.. السلام عليكم ورحمة الله وبركاته ..
قبل فترة كنا معزومين في رحلة لمنطقة اسمها شرماء تقع شمال المملكة
على البحر الأحمر وتبعد عن مدينة تبوك 120 كم حاليا .
هي عبارة عن قرية صغيرة ولكن شواطئها رائعة جدا وهادية لأبعد الحدود .
الصور اخذتها في منطقة تابعة لوزارة الدفاع والطيران تؤجر على منسوبيها
وليست القرية نفسها للمعلومية فقط
بداية الطريق الرمال فيه رائعة جدا وممتعة خاصة للي معهم جيوب يستانسون
وهذي صورة من مكان ثاني :
شوي شوي صارت تقابلنا جبال وانعدمت الرمال الذهبية
بعد ساعة زمن وصلنا ولله الحمد وكان الجو رائع جدا قبل الغروب .
قمت اخذت جوالي ورحت للشط المخصص للنساءفقط ( هذا احلى شي فيها )
وجلست على مرجيحة وصورت لكم هالصورة :
ومن نفس المكان صورت لكم فيديو اذا تحبوا تشوفوه هنا http://www.dalooo3a.com/travel/sharma2/sunset1.mp4
طلعت من شاطىء النساء وفي طريقي اخذت صورة للغروب بس مو قد كذا:
وهذي صورة ثانية لميناء شرماء بعيد عنا شويات بس صورته لكم :
ورجعت للشاليه وجا الليل وبصراحة الليل هناك ممتع وهادي جدا
وكان الجو يومها بارد شوي وانا جالسة في مكان صورت لكم ( السقالة )
هذا مكان مخصص للصيد :
جلس ولد اختي يصيد يومين آخر شيء قبل نرجع بساعه صاد هالسمكة
جاء ثاني يوم والكل مستعد للسباحة بس البحر كان موجه عالي وخرب جوهم
وماطلعت يومها من الشاليه الا العصر وانا في طريقي لقسم النساء
أخذت لكم صورة للمنطقة ولاحظوا كيف قوة الهوا مأثرة على النخل .
وهذي صورة ثانية بعد :
وهذا ملف فيديو بعد صورته اسمعوا بنفسكم صوت الهوا هنا http://www.dalooo3a.com/travel/sharma2/sunset2.mp4
ورجعنا جلسنا تحت المظلات وكل وحدة مسكت جوالها بتصور الغروب
بس لأننا محترفات ماطلع الغروب حلو ولا مع أي وحده فينا
ومن بين 15 صورة صورتهم اخترت 3 صور بس
وهذي صورة ثانية بعد :
وهذي آخر صورة :
يوم الجمعة من 7 الصباح طلعت على البحر مع ابوي وكان البحر هادي
جلست في مكاني اللي بالليل وصورته لكم :
ومنه بعد وصورت لكم السقالة بالنهار :
وهذي المظلات على البحر والمنحدر هذا علشان ينزلون الجت سكي منه
وهذي نفس المظلات من الزاوية الثانية صورتها لكم بس الظهر :
بعدين رجعنا عشان الفطور ولقيت بطريقي قدام الشاليه هالمنظر عجبني:
وهذي بعض الألعاب البدائية على البحر
قبل الظهر رحت جلست على الشط كان الجو حلو وغايم نوعا ما
صورت لكم الحاجز بين قسم النساء والشط العام