بداية سبعة
واهم شي الفرق بين بيروت وجونيه وابورمانة والافضل لنا

ياهلا والله رجوى شرفت موضوعي
ولازلت بانتظار خبراء لبنان
وينكم يااخوان ؟؟؟

طلال2006
هلا اخوي طلال الصراحه طلباتك صعبه اشوي ابي اعرف شنو المناظر المخله بالاداب
عشان افيدك يعني ماتبي اتشوف لبنانيه لابسه جينز وتي شيرت قصير ولا تنوره قصيره
اقولك لا والله يا اخوي طلال هذا الشي بتشوفه ومالك مصد عنه
وعشان افيدك اكثر جاوبني كم ميزانية السكن لديك واعلمك وين السكن المناسب لك
وبعدين اشرحلك اشلون تتفادي الاماكن المخله بالاداب
وانا حاضر

الله يسعدك اخي العجمي مشكور
انا زرت لبنان مره واحده قبل سنتين تقريبا لمدة ثلااثة ايام مع احد الاصدقاء
وأخذت انطباع كامل عن طبيعة الناس هناك
ولكني اريد االابتعاد قدر الاستطاعه عما ذكرته وخاصة اني مع زوجتي !!
ميزانيتي من 10000 عشرة آلاف ريال الى 15000 خمسة عشر ألف ريال
لمدة اسبوع فقط
أبحث عن السكن المريح العائلي الهاديء
ابي فندق فخم بموقع ممتاز آمن ومريح
لايهمني السعر
يعني باختصار ابيه اسبوع ممتع مليء بالذكريات الجميله التي لاتنسى
وان كان لديكم ترشيح لزيارة دولة أخرى بهذه الميزانيه ؟
ومشكور يالحبيب الله يعطيك العافيه

طلال2006
هلا اخوي طلال عرفت الحين طلبك
انت رايح شهر 8 واكيد تبي الجو الحلو والبراد والفندق الفخم لانك عريس جديد
شوف مافيه بهالمواصفات الا فندق ومنتجع غراند هيلز ببرمانا وانا انصحك فيه
وسعره اعتقد غالي بس اسأل عنه وشوف كم سعره
وانا ليش قلتك برمانا لان عاليه وبحمدون كلها خليجين وازعاج وانت تبي تاخذ راحتك
وعندك ياطويل العمر مطعم منير حذفة عصا من فندقك وفيه احلي قعده وطله واكل وسعره مناسب
وعندك بعد فخر الدين وبرج الحمام كلها ما تبعد عنك خمس دقايق بالسياره او اقل
وفيه شارع القهاوي برمانا تقدر تروحله باليل وتجلس جلسه حلوه وقريب من فندقك
وفيه قهوتين فيها برامج لاتقعد فيها وانا انصحك بقهوة جراند كافيه او بتي كافيه
والاكل عندك اكريب اوي بنفس الشارع
وانشالله افيدك اكثر بعدين لاني اكتب لك الحين وانا مشغول واسمحلي علي القصور اخوي طلال

اخوي طلال خذيتلك اعلوم الفندق من اخوي اليوم يقول شيء فخم وعجيب ويقول فيه 7 مطاعم
يعني ابد مايحتاج كل يوم اكل بمطعم ويخلص الاسبوع وترد ما شفت المناظر المخله
تري اضحك معاك لا اطلع وتمشي واستانس وصدقني غير لبنان لاتدور يكفي القرب والطبيعه الحلوه
والاكل الزين والمعامله الممتازه
وبخصوص الغرفه هو خذي سويت 240 دولار اكيد الغرفه ارخص وانا خوك والصراحه موقعه ممتاز
وإذا عندك اي سؤال انا حاضر يا خوي طلال انت امر بس