ملاحظة ... اقسم بالله العظيم انه مافي ولا موقع راضي يحملي الصور حتى اهني بالموقع يطلعلي حجم الصور غير مسموح به.. صحيح حجمهم كبير بس والله العظيم موعارفه اصغرها.. ولاعارفه احط الصور الفيديوو.. ياليت تعلموني .. لاني حدي منقهرة
السلام عليكم ورحمة الله وبركاتة
في هذا الموضوع راح اعرض لكم رحلتي الاولى لشرم الشيخ
واتمنى انكم نستفيدون منها
ان شاء الله
============================
الرحلة كانت لمدة 4 ايام .... وشرم الشيخ روعه والله الأربع ايام نهائي ماكفتناا
في رحلات كثيرة ماطلعنااهاا
اولا لان الوقت ماكفاني .. ثاني شي ان اغلب الرحلات يبيلهاا يوم كامل ولازم حجز قبلهاا بيوم
ف هالشي ضيعناا وماكناا عاملين حساابه ....
احناا توقعناا انه نحجز على طول ونطلع االرحلة على طوول===
==========================
الحجز كان من القاهرة .. من مكاتب الحجز اللي في ميدان التحرير
اونصحكم تحجزون منهم اذا كنتوا بالقاهرة ومتجهين لشرم او الاسكندريه او الغردقه
لأن ارخص من عندناا بواجد
وحجزناا على الموفنبيك جولي فيل
الليه مع الافطار ب 450 جنيه مصري
الذهاب والعودة عن طريق الباص السوبرجيت الجونا سعر التذكرة 75 جنيه مصري يعني 150 ذهاب وعودة
البااص كان متعب في الذهاب .. الرحلة الساعه 8 ونص الصبح وصلناا شرم 4 ونص ... تعبناا حيل
مع انه كناا متحمسين للباص توقعناا يكون متعه لان راح نتعرف على طرق ومناطق جديده وغيرة بس اذا معاكم احد كبير بالعمر انصحكم بالطائرة ... واحناا قررنا ان شاء الله اذا بنروح شرم بيكون بطيارة مو بالباص
=====================
=================
في نص الطريق وقفناا استراحه ربع ساعه
وبعد ماوصلناا لموقف الجونه وهو يبعد عن الفندق الي نازلين فيه 7 دقايق
طبعاا اتصلت على الاخ اللي معطينا رقمه بالشركه اللي حجزت فيها ولكن رد علي وقال انا في القاهرة
:112:
واعطاني رقم شخص ثاني لكن ماتصلت عليه لاني حدي عصبت
وهناك التكاسي كثاار ودخلوناا لي الفندق مافي ايّ مشكلهطاقم العمل في فندق الموفنبيك من اروع مايكون حدهم ذوق
في الاستقبال
او طاقم التنظيف
او طاقم الخدمه .. كانوا بين فتره وفتره يدقون علينا . تأمروا بأي حاجه ..
ولا اللي يسوقون السيارة الصغيرة.. اللي تنقلناا من مكان لي مكان داخل الفندق
يعني من الغرفه لي المطاعم او الشاطئ او ل حمام السباحه ... كناا نتصل عليهم عشان يجيون
حدهم خدومين
وايضاا ماانسى حراس الامن وتحديداا واحد اسمه ******
كاان يخليناا ندخل بالاكل عادي ولا يقول شي
لان ممنوع تدخلون بالأكل وهالشي قريته بالدليل اللي بالغرفه
لكن بالموفنبيك كناا ندخل بالاكل وبالمائ والعصائر وكل شي والله ولا يقولون شيالغرفه روعه ومستوى النظافه ولاا اروع
الغرفه متكامله من كل شي نحتاجه بادق التفاصيل مو ناسين أي شي
بس ان شاء الله اقدر احمل الصور واوريكم يااها
================================
بعد ماوصلناا ........ ارتحناا شوي ونزلناا نكتشف الفندق وطبعاا انا مصورة كل جزء فيه
والحمد الله الفندق كان اغلب الموجودين فيه عرب وتحيدادا المصريين
والاجانب قليل جداا
والموفنبيك يقع في قلب الماريناا يعني باليل كناا نسمع الطقطقه الي بالشارع والوناسه اللي فيطبعاا راح تحصلون على كرت الغرفه وكرت الشاطئ اللي تحصلون من خلاله على فوط الشاطئ
بس ديرواا بالكم لايضيع منكم لان ضاع مني وانا بمطعم الافطار ودفعوني 50 جنيه عشان اطلع واحد غيره
========
الشاطئ يفتح من 8 الصبح لي 7 باليل
تدروون ليش .......؟؟؟
لان شاطئ الموفنبيك قبل هالفترة يكون في اسماك ملونه حيل قريبه
وسمحولناا بالدخول قبلهاا وصورنااهم حيل حيل قرااب
وبعد هالوقت يكونون بعاد شوي
=================================
الفندق في اكثر من مطعم
لكن كلهم غالين حيل
طلبناا غداء على الشاطي
والله العظيم مكون من ربع كيلو كفته وربع كيلو كباب وربع كيلو شيش طاووق مع عيش .. يعني ارز
طلع 398 جنيه يعني 400
من غير لا عصير ولا بيبسي ولا شي ثاني حدي انصدمت من السعر
======================
بس الغداء على الشاطئ له طعم ثاني
========================
بعدها رجعناا للغرفه واستعديناا لتمشي على المارينا وكانت زجمه موت
وهني طلعواا الاجانب عاد كلهم
واكتشفنا المكان
وجلسناا على قهوة الفيشااوي شرم الشيخ
وبعدهاا رجعناا للفندق ونوما هنيئا
============================================
اليوم الثاني
قعدناا 8 الصبح فطرناا وذهبناا على الشاطئ لي 1 على اذان الظهر
صليناا ونمناا شوي وقعدناا على العصر صلينا وطلعناا نتغدى
والغداء كان في مطعمناا المفضل فرايديز والاكل في رخيص جداا
الوجبات بحدود 30
الشيكن فينجرز كانت ب 35
وبرجر لحم ب 32 حدها خطيرة
والسلطات 16 جنيه والصحن كبير
ستيك نيويورك ب 85
وعلى فكرة انصحكم بالغداء فيه لان يكون فاضي ومافي احد لكن باليل لاحد يدخله من الزحاام اللي في والديسكوو اللي شغال وهالشي تشوفونه بالشاشات اللي براا المطعم واضح وبااين
=====================
بعدهاا رجعنا وكملناا شوي على حمام السباحه ... وشفت هناك ابلتي كانت تدرسني بالمتوسط رياضيات وسلمنا عليها تقريباا صارلي 8 سنين موشايفتهاا
باليل رحناا لسوق القديم ... وجدا الاغراض فيه رخيصه
يعني الماء نفس سعر القاهرة لكن بالمارينا المشايه نفسهاا السوبرماكرتات اللي هناك تبيعه غالي
يعني اشترواا كل شي من السوق القديم
واجلسواا تعشوا في مطعم المصرين
يااحلو الموزة الضاني مع الفته وسعرهاا 45 جنيه
============================
بعد العشاا ظليناا نتمشى في السوق القديم
وفيه فلفله مشهور ومعروف ومحلات البازارات كثار جداا
ومحلات السمك ايضا
===========
بعدهاا رجعناا للفندق ويوماا سعيداا
===============================
اليوم الثالث
بعد الفطار رجعت للغرفه عشان احجز لرحلات
وطبعاا طوول ماانتوا تتمشون على الماريناا يطلعون عليكم مندوبين الشركات لرحلات
================
اتصلت عليهم واحد واحد
وسالت عن سعر الغواصه
انا قريتهاا هني بمواضيع العضاء انهاا تتراوح بين 140 الى 190
قالولي جميعهم 150 انبسطنا حيل
وسألت عن رحلة العشاء البدوي قالواا 200 جنيه
===============
رحت على طول احجز
وكانت المفاجأة
==================
:112:
:112:
:112:
:112:
انهم بس يصطادواا الناس وان السعر اغلاا اغلا بكثير
وانا انصدمت
يقولي سعر المصري غير والخليجي غير
مع انه مفهمينهم ان احنا خليجيين وطلبت سعر الخليجي
ولكن اعطاني سعر المصري
عشان بس نروحلهم
واخر شي
يقولي ليه تطلعي بالغواصه ده غاليه 250 للفرد روحي بالقارب الزجاجي 130 للفرد واطعلي مدينه ملاهي وتبقى رحتي رحلتين بسعر رحله
انا هني:112::112::112:
مو بس معصبه حدي طفرانه
اقوله مابي ملاهي مابي القارب الزجاجيوهديتهم وطلعت
وضيعواا عليناا اليوم عالفاضي ........ز احناا بروحنا رايحين 4 ايام
=================
رجعت للفندق ورحت لمكتب الحجوزات واهو موجود على يسار حمام السباحه
وقلت ابي اعرف الرحلات عندكم
قالي
الغواصه مدتهاا ساعه ونص بالبحر سعرهاا 256 للخليجي 120 للمصري
لاحظوا اغلى 6 جنيه من المكاتب الخارجيه بس فضلت احجز عندهم عشان وضوحهم وصراحتهم
===
رحلة للبدو مع الشائ والعشاء 231 للخليجي
===============
هذولي اللي سألت عنهم لكن صدمني انه مافي رحلة الآن :112: قلت له انا مسافرة قالي عندك عشاء البدوو موجود احنا نطلع الساعه 6
لكن امي رفضت وقالت لا تدرون ليش عشان مانركب على الجماال خايفه عليناا
ف كنسلنااهاا
وحجزناا ل باجر على الغواصه وكانت من الساعه من 8 ونص الى 10
وهو افضل وقت للغواصه ومشاهده الاسماك والغواصين
اهواا قال لنا بنفسه وفعلاا كلامه صحيح
=============================
الغداء كان في مطعم بيتزاا هت
بس نهائي مااعجبني طعم البيتزاا
===============================
ورجعناا نمناا شوي
ولمن قعدنا اخذناا جوله بالتااكسي في شرم الشيخ وبعدهاا نزلناا على المارينا
وقعدنا على ستار بكس لي 1 باليل
===============
ورجعنا للفندق نمنا نوماا هنيئاا
وقعدنا مبجر حيل تريقنا وحضرناا اغراضنا
واتجهنا الى الريسبشن لان الباص بياخذناا من هناك لي مكان الغواصه
وكانت رحله روعه بالغواصه
ورجعنا تمشينا داخل الفندق نودعهم ونسلم عليهم
وسلمناا الغرفه 12 ونص الظهر
===========
على ان نعاود زيارة شرم الشيخ مرة اخرى وننزل في الموفنبيك مرة ثانيه
لان استقبالهم وتعاونهم من احسن مايكون
================================================== ==
و اسمحولي ان الموضوع بدون صور لكن والله العظيم صارلي فوق الساعتين احاول انزل لو صورة واحده لكن موعارفه ولا عارفه حتى انزل مقاطع الفيديوو