CoCaToo
21-04-2022 - 02:02 am
السلام عليكم ورحمة اله وبركاته
أسعد الله أوقاتكم بكل خير
بصراحة من زمان وانا اتمنى اروح اوروبا وخصوصا ايطاليا واحضر مباراة كبيرة هناك
انا من عشاق فريق السيدة العجوز (يوفينتوس) البيانكونيري
خططت كثير اني اروح ولكن ما كل ما يتمنى المرء يدركه .. دائما يصير شيء يمنعني من السفر
السنة هذي عقدت النية انا وولد عمي (رفيق الطفولة) اننا نروح وبما انه من عشاق الميلان قررنا نروح نحضر مباراة الميلان واليوفينتوس يوم 10 مايو ان شاء الله
اول شيء بدأت ادور على تذاكر الطيران والمباراة .. وبحثت في النت ومكاتب السفريات وفي الاخير قررت الحجز عن طريق النت على الخطوط السعودية .. وهذي صورة من التذكرة
والعودة راح اغيرها ان شاء الله الى يوم 15 مايو بدلا من 12 مايو
أدري انها فترة قصيرة ولكن لظروف العمل والميزانية
طبعا السعر زي ماشفتوا 3132 ريال تذاكر لشخصين رايح جاي من الدمام الى ميلانو
جينا لتذاكر المباراة .. بصراحة مجازفة شراء التذاكر من النت من ناحية مكان المقاعد
قلنا بما انه حلمنا .. راح نشتري افضل مقاعد نلاقيها
لقينا افضل شيء فئة VIP Gold واشتريناها بمبلغ 808 يورو التذكرتين
لكن اشوف انك ضيقت الوقت على نفسك