- تعبيها وترسلها لهم ...
السلام عليكم ورحمة الله وبركاته
الحمدلله بعد عناء 3شهور من التفكير والبحث في كنز المعلومات عن نيوزيلاند الي اهو المنتدى هذا قررت الذهاب الى نيوزيلاند وبالتحديد الى اوكلاند .. واشكر على كل من قام بالمساعده سواء لي او لغيري ..
طبعا كل واحد واجهته متاعب قبل يقرر لكن الحمدلله والشكر صار كل شي سليم وان شاء الله تتم الرحله على خير .
من ناحية حجز الطيران قررت على خطوط الكاثي باسيفيك .. ورحلتي في 10/7/2009 يوم الجمعه
المعهد الورلد وايد في اوكلاند وخذيته لمدة اسبوعين فقط لكي اجرب المعهد وهذه نصيحة الاخوان هنا والله يجزاهم الخير .
من ناحية السكن .. طبعا كان ودي بالسكن مع عائله لكن المعهد قال انت حجزت لمدة اسبوعين ولا راح تفيدك .. فحجزو لي على السكن تبعهم ..
هنا راح افيد الاخوان الي ناوين على الروحه بخصوص التقديم على المعهد ..
من ناحيتي انا في البدايه كنت خايف من موضوع التحويل وكيف التقديم يعني ضايع .. ومن فضل الله ثم فضل الاخوان هنا الحمدلله كل شي صار زين
في البدايه من ناحية المعهد الي انا فيه كان متجاوب معي للغايه ..
ارسلت رساله لهم طبعا تترجمها في قوقل او شي انك حاب تدرس عندهم وتسال عن الاسعار ..
راح يرسل لك قائمة الاسعار عندهم وكل شي موضوع السكن ..
انت تختار وتقول ابي كذا وكذا .. طبعا ان كنت حاب تجرب المعهد راح يعطيك اقل شي اسبوعين طبعا بفلوس مافي شي ببلاش ..
بعد اختيارك راح يرسل لك بيانات تكتب فيها اسمك ومعلومات عنك ..
تعبيها وترسلها لهم ...
بعد كذا راح يرسلون لك القبول المبدئي .. وراح يرسلون ايضا فاتوره الدراسه شامله للتامين الطبي ورسوم المعهد وبتلقا كل شي بالفاتوره . ومسجل بالفاتوره رقم الحساب حقهم ..
الي عليك بعد كذا تروح لاحد البنوك .. من ناحيتي انا رحت لبنك الراجحي وقدمت لهم رقم الحساب .. طبعا راح تحوله لهم بالدولار النيوزيلندي .. بعدها تاخذ من الايصال والافضل لك انك تختمه من عند المدير اضمن لك وتطمئن بعد ..
تروح طال عمرك بعدها لاقرب مكتبه وتقول حول لي هذه الورقه الى صيغة pdf وتنقله على الفلاش حقك وتروح لبيتكم وترسل الملف لهم فيه الايصال انك حولت المبلغ ..
ماراح يطولون معك في المساله هذه .. من ناحيتي انا في نفس اليوم جاني القبول النهائي ..
اطبع القبول النهائي وخله معك عشان تحتاجه في المطار ..
وفيه طريقه ثانيه مسويها لنا المشرف احمد الله يجزاها الجنه على حرصه على اخوانه وراح تلقا الموضوع مثبت ..
حاليا وقت المقاضي وفي ذا الاسواق اشتر هذا وحط هذا .. الله يعين
ادعو لي يا اخوان بالتوفيق .. والى الان ما ادري اجلس 3 اشهر او 8 اشهر .. لان بعضهم قالو مالها داعي تحذف ترم .. لا توني مخلص السنه التحضيريه الله لايوفقها
الله يوفقك حبيبي و شد حيلك يا عسل
حبيبي
ابغى اطلب منك طلب لا هنت و ابغاك تساعدني فيه
اول شي و قبل كل شي في موضوع كتبته قبل شوي يا ليت تشيك عليه