السلام عليكم اخي
اردني ؟؟ و النعم والله
انا بنصحك انك ما تطلع على الملكية و تطلع على طيرات التركية ممكن توفر 500 يورو اقل اشي
و تخليهم مصروف الك داخل المانيا ..
و بما انو معظم تنقلاتك داخل المانيا خد قطار افضل من سيارة و بتستمتع بالرحلة اكثر

SamCena
والنعم من شواربك ! نعم اردني وإنت ؟؟
هيك رأيك طيب الطيران التركي آمن وبوفر الراحة ؟؟
وانا بدك الصحيح ما بعرف كيف رح اتحرك بالقطارات عشان هيك بحكي بالسيارة أفضل رأيك ؟
وهل المصروف يكفي

الايجار شوي غالي للسيارة لاتتسرع شيك على باقي الشركات

الماني حر
هلا والله اخي انا كمان من الاردن و جديد بالمنتدى بس قرأت كثير من المواضيع للاخوان هون و زي ما تحكي صار عندي خبرة
لانو انا كمان بخطط انزل بشهر 5 ان شاء الله على المانيا
بالنسبة للقطار سهل و في موضوع موجود بالاستفسارات عن كيفية استخدام القطار
باختصار u قطار داخلي لمناطق داخل ميونخ
s قطار خارجي للمناطق حول ميونخ مثل المطار الاليانو ارينا , القرى و الريف مثل قرية فوشين و قرية غارميش
و هاي القريتين لازم تزوهم جميلات جدا
و بالنسبة للمصروف الشخصي خلي 150 يورو للشخصين
كمان نقطة بخصوص السيارة انت لازم تدفع عليها تأمين حوالي 1000 يورو عند استلامها مسترجعين طبعا
بس شو بدك بوجعة الراس
و ان شاء الله اكون فدتك

اخوي داخل ميونخ ما تحتاج سيارة معظم الاماكن تقدر توصل لها بالقطار وتكلفته بسيطة
اقترح عليك الاماكن التالية
الحديقة الانجليزية والاولمبيك بارك
زيارة بحيرة امارسي ممتعة وتقدر توصل لها بالقطار
يوم للسنتر وزيارة المارينبلاتز وكذلك الاسواق الشعبية ممتعة جدا
محل ميلكا للشوكولاته والموجود بجانب السوق الشعبي لشراء بعض الهدايا
زيارة القصور التاريخية
زيارة حديقة الحيوان ممتعة جدا جدا وانصح بها وبشدة
تقدر تطلع الى سالزبورغ عن طريق احدى الشركات السياحية وزيارة البحيرات السبع رحلة لا تنسى
اتمنى اني افدتك واي استفسار انه في الخدمة