قطعة موسيقية جميلة،
راقت لي وأعجبتني طريقة التقاط الصورة.
شكراً لك أخي أبو عبد الملك
ودمتَ بخير

الله عليك مشرفنا العزيزي
دائم مبدع ومتالق
منتظرين اقلاع رحلتك
لتاخذنا الى عالم الابداع
دمت بود

يازين المشي في الروض الخضر لاشعشع المخضار
يازين الديره اللي من حقوق الوسم ممطوره

• * *

يريح البال سج ٍ في الرياض الخضر والمسيار
سعاده للقلوب اللي مع السلوان مسروره

• * *

متى عيني تشوف اللي على قلبي ربيع ودار
آشاهد للسعاده في حياة المجتمع صوره

• * *

لياهلت مزون ٍ فوقها تنعومتين صغّار
على ذيك اللباب اللي من الرضوان مغموره

• * *

رياضن نبتها يحميه من شمس النهار ستار
تحت فية طفافيح الطفل خوخه وبندوره

• * *

لامنه أصحى سما غر المزون وشعشع النوار
ودجاه أدلا سدوله والقمر متجلي ٍ نوره

• * *

أشاهد لي بروق ٍ دونها ربانها تندار
تقول أكباس غاز ٍ من ورا شلال نافوره

• * *

سبح معها خيالي في الخباري والبرد والنار
وآشوف الجمر فوقه دلة الرسلان منحوره

• * *

هذاك المنظر اللي ماتشوفه في الحياة أمرار
على شوفه سبابيح الخيال تموت مقهوره

• * *

حرام إني ماهني راعي المليون والمليار
ولاأهني عربسات الفضا دوره ومقدوره

• * *

أعيش بعالم ٍ طول المدا يبقا لها تذكار
عليه بالحرام إنها حياتٍ مالها جوره

• * *

هذا وجه الصحيح ولا على وجه الصحيح غبار
حقيقة ويتمعنا اللبيب بكامل شعورة

• * *

( سعد بن جدلان الاكلبي )

نحو الشمس
وهل يوجد في تلك النواحى شمس؟
يبدو ان ابا عبدالملك يريد يكسر قاعدة
الخضرة والماء و الوجه الحسن
ماعلينا
يكسرها ولكن
لا ينسانا ويرحل الى هناك !!

السلام عليكم .... بارك الله فيك يابو عبدالملك .... ولاكن ...الله يعطيك العافيه حنا ( حمستنا الشمس حمس ) نسال الله السلامه .... وطول السنه وهي فوق روسنا.. وتبينا نرحو لها .... لا ... الله يسعدك روح وحدك...

إذا كانت الرحله نحو الشمس تعبير مجازي يقصد به الاتجاه فقط فلا مانع !
اما ان كانت هي الهدف و المقصد فاالله معاك من غير مانكون معاك !
على العموم مانبي نسبق الاحداث ياخبر اليوم بفلوس بكره ببلاش ...

ابو عبد الملك
قلبناها شاعر المليون
ومساك الله بألف مليون ريال