- قلنا عسى في الامر خيرة ان شاء الله
سافرت انا والمدام وابنتي الصغيرة يوم الاربعاء من الرياض الى جده طبعا كانت السفره على الخطوط السعودية وكانت الرحلة ممتازه جدا في المواعيد قطعت التذاكر بمبلغ 1176 ريال نزلنا للمطار واستاجرت سيارة كورولا 2008 من بدجت ب120 ريال
توجهت الى سوق محمود سعيد في جنوب جده سوق ممتاز دخلنا السوق الساعة التاسعة وجلسنا في مقهى الشجرة مقهى ممتاز واسعاره شوي عاليه بس المكان جميل وبعد نص ساعة الا والامطار تمطر في السوق مطر ورعود وبرق طبعا في محمود سعيد يكون عندهم عرض امطار من الساعة 9.30 حتى الساعة 10.00 بس شيء جميل
بعدها توجهت الى شقق الخليوي في شارع فلسطين اخذت غرفة وصاله ب 170 ريال بس شقه خمس نجوم افطار مجاني كوي مجاني جريدة يوميا حلاق كل شيء موجود والله الشقة فخمة جدا وممتاز وسعرها ممتاز بس في المواسم والاجازات يوصل سعرها اكثر من 300 ريال نمنا يوم الخميس افطرنا بعد الظهر طلبنا غدا واتغدينا وعلى طول توجهت الى كورنيش ابحر
بس كان المكان زحمة بس حلو مره وجلسنا في ابحر حتى المغرب وطلعت جوله بحرية نص ساعة بس ب 150 ريال
بعدها طلعت على مول رد سي الجديد المكان جميل وممتاز بعدها قلت ياشيخ ابي اعزم المدام عزيمة فخمه
طلعت طريق المدينة الى مطعم قدوره مطعم خاص للاسماك المهم المكان فخم والاسعار غاليه :112:جدا قبل اطلب الا البنت تبكي وتزعل الله يعينها من الظهر صاحية طبعا عمرها سنة ونص وتهاوشنا انا والبنت قلت يامدام كاشت من المطعم وطلعنا
قلنا عسى في الامر خيرة ان شاء الله
بعد شوي فاقت البنت وطلعت على الاسواق طبعا جميع الاسواق اذا تبون اسواق ممتازة كلها في شارع الستين مجمعات ممتاز واسواق تحف كلها في شارع الستين تمشينا في الاسواق حتى الساعة 11 تقريبا بعدها اخذت العشاء من مطعم البيك في شارع الستين طبعا كالعاده زحمه في البيك وطلعنا على الكورنيش الشمالي وسهرة وجلسة بعدها رجعت الشقة
في يوم الجمعة الساعة الرابعة خرجنا من الشقة واخذنا جوله في السيارة على جده بعدها توجهنا للمطار واقلعنا على متن الخطوط السعودية وكانت دقة:x1: في المواعيد
اعتذر عن التصوير
بس كيف كان الجوو ؟؟
وليش ماصورت ؟؟؟