في نهاية رجب حجز زوجي عمره لنا وسواها لي مفاجأة وبكيت من الفرح صراحه لأن في خاطري أروح أسوي عمره لأبوي الله يرحمه اللي توفى محرم الماضي وهو بعد يبي يسوي عمره لأبوه الله يرحمه
سافرنا ثاني رمضان ع الخطوط السعوديه الساعه 2 ظهرا ووصلنا الساعه 5 ولقينا سيارة تنتظرنا لأن كنا متفقين مع الحملة اللي احجزت لنا الرحله وطبعا طلعت السيارة أغلى من لو انكم تاخذونها من المطار سعرها 300 ريال
المهم وصلنا الأبراج وقالوا لزوجي اسمك مب موجود !!!!!!!!!!!
اشلون واحنا حاجزين ودافعين من الدوحه
المهم زوجي اتصل لمندوب الحمله في مكة وجا بسرعه الصراحه وفي خمس دقايق احنا كنا في الغرفة
وانا صرت جذي عقب ماكنت جذي :112:
فطرنا على تمر وماي في الرسبشن
وهذي بعض الصور اللي صورتها للذكرى وأمس قلت لزوجي باحطها بالمنتدى اول شي مارضى بعدين قلت له كل الناس يحطون صورهم وانا باظلل الصور قال كيفك حطيهم
قمت بسرعه نزلتهم وعدلتهم قبل مايغير رايهcache/5eb02249dd.jpeg
اول يوم 7 المغرب

المغرب اول يوم لوصولنا مكه المكرمه

زحمه بين صلاة المغرب والعشاء

قبل الفجر العمرة الاولى نشوف الزحمه عشان ننزل نعتمر

مناظر للحرم من الدريشه
لاتردون لين أخلص الصور