1. تحيه طيبه للجميع


2. تكفون يا ربعنا صورة حلوه بدون تشويه الله يخليكم


3. البدايه

اسعد الله اوقاتكم جميعا بالخير

تحيه طيبه للجميع

بداية أتمنى قبول عضويتي و تشرفي بتواجدي معكم و حبيت في اول مشاركه لي اني اقدم تفاصيل لآخر رحلاتي واللي كانت ( لأرض المغرب)
استمتعت بقضاء شهر كامل في المغرب لا اعتقد واعوذ بالله من كلمة (أنا) ان هنالك اي سعودي عمل اللي عملته لانه بصراحه (جننت المغاربه لما حكيتهم تفاصيل رحلتي في نهايتها بصحبه أحد الأصدقاء ) والسبب اننا قدرنا في شهر (نمتر المغرب ) بأقصا قدر ممكن لدرجة انني لا اتذكر الأماكن والمناطق اللي زرناها وطبعا اللي شجعنا على هالأمر لكل من زار المغرب يعرف جيدا ميزة (شبكة الطرق ) او (الاتوروط:109 كما يحب تسميتها اخواننا المغاربه
وحبيت اقدم رحلتي ونصائحي للي حابين يسافرون هناك و اتمنى منهم يغيروا الصورة النمطية للفكر المتخلف السائد بينا عن واقع المغرب لأني وبكل صراحه هي اول زيارة لي و من التقصي والاستبيان اللي عملته مع صاحبي من السعوديين اللي قابلتهم في المطار خلال العودة (لأصدم و أفجع و انهبل واحمد ربي على نعمة العقل )لاكتشافي بأن هناك سعوديين زاروا هذا البلد لاكثر من عشر مرات و لا يعرفون عن المغرب الأ بالزبط زي ما تعرفه جدتي عن المغرب
ووالله انا حزنت على الوضع لاني مقتنع قناعه تامه بأن (ثقافتنا السياحيه ) هي ثقافة تطبيقية لتجارب سابقه ولن يبحث مسافرنا العزيز لاي بلد الا عن تجارب من سبقوه ( وكلن يشلخ على الثاني والشعب طلع اي كلام )
ما احزني في واقع الامر هو عند عودتنا (تفتيش موظفي الجمارك لملفات جوالاتنا :upset:

تكفون يا ربعنا صورة حلوه بدون تشويه الله يخليكم

أعتذر عن إطالة المقدمه وأعتذر عن تحميل الصور واللي هي مره كثير واعتقد ان المغرب اجمل لما تزورها وتشوفها على واقعها واللي يتميز بتنوع رهيب ورائع وإختلاف في طبيعة المناطق القريبة من بعضها لدرجة كأنك تسافر من دولة لدولة أخرى (لكن انت داخل بلد ) شفناها بصراحه كذا و(تسيحنا سياحة خواجات انا وصديقي الصدوق
اعتذر عن الأطالة ولندخل في تفاصيل الرحله واللي انا تمنى من اللي يحب يسافر ويشوف المغرب زي ما شفتها يسوي اللي انا سويته وصدقوني راح تدعون لي وما راح تزورون المغرب مره ثانيه لانكم راح تفكرون بمكان ثاني ( رحنا مره وشفنا كل شي ) ويالله وهذي ميزة السفر التنوع والإستمتاع بأكبر قدر تقدر تزور فيه دول العالم ....
(((( يا ولدي لي 25 سنه وانا ازور المغرب ما شفت ولا ربع اللي انت شفته )) خالي لما علمته بتفاصيل الرحله

البدايه

طبعا حنا كنا مرتبين امورنا في سفرتنا واللي توافقت مع وجود رمزين من رموز الوطن وتشرفت بلقاءهم (سمو ولي العهد و فنان العرب اللي شدا بأجمل ما يمكن ان يتغنا به في المغرب .. في أغنيته اللي اطربت المغاربه في فاس واللي مطلعها يقول ودع اليأس وسافر وأغرب واشتر الحسن بأرض المغرب ...فكانت الرحله أجمل بصراحه ..
و يا أخوان انا راح اذكر خط سير الرحله خلال شهر و سأكتفي بهذا الحد دون تعمق في التفاصيل بعدا عن الإطاله أو عدم وجود تفاعل أو رغبة في معرفه التفاصيل ( يعتمد علي ردودكم )
والله حبيت اشارك واكتب عن الموضوع للفائدة وتغيير نمطية (ثقافتنا السياحيه ))
عموما بدأت رحلتنا من خلال المحطات التالية بحسب نقطه الانطلاق واللي إعتمدنا فيها بالدرجه الأولى على الخرايط والله ما نعرف اي شي عن البلد الا بالخرايط وما قصرت خلتنا نلف المغرب لف طبعا إستأجرنا سياره وهذه اول شي انصح فيه اخوانا لي بيسافرون ( مع وضع خطين لهالكلمه :ترى نظامهم الأمني ومراقبتهم للنظام المروري انت تشوفهم برجولهم أو بدبابات لكن والله يا هم جن فاحرص انك تلتزم بالنظام لابعد درجه لابعد درجه والله ما يسامحونك ولا يمزحون بهالموضوع ابدا مو زي عندنا وانا كنت اقول لصاحبي والله لو عندهم امكانياتنا الامنيه كان ما تلقى عندهم تتسجل مخالفه واحده (بصراحه انجنيت من كيفية قدرة رجل الامن المغربي بصفارته في تسيير النظام وتسجيل الخالفات بطرقه يعني ماوالله تصير عندنا ابد
للأمانه كان ترحيبهم لنا وتعاملهم الجميل معنا وين ما رحنا صفه غالبه ( وما يمنع من تقديم الحلويات لهم يستاهلون والله :101
كانت نقطة البداية الدار البيضاء - مراكش - أغادير - الصويرة - اسفي - المحمدية - الرباط - افران - مكناس - فاس - الرباط- أصيله - طنجه - تطوان - سبته - الرباط - فاس - طنجه - الدار البيضاء (العودة للرياض)
عزيزي القارئ تصور جميع المناطق القرلا وبدائع الرحمن وجمال المغرب في كل تضاريسه عشناه وتعايشناه فأنا بس حبيت اذكر المحطات الرئيسية واللي في كل محطه كان هناك محطات وانا راح اقولهكم ليش قبل ما يتهمني أحد بأني (شلاخ ) كان يبدا برنامجنا اليومي الساعه ثمانيه صباحا لحد الساعه ثلاث فجرا كنا كذا فما قصرنا ابدا ابدا باللي سوينا لارجع وأقول (أبهرنا المغاربه بزاف لدرجه ان كثير منهم يقولون لنا ما زرنا كثير من الأماكن اللي رحتوها ( وبرضه نقطه ثانيه يعني انا ما نيب ابد ولد نعمه يعني لا تفكرون اني من أصحاب الميزانيات المفتوحه لكن فيه نوعيه من التصرف و استخدام العقل اللي هو دبره (غلبنا الواقع على الفله ) فأستمتعنا بالأثنتين
أعتذر عن الأطاله و اذا حابين اني ادخل بالتفاصيل فيشرفني ان كان في تجربتي الشي اللي يستحق انكم تناقشونه ))
والله يرعاكم