1. اليوم الثاني:


2. اليوم الثالث:

السلام عليكم ورحمت الله وبركات
في البداية احب اشكر جميع من كتب عن ماليزيا لاني استفدت من المواضيع التي كتبت هنا قبل سافري
رحلتي كالاتي:
المدة : 16 يوم يوم السفر :28 جولاي الرحلة : الصباح الساعه 7.30
موعد الوصول : الساعه 8 باليل بتوقيت ماليزيا
طريقة الرحله : عن كريق مكتب سياحي قام بحجز الفندق والرحلات الداخيله وارسل سايق الى المطار
الليله الاولى :
نزلنا من الطياره وكان في انتظارنا سايق الشركه اوصلنا للفندق فدرال بشارع العرب الوالد نزل اشترا شريحة ماليزيا وجا ونمنا الشريحه الماليزيه اخذ ب20 رينجت وفي 10 ريجنت وفيه 18 و30 والى تبي

اليوم الثاني:

صحينا وفطرنا ونزلنا نشتري شريحه اخرى وذهبنا الى حديقة الطيور المشوار كان ب15 رينجت والدخول النفر ب28 رينجت وبعد ماخرجنا رحنا لحديقة الزهور الدخول مجانا وثم ذهبنا لمسجد نصلي الجمعه ثم ذهبنا لحديقة الفراشات الدخول ب15 رينجت الاماكن هذي كلها جنب بعض يعني رحنا لها مشي ثم ذهبنا لسوق تايم سكوير وتسوقنا وتغدينا ثم ذهبنا للفندق طبعا مشي من السوق للفندق لانه قريب منه في خلفه وغيرنا وذهبنا لمنارة كوالالمبور الدخول ب15 رينجت وطلعنا الليل على فكره رحنا للكمنارة مشي بس للي مو متعود يمشي لا يروح مشي والي يحب يمشي يمشي احنا نحب المشي كمان كان ودنا نتفرج بالشوارع طبعا اول يوم ورجعنا بتكسي ورحنا ستار بكس قدام بي بي بالزا كملنا السهر ورحنا الفندق ننام للمعلوميه الفندق جنب بي بي بلازا
اليوم الثاني صحينا بدري وفطرنا وخرجنا على العمارتين التوام رحنا مشي الصبح الساعه 8 الي مايعرف الطريق بيشوفه بعيد بس احنا في الرجعه اكتشفنا طريق قريب ويوم رجعنا جهزنا شنطنا واخذنا تكسي ودانا المطار للذهاب للنكاوي قلنا الفندق الرحله الساعه 4.30 بس بعدين لقينا الرحله يوم وصلنا 6.30 طبعا انتظرنا بالمطار بس كان لنا خير الوالد قابل سعودي اعطاه رقم سواق ماليزي اسمه الشيخ عمران من مواليد مكه ويتكلم عربي 0194263103 وهاتف اخر 6049558841 وكلمناه قبل مانطلع الطياره ويوم وصلنا كان باستقبالنا ووصلنا الفندق كان فندق اوانا فندق ماعجبني ماانصح فيه ونزلنا شنطنا ورحنا لسوق شعبي اشتريت منه شبشب للبحر ب 3 رينجت .. تخيلو وبعدها ودنا لمطعم عربي جنب ميدان نصب النسر المطعم اكله مو مره بس اكلنا شنسوي ورجعنا الفندق انا في البداية اكتابت حسيت المدينه هاديه وكانها قريه صغيره

اليوم الثالث:

جانا عمران بدري الساعه 8 واحنا تاخرنا عليها الى 9 وخرجنا معاه اول شي رحنا صرفنا وثاني شي رحنا حجزنا على العباره الي رايحه بينانغ وثالث شي غيرنا رحاتنا من بنانغ الى كوالالمبور الى العصر لانها كانت الصباح وثم رحلنا لمكان الشلالات وكان مافيه ماء وشفنا المويه الحاره الناس تتغسل منها وثم رحنا ببوات استاجرناه ب 300 رينجت ورحنا فيه على كهف التماسيح وكهف الخفافيش ومزرعة الاسماك وجزيرة الاسد واكلنا النسور وسقنا البوت ورجعنا كانت رحله روعه حسيت ان لنكاوي اجمل مدينه في ماليزيا وبعدين رحنا لمتحف المصنوعات اليدويه وجنبه هم متحف خاص بالزواج وبعدها صلينا في مسجد ورحنا سوق مركز تجاري اكلنا في ماكدونالدز وتمشينا بالسوق ورجعنا الفندق نزل مطر ماكدرنا ننزل على السقاله ونمنا
اليوم الرابع :
بكمل انشالله بكره