السلام عليكم ورحمة الله وبركاته
مرحباً بالجميع ويا هلا بالجميع ومنورين يالجميع ههه
عندي مجموعة صور لأرض الأبتسامه ان شاء الله تنال رضاكم (:لكن ف البداية بقولكم قصتي اللي صارت معي انا وصديقي !
ف شهر رمضان قررنا السفر واتفقنا على مدينة الضباب لندن
ورتبنا الاجازات والحجوزات كل شي يخص مدينة الضباب
لكن سبب تعطيل السفر الى لندن هي التأشيره !!
تقديمنا كان متأخر وهذا السبب والحمدلله
بعد التغيير والمشاورات قررنا السفر الى ارض الابتسامه
رسمنا مخطط الرحله وكان لوكيت نصيب الاسد
6 ليالي في بوكيت وليله في بانكوك = )
الرحله كانت على طيران التايلندي : 3200 درهم لشخص
سكنا فندق Baumanburi Hotel
ف موقع بوكينج سعره تقريبا 2059
ولقيت عند طيبة الذكر فيكي ب 1500
طبعا لغرفة الديلوكس !!
ودلني عليها واحد كويتي الله يجزيه خير
اللي يبي رقم فيكي وينسق معاها عشان تحجز له راح اعطيه الرقم
موقعها عند مطعم دبي ..
نخليكم مع الصور
بداية الرحله ف مطار دبي
بقولكم قصة هالغابه !
تبعد عن شاطي الباتونغ تقريبا 45 دقيقه بالسياره
دخلنا واللي تعرفه انه في شلالات ومن هالحركات الحلوه
دخلنا انا وزميلي ونصور ومستانسين الحمدلله ونص الطريق نسمع صراخ !! خخ
كملنا والامور طيبه فجأه لقينا صورة قرد ومكتوب دينجرز وكملنا والتقينا بأثنين اسبان وكملنا مع بعض
المهم جماعة الخير لما نوقف يوقفون ولما نتحرك يصرخون ويتحركون بشكل جنوني بالشجر ورجعنا
سألت حارس المكان قلته القرود خطيرة والا لا ؟ قال اي خطيره !! قلته وليش ما تقولون ؟ قال مفاجأة الرحله !!
رحلة جمس بوند + بي بي
واخير غروب الكارون بيتش
اتمنى التقرير البسيط ينال على رضاكم !
كلاسيك مود
و الله أخي الكريم كلاسيك مود عندك موهبة في الكتابة و السرد الجميل و ماشاءالله ابداعك في التصوير .
يا ليت تكمل تقريرك بشكل مفصل حتي لا تحرمنا من موهبتك و أخوانك الأخرين يستفيدون من معلوماتك الجميلة .
على العموم بارك الله فيك على ما كتبتة و مجهود تشكر عليه "
تقبل تحياتي """