النووري
22-12-2022 - 07:40 pm
السلام عليكم
اولا : اتمنى ترحبون فيني كعضوه جديده بالمنتدى اللي شدني له اعضاءه وعطاءهم اللا محدود عساهم على القوه
شاركت حتى افيد واستفيد منكم ...
ثانيا : احب اشكركم على كل معلومه استفدناها منكم يوم كنت زائره والحين صرت عضوه
ثالثا :
ابي مساعدتكم
>>> تتميلح من مساعه عشان المساعده ههه
قررنا انا والعائله الكريمه نسافر بهالصيفيه يعني بشهر 6 نروح امريكا
معنا 3 اطفال ربي يحفظهم
والوجهات اللي قررنا نروح لها
واشنطن 3 ايام
اورلاندو 10 ايام
تامبا 3 اياام
ومدري تحسون ميامي حلوه وتستاهل العنوه والروحه والا لا ؟!!!!
واشنطن
ودي اعرف السكن لعائله في واشنطن...؟؟ وين نسكن ؟!!!
وهل نستاجر سياره بواشنطن والا ماله داعي ؟!!!!
وشنو الاماكن الحلوه والسياحيه ؟!!
اورلاندو
حجزت الماريوت وسياره طبعا بنستاجرها ..!!!!!
تذاكر ديزني ... اخذها من الحين اون لاين والا اخذها من الفندق والا شلون ؟!!!!
تذاكر السيرك واليونيفرسال والسي وورد اخذها اون لاين ؟!!!! والا لمن اوصل بعد ؟!!!
تامبا
ماحجزت ولااعرف سكن جيد ؟؟؟ ممكن تفيدوني
وشنو المناطق السياحيه ؟؟؟
ميامي ... هل ازورها او لا ؟؟؟
وبالنسبه ان عندي مشكله مع ابو العيال ... يقول ان اورلاندو حاره جدا ومستحيل نستحمل الحر بديزني .. هذا الكلام هو سامعه ماجرب طبعا ... انتو شرايكم شلون الجو بشهر 6 و 7 ؟!!!!!!
انا ابي اروح استانس انا واليهال بزياره حلمنا الديزني وورلد
ياريت تفيدوني
وان شاء الله تكونون معاي من بدايتي للتخطيط للرحله لحد ماارجع واكتب التقرير
بالنسبة لواشنطن هذا الرابط ان شاء الله بيفيدكم ,,
بالنسبة لاورلاندوا دزني تاخذوها من هناك !!
اما اليونيفيرسال والسي وورلد وتبع تابا ( بوش قاردن شيكوها في النت من هناك وقترنوها بأسعار الفندق وخذوا الارخص !!
تامبا ما يحتاج تروحولها 3 ليالي تروحولها من اورلاندوا ساعة بالسيارة وتقضوا فيها يوم كامل للملاهي بوش قاردن ويوم للكير ووتر مع الاسواق فقط
ميامي تستحق الزيارة 3 ليالي
وهذا الرابط لها ,,
الاجواء في فلوريدا في الصيف مشمسة ورطبة لاكن اهون من عندنا في الخليج وف يالمساء مقبولة !!
اتمنى منكم زيارة التقارير المصورة ومنها تقريري لعام 2007 في نهاية التوقيع بيفيدكم ان شاء الله بأهم المناطق !!
بالتوفيق