معقوله .. وينكم شباب
:36_1_3::36_1_3::36_1_3::36_1_3::36_1_3::36_1_3:

و عليكم السلام و رحمه الله و بركاته
عفوا على التأخير
طيب .. أنا ودي نروح الصباح ونرجع في الليل .. أوكي .. يوم واحد
أنا ما أفضل تكون الزيارة يوم واحد لان الجدول راح يكون مضغوط شوي
بس اذا عرفتوا تقسمون الوقت بشكل صحيح ان شاءالله بتزورون أكبر قدر من الاماكن
وش الوسيلة اللي تنصحون بها (سيارة - قطار - باص) و لا تنسون .. أرخص وسيلة ؟؟
القطار مناسب و الرحلة جدا جميلة ساعة و عشرين دقيقة من باريس الى محطة ميدي في بروكسل
و القطار المناسب اللي أسعارة حلوه Thalys
http://www.thalys.com/be/en/
السيارة بعد وسيلة جيدة و خصوصية أكثر ,,, بس ما أعرف شو الوسيلة الارخص تقدرون
تشوفون كم ايجار السيارة بيوم واحد و سعر البترول و تقارنونه بسعر مجموع التذاكر.
وبعدين لو رحنا هناك .. مثلاً .. بالقطار نبغى باص يودينا الأماكن السياحية .. مثل باريس فأي شركة تنصحون؟؟
ها النوع من الباصات تكون موجودة في محطة السنترل ستيشن و كل الشركات زينة
الباصات السياحية تمر بكل موقع كل 20 دقيقة وتقدرون تنزلون وتركبون بأي باص منها
وكم يكلف الباص السياحي؟؟ وكم مدته؟؟ و وين يروح ؟؟
هذا رد الاخ ممساح بيفدكم أكثر بخصوص الباص السياحي
بداية الوصول راح تكون إلى محطة ميدي ومنها تاخذون المترو إلى السنترل ستيشن
(محطة وحده فقط) بالتاكسي راح تكلفكم تقريبا 10 يورو.
أول ما تطلعون من السنترل ستيشن راح تلاقون الباص السياحي المكشوف ، على طول تركبون وراح
ياخذكم بجوله على بروكسل كامله ، مدة الرحلة تقريبا 3 ساعات ، ولكم الخيار بالنزول والصعود من
أي محطه يتوقف عندها الباص ( سعر الشخص 16 يورو). انصحكم أنكم تنزلون في الاماكن إلى تعجبكم
ومنها حديقة الاقواس الثلاثه والتي فيها 3 متاحف (اذا أنتوا راعين متاحف)
أو مجرد النزول لاخذ صور وهو أهم شي بالرحلة.
آخر محطه يوقف عندها الباص هي محطة الميني يورب وهناك لازم تنزلون عشان تشوفون الاتوميوم
وتاخذون جوله فيه وكم صوره (ترى من داخل فاضي ما في شي) بس الواحد عن الحسافه يدخل
ويشوف (سعر التذكره 8 يورو) المدة 45 دقيقة إلى ساعة.
لازم تحط في بالك إن آخر باص يطلع من هناك الساعة 5 عصرا
بعدين تاخذون جوله في الميني يورب (أكيد سامعين عنها) والتصوير أهم شي يا شباب ،
المدة ساعة إلى ساعة ونصف.
بعد كذا ترجعون بالباص نفسه إلى الموقف أمام فندق الشيراتون حيث مجمع سيتي تو
وشارع نيو ستريت اذا ودكم تتسوقون (مقابل فندق الشيراتون في مطعم باكستاني - أكل روعة)
طبعا وصلنا الحين حق وقت الغدا تتغدون وتعينون من الله خير ولكم خيار من أثنين:
المشي من مجمع سيتي تو ............... إلى ساحة الجراند بلاس تقريبا 20 دقيقة.
الخيار الثاني تركبون الباص مره ثانية ............. إلى نقطة البداية وهي محطة السنترل ستيشن
التي تبعد مسافة 150 متر عن ساحة جراند بلاس.
طبعا الساعة الان قريب من الساعة الخامسة عصرا والباقي من الرحلة فقط 4 ساعات
المدة المتبقية تكون في ساحة جراند بلاس والشوراع المتفرعة منها ، واحد هذه الشوراع هو
شارع محلات الشوكولاته البلجيكيه ، وأشهر محل هو Godiva وهناك قهاوي منتشر في
الساحة وحواليها ، وهناك شارع المطاعم وفيه مطاعم عربيه كثير. اذا أنتوا راعين متاحف
يمكن تلحقون على متحف الشوكولاته أو الجراند بالاس قبل لا يسكر.
بعد ذلك العودة إلى محطة ميدي أما بالمترو من محطة السنترل ستيشن أو بالتاكسي.
واحسب حسابك اذا فاتك القطار ترى هذا آخر قطار يعني راح تبات في بروكسل وراح تروح عليك فلوسك
.
وماهي الأماكن السياحية اللي تنصحون نروح لها في هذه المدة؟؟
الأتوميوم و هو مكان سياحي ,,
و بجانب الأتوميوم حديقة Brupark فيها سينما و معالم أوروبا المصغرة
و خلف الأتوميوم فيه حديقة
هذه الأماكن تقع عند محطة (آيزل Heyzel)
نصب الأقواس الثلاثة ( Cinquantenaire Arch)
و هو معلم تاريخي يقع في حديقة Cinquantenaire
و هذه الحديقة تتميز بأشجرها الكبيرة و الطويلة
في الحديقة يوجد متحفين ,, متحف السيارات و متحف الفنون
و هاذي الاماكن تقع عند محطة (مونتقوميري Montgomery)
حديقة بروكسل
حديقة جميلة تتميز بنوافيرها الكبيرة الواقعة عند
مداخل الحديقة الامامية و الخلفية
تقع عند محطة مترو (بارك Parc )
ساحة القراند بليس
جميل أن تذهبوا الى هذه الساحة فهي قلب بروكسل النابض ,,
محاطة بمباني قديمة و فيها متحف الشوكلاته
جميع السياح يتواجدون في هذه الساحة فيوجد بها المطاعم
و محلات الشوكلاته و الهدايا التذكارية
تقع عند محطة (بورس Bourse)
السيتي تو و النيو ستريت(محطة مترو روجير)

سؤال .. بالله كيف تبغاني أشكرك ( LREEM@ ) ؟؟
كفيت و وفيت وجزاك الله الخير كله
صراحة ..أوجزت الموضوع بالكامل
الله يوفقك دنيا و آخره
مشكور
:smile106: LREEM@ :smile106:

العفو ,, ما سويت شي هذا واجبي ,, وكلمه جزاكِ الله خير تكفيني

السلام عليكم
بارك الله فيك

انسان متواضع
السلام عليكم
بارك الله فيك
و عليكم السلام
شكرا جزيلا

• رُقِي *

معلومات حلوه
الأحلى تواجدج
بالتوفيق ان شاءالله

نصب الأقواس الثلاثة ( Cinquantenaire Arch)
و هو معلم تاريخي يقع في حديقة Cinquantenaire
و هذه الحديقة تتميز بأشجرها الكبيرة و الطويلة
في الحديقة يوجد متحفين ,, متحف السيارات و متحف الفنون
و هاذي الاماكن تقع عند محطة (مونتقوميري Montgomery)
اخواني و أخواتي
سامحوني على الخطأ المطبعي ,, محطة المترو هي Merode و ليست Montgomery