- " كويت - دبي - بانكوك - دبي - كويت " والمدة : 7 ليالي
طبعا حبا في هذا المنتدى حبيت أكتب بعض من رحلتي اللي كانت في شهر مايو 2006
الرحلة كانت مع إبن عمي أنا تلاقيت معاه في بانكوك وكان خط سير الرحلة كالتالي :
" كويت - دبي - بانكوك - دبي - كويت " والمدة : 7 ليالي
طبعا هدفها الأساسي : جلب بضايع طبعا مو بنسبه كبيرة وسياحة بعض الشيء .....
أقلعت من الكويت على الخطوط الإماراتية " أحلى طيران " في الساعة 10:10 مساءا إلى دبي وصلت في تمام الساعة 12:50 وقعدت ترانزيت ساعتين ..... وبعدها أقلعت في الساعة 3:15 صباحا من دبي إلى بانكوك وصلت بانكوك في الساعة 12 ظهرا ......
هذي صورة من طيران الإمارات
طبعا وصلت على ما أخذت الجناط وخذيت تاكسي لي الفندق وكان فندق " البايوكي سكاي "
وهذي صورة للبايوكي سكاي
طبعا حطينا الجناط بالفندق وإلى التسوق رحنا إلى الأم بي كي وشرينا بعض الإحتياجات وتغدينا ورجعنا ريحنا شوي وطلعنا بالليل إلى البراتونام ..... وبعدها رجعنا الفندق للنوم .....
ومن الصبح رحنا إلى مجمع البق سي .....
وهذي صورة للبق سي
وهذي صورتي بجانب البق سي
طبعا خلصنا تسوق ورحنا تغدينا وبعدها قيلولة .....
بعدها رحنا إلى مجمع البلاتينيوم ....... وتسوقنا فيه وبعدها رحنا شارع العرب بنانا ..... وتعشينا في مطعم " مهمان " ..... بعدها للفندق للنوم يا حلو النوم بعد التعب
ومن الصبح إلى سوق الأحد للتسوق هناك وجلب بعض الحاجات والأغراض .....
وأترككم مع جم صورة من سوق الأحد
وسوق الأحد طبعا سوق رائع وتلقى فيه جميع الشغلات اللي تخطر على بالك وأسعاره جدا حلوه وممتازة ويعتبر من الأسواق المحببه للأجانب وتحظى بشعبية كبيرة من قبل السواح وتكثر فيها التحف القديمة والعملات .....
لهذا الحد ينتهي تقريري الأول مع الصور وأرجو ان يكون حاز على رضاكم طبعا في وايد صور ما لقيتها وايد وايد ضايعين :112: :112: سامحوني وزين قدرت أحصل على هالصور البسيطة .....
وان شاء الله في الأيام القادمة نسرد لكم تقارير أكثر وأكثر ولكم تحياتي ويعطيكم العافية .....
بالنسبة للفندق وين موقعة ؟
وكم سعرة ؟
وكيف خدمتهم وتعاملهم ؟
وكم يبعد عن المنطقة العربية ( نانا ) ؟
ومستمرين بالمتابعة معك .