- في اليوم الخامس اتجهنا إلى مراكش
السلام عليكم ورحمة الله وبركاته
اول شي اعذروني على طريقة سرد الموضوع فهذا اول موضوع اكتبه!!
السفرية ما كانت الا هبقة مع واحد من العيال ولا اصلا ما كان في روسنا نسافر للمغرب .. لكن من كثر ما سمعنا عن المغرب قلنا خلينا نجرب ونزور هذه البلد.
مع ان الامور كانت مستصعبه علينا في البداية خاصة في الأمور المادية لدى زميلي ... لكن كله بالتساهيل ودعا الوالدين يجي .
رحلتنا كانت يوم 25/ فبراير /2009م والعودة في 11 مارس (( اسبوعين تقريبا)) ومسار الرحلة : الرياض جدة كازا واستغرقت الرحلة عشر ساعات مع التوقف في جده .. لكن ما حسينا بالتعب لاننا ريحنا في الطياره اللي كانت فاضية ( خاويه )
وصلنا كازا على الساعة 4 ونصف وركبنا القطار اللي وصلنا لقلب المدينه حيث مقر سكننا في فندق فرح توليب في شارع الجيش الملكي . مكثنا يومين فيه
وبعده انتقلنا للسكن في احد الشقق في شارع المقاومه وكانت جيده ولله الحمد
بالنسبة لكازا فهي مدينه اقتصاديه وزحمه بالزاف . .. وفيها بعض الاماكن التي تستحق الزيارة مثل عين دياب وبوابة مراكش .. وهناك اماكن اخرى تستحق الزيارة ولكن للآسف لم نستطع زيارتها لانها كانت اول زيارة لنا لهذه البلد.
لن انسى الموقف الذي تعرضنا له من احدى الحريم العجايز في مقهى فرنسا اللي استلمتني انا وصاحبي حش وسبسبه من الباب للطاقة لدرجة ان الماره اصبحوا يتفرجو عليها وعلينا ( صراحة موقف لا نحسد عليه ) مع اننا كنا جالسين وفي حالنا ؟؟؟؟
هذا غير اللي باعنا شريحة اتصالات وماافيها رصيد بس يلا كل دقة بتعليمه ههه
في اليوم الخامس لنا وبالتحديد 1 مارس اتجهنا لمحطة ستيام والتي كانت قريبة من مقر سكننا وركبنا الباص والوجهه كانت إلى أغادير ..
اول ما سمعنا ان المسافة ستسغرق سبعه ساعات قفلت معانا وقلنا ايش المشوار الأليم اللي راح نصقعه لكن طلعت خطوطهم ما تطفش منها مو زي اللي عندنا للآسف .. حتى المحطات عندهم انظف من عندنا بمراحل !!
الطريق كان كله ربيع ومناظر تسر الناظرين .. والسفر تخلله الوقوف في بعض المحطات فهناك محطة قبل مراكش ب70 كم و توقفنا في مراكش .. وكذلك في مدينة شيشاوه وآآه على شيشاوه والمشاوي اللي فيها صراحة مشاويهم مزيانه بالزاف ...وسلمولي على محطاتهم مو مثل محطاتنا سواء من ناحية الخدمات او حتى النظافة !!
اغادير وصلناها على الساعه 7 مساء وسكننا كان هو اسوء مافي سفرتنا للمغرب الا وهو فندق صحراء اغادير .. طبعا مكثنا في اغادير اربعة ايام وللآسف لم نستمتع ببحرها بسبب الأجواء البارده والرياح اللي كانت تهب على تلك المدينه الرائعة في الفترة اللي زرناها ..
القصبة وسوق الأحد ابرز ما زرناه في هذه المدينة وهناك أماكن لم نستطع زيارتها بسبب قلة الخبرة .. والمقاهي فيها هادئه ورايقه والمطاعم منتشره خاصة في المنطقة القريبه من الشاطيء .
وللآسف لم اجرب مطعم اسماعيل مع اني سمعت عنه كثير .. فمطعم المؤيد اشتكى مننا (( وحشتنا الكبسه والله ))
في اليوم الخامس اتجهنا إلى مراكش
ومراكش هي المدينة التي اعجبتني وارتحت فيها استأجرنا في شارع محمد السادس بجور فندق ميراج مراكش والسكن كان رائع ونظيف .. ونسانا عدم امكانية السكن في النخيل واللي كان مغلق بسبب بعض المشاكل حسب ما سمعت من الأخوة المغاربه والله أعلم .
واهم الاماكن اللي زرناها ساحة الفنا ومسجد الكتيبيه .. إضافة إلى اوريكا وجبال اوكيمدن وفي اليوم الخامس لنا قررنا العودة لكازا للراحة لمدة يوم وبعدها للعودة لأرض الوطن
اللي يروح المغرب وما يزور مراكش اعتبره ما كأنه راح المغرب صراحة ..
ما انسى اقدم جزيل الشكر للأخوان هستره ونايف حرب ولا يهونو بقية الأعضاء اللي استفدت كثيراً من نصائحهم قبل السفر .
طبعا مصور بعض الصور وعلى الرغم من قلتها حأحاول أنزلها في اقرب فرصة
واخيرا
وحشتنا المغرب بالزاف
وان شا الله تكون استمعت في رحلتك مع صاحبك
جميل منك انك زرت اكثر من مدينه خلال رحلتك
ون شا الله انك اكتشتفت ولو القليل عن عالم المغرب الجميل
وانا وباقي الاعضاء اسره متكامله ومترابطه هدفنا ايصال كل ماهو جميل عن مغربنا الحبيب
مع التحيه