تحياتي اخواني وأخواتي,
أخوكم ملقوف حاب يشارك في هالمنتدى الرائع بمشاركة بسيطة أتمنى تعجبكم.
طبعا موضوعي متواضع ويمكن يكون متكرر بس بحاول جاهد يكون في المستوى المتوقع.
نصيحة للي بروح المالديف مايقعد أكثر من 5 ليالي لأنها غالية ولأن أكثر من كذا راح يمل.
أنا سكنت بفندق الهيلتون بجزيرة Rangali Island وفعلا استمتعت فيها بشكل كبير.
للمعلومه فقط الهيلتون في المالديف مكون من جزيرتين مربوطتين بجسر بحري
للمعلومة رحلتي كانت قبل تسونامي بثلاثة أسابيع (يعني هربت منها)
كلفني الفندق حوالي 600 دولار بالليلة بس بصراحة تجربة تستاهل تجربوها على الأقبل مرة وحدة خصوصا لما تركبو الطائرة البحرية.
أخليكم مع الصور
هذا طال عمركم منظر من الطائرة قبل النزول وتبدو العصمة ماليه ببناياتها الأنيقه
وهذي صورة ثانيه من الطياره
هذي الطائره البحريه اللي خذتنا من ماليه إلى الفندق من الداخل وطبعا كنت أنا والمدام في أخر مقعد
الطائره البحريه بعد الإقلاع ويظهر مدرج مطار العاصمه من النافذه
هذي أحد الجزر اللي مرينا فوقها واحنا رايحين الفندق
وهذي وحده ثانيه
وهذا منظر حلو للأرخبيل (حلوه الأرخبيل)
انتظروا المجموعه الثانيه من الصور اللي أتمنى تعجبكم
تحياتي
اخوكم ملقوف
حبيت أضيف بعض المعلومات اللي ممكن تفيدكم في رحلاتكم المستقبلية للمالديف.
هناك 3 أنواع من الفلل المائية في هيلتون المالديف وبالتحديد في جزيرة Rangali
1.فلل تقع شرق الجزيرة (بين الجزيرتين لأن الفندق يملك جزيرتين مربوطتين بجسر) وهذي تعتبر الأرخص من بين الفلل المائية لكنها معرضه للهواء (مثل ماصار لي ماقدرنا ننام من كثر حركة الماء).
2.فلل تقع غرب الجزيرة (وهي الأفضل) وبها جاكوزي و CD Player. :x1:
3.الفلل الشمالية ( وهذي الأفضل على الإطلاق لكنها غالية جدا).
طبعا الفيلا الشرقية كلفتني حوالي 530 دولار أما الفيلا الغربية فقد كلفتني حوالي 750 دولار لليلة الواحدة.
أنصحكم تاخذوا الفلل الشرقية لأنها أفضل وأهدأ خصوصا انكم تقدروا تشوفون غروب الشمس في المحيط بشكل عجيب.
ولا أنسى أن أذكركم ان الطائره البحرية اللي توصلكم من العاصمه إلى الفندق والعكس راح تكلفكم حوالي 400 دولار.
للمعلومه فقط لما كنت هناك كانت الجزيره الثانية فيها إنشاءات وكانت مغلقه بس الحين مفتوحه وفيها أفضل مطعم بحري على الإطلاق وإسمحولي أضيف صورة المطعم اللي خذيتها من موقع الهيلتون لأني ماقدرت للأسف أروح لهالمطعم الجميل.
هذي صورة الجزيرة الثانية خذيتها من فلتي
وهذي صورة ثانية خذيتها وانا أمشي على البحر
هذا فندق الهيلتون من الجو
وهذي صورة ثانيه ويظهر الجسر بين الجزيرتين
الطيارة البحرية تنزل عند الفندق
وهذي فلتي
من زاوية ثانية
وأخيرا شاطي جزيرة Rangali
وهذي نهاية موضوعي اللي أتمنى يحوز على رضاكم ويعطيني الدافع اني أساهم بشكل أكبر في هالمنتدى الحلو.
تحياتي الحارة
اخوكم ملقوف