- الرحله كانت ممتعه..جداُ وكانت مع ولد أختي
- وكانت على متن أفضل الخطوط الخليجيه درجه البسنز..
السلام عليكم ورحمة الله وبركاته..
أخباركم إخواني الأعضاء انشالله تمام
توني راجعه من دسلدورف وقضيت وقت ممتع في الجزء الأول من الصيف
قضيت في دسلدورف 7 أيام
الرحله كانت ممتعه..جداُ وكانت مع ولد أختي
وكانت على متن أفضل الخطوط الخليجيه درجه البسنز..
استغرقت الرحله ست ساعات تقريباً إلى مطار فرانكفورت Fraport والصراحه المطار ضخم جداً ويضيع حتى اللي يشتغلون في المطار مايدلون..! وكل شوي يسألون ال Information Desk .. المهم خرجنا من المطار وكانت السياره منتظره برع.. وأخذنا ساعتين إلا ربع إلى دسلدورف.. مع انه كل اللي سألتهم يقولون 2 ونص و3 ساعات .. ووصلنا فندق (( نيكو)) http://www.nikko-hotel.de وهو واحد من فندقين خمس نجوم في دسلدورف..وطبعاً كنت حاجزه قبل عن طريق الإنترنت..
وكان ال Check-In سريع جدا.. عطيتهم رقم التأكيد ال confirmation number وإسم القبيلة الLast name وطلعت بطاقة الفيزا .. وبس..
وبعدين دلنا الحمالي على غرفتنا وهي من نوع business room وأكيد ماأنصح بغير ((البسنز روم)) لانه الغرفه العاديه ضيقه جداً .. هاذي business room
وطبعاُ عقب رحله مدتها 10 ساعات من بلدي إلى دسلدورف احتجت إلى Nap ((قيلوله)) أنا و ولد اختي..
الساعه أربع قمنا علشان نستكشف المدينه.. نزلنا اللوبي..وكان ((Modern)) جداً وراقي..
وكان مليان يابانيين بحكم انه الفندق أصله ياباني..
وماكان السوق وشارع الماركات يبعد عنا كثير تقريبا مسافه 4 دقايق مشي
((سوري سويت الخريطه على برنامج paint لانه حد مسح ال photo shop))
السوق كان متركز في المنطقه المحدده .. أصلاً دسلدورف كلها تقريبا سوق..
المهم رحنا السوق وكان مليان محلات لكن البضاعه نفسها مالت السنه اللي فاتت لانه المحلات تنزل الجديد تقريبا شهر7 و8..
وبعد الدواره في السوق (( أصلن السوق كان مسكرلانه يوم الأحد)) رجعنا الفندق وطلبنا الأكل في الغرفه
وبعد العشا على طول نمنا من التعب..
واليوم الثاني طلبنا الفطور لانه الحجز من الإنترنت مايتضمن الفطور..
ولبسنا وكشخنا ورحنا نتبضع شوي... وبعدين رحنا (( المطعم اللبناني)) lebanese restaurant في شارع Berger strasse المتفرع من شارع flinger strasse ..
.. المهم رجعنا الفندق وصلينا واسترحنا شوي.. وطلعنا مره ثانيه النهر وهو نهر الراين
المهم مرت الأيام بسرعه من الوناسه ..
وف اليوم الأخير عملنا Check - out ورحنا المطار ..وهالمره خذت الرحله ساعتين وربع..
ووصلنا البلاد فرحين مسرورين..
يعني ماادري شاقولك والله وانا اقرا التقرير مالك حاسه اني انا معاكم من كثر ماهو جميل
الحمدالله على سلامتكم..واهم شي استمتعتوا بوقتكم
وانا ان شاء الله هالصيف رايحه لها
تحياتي