السلام عليكم ورحمة الله وبركاته
تقرير بسيط عن رحله ف الجنوب البريطاني
خططت مع 2 من الربع ورتبنا أمورنا وشدينا الرحآل لمدة 3 أيآم كانت على النحو التآلي :-
من لندن برايتون و ساوثامبتون بورنموث و كريست شآرج
- لندن
- برايتون
- ساوثامبتون
- بورنموث
- كريس شارج
اليوم الأول
البدايه كانت مع برآيتون , وصلنا العصر حجزنا فندق ع البحر
ظهرنا تمشينا فيهآ ورجعنا ريحنا لليوم الثاني إستعداداً ل رحلة بورنموث
اليوم الثاني
قمنا الساعه 8 الصبح وتريقنا خطافي وطلعنا متوجهين صوب محطة القطار
هذا ( البير ) القديم في برايتون .. ( البير ) موجود في جميع المدن الساحليه في بريطانيا
وهو عباره عن مرفأ سياحي فيه ملاهي وكافيهات
ماعنده وقت أبدا , معلمنه من الحين
متوجهين صوب الترين ستيشن
قطعنا التيكت / من برايتون ل ساوثامبتون
وركبنا القطار , الرحله خذت ساعتين ونص تقريبا
نزلنا في ساوثامبتون ويلسنا فيها مال نص ساعه
وعقب ركبنا القطار المتوجه ل بورنموث
وصلنا بورنموث بعد نص ساعه وحجزنا في أول فندق صادفناه
بورنموث تعتبر من أجمل مدن بريطانيا الساحليه وفالصيف تكون جدا مزحومه
بسبب الشاطئ الرملي ( اغلب شواطئ بريطانيا صخريه )
عندي فيها وايد ربع ,, درست فيها سنة 2008 لغه لمدة سنه
كنيسه .. الجو في بورنموث متقلب ,, فصول السنه الأربعه تقدر تشوفها في يوم واحد
مره شمس ومره مطر ومره برد
منطاد برونموث
تمشينا ف السوق وكان يوم إجازه , والمكان مزحوم
مرينا فالحديقه وتمشينا فيها
ربيعي صدعنا ع الشير الوردي ,, سار يدور ع مشتل , يبا يزرع فالبلاد أونه
القناه اللي تفصل الحديقه ,, الإنجليز يفرون فيها ربابي ويتمنون عسى تتحقق أمانيهم
عقول ساذجه
دخلنا مكان كله سناجب ويلسنا نتأمل و
تقرب منا هالسنجوب الشجاع وخذ نصيبه
عليه حركات لواته السنجاب
قمنا نعطيه فول سوداني فالذكي يروح يحفر فالارض ويدفن البذر ويرد ياخذ مره ثانيه
وعقبها سرنا صوب مركز بورنموث الإسلامي
عباره عن مسيد ومركز تحفيظ قرأن , للجاليات العربيه المتواجده هناك
مرينا ع شارع العرب هناك وتغدينا في مطعم مغربي
هذا معهد اللغه اللي درست فيه ,, آه ذكريات
طلعنا صوب البحر .. الجو كان متقلب , مره حر وشمس ومره برد
بورنموث بير
دخلنا فيه وتمشينا
من البير
وعقب مرينا ع العموو داني وقص علينا ورسمنا ع شكل كيركاتيري
يخرب بيته خبصنا خبص ,, نظرات خبيثه
حجز فزر ويني أنا
"
وعقب دخلنا السنما وتعشينا وريحنا لليوم الثاني إستعداداً ل كريست شآرج
اليوم الثالث
كريست شارج تاون
فاليوم الثاني ركبنا الباص وسرنا صوب كريست شارج
الرحله خذت 40 دقيقه تقريبا
هذي كنيسة كريست شارج
أسم المدينه على أسم الكنيسه وتعتبر من أقدم الكنائيس في بريطانيا
أذكرني بقلعة دراكولا ,, كنا بندخل بس كنا يايين بدري على موعد الإفتتاح
وقررنا ناخذ لفه فالمنطقه
بقايا قلعه حربيه
طلعنا ع المارينا وتمشينا
أستأجرنا مواتر هع
( لاحظوا الجو كان مشمس )
خط الرحله
وفجأه أنقلب الجو , وصار موحش وبارد
نزل مطر والجو صار أبرد ونحن لابسين صيفي
ردينا الطرادات وشردنا من المنطقه وردينا بورنموث
خذنا أغراضنا من الفندق وسرنا المحطه نتريى القطار
رجعنا ع برايتون نص الليل , بتنا هناك ورجعنا مناطقنا فاليوم الثاني
زرنا وايد أماكن لكن الجرج فضى من الكام وماكملت
وتوته توته خلصت الحتوته
""
الموضوع نزل في كذا موقع
تحت معرفي الثاني / مهم في مهمه
وشكرا على المتابعه
النهايه