1. وانتي من الليل خدرانه


2. كلي شوق لماليزيا و كان موعدي معها ذاك اليوم ^-^

في البداية أشكر هذا الصرح الشامخ الذي استفدت منه في رحلتي عندما كنت متصفحاً و أُثني شكري لسكانه .
في البداية أرحب بكم في تقريري وسوف يمتزج كلامي بين الفصيح المليح و العامي الخفيف .
منذ زمن و أنا أريد أن أكتب لكم عن رحلتي مع زملائي و لكن صاحبكم كسول في تصغير الصور فقط ^-^ .
الرحلة لم يكن مخطط لها مسبقاً ترشح اثنين من الزملاء لدورة في ماليزيا و طلبوا مني أنا و أحد الزملاء أنا نخاويهم فبدأت في حجز التذاكر قبل الرحلة بأسبوع و المشكلة ما أحصل الا مقعد واحد و احجز بعدين اكنسل عشان نكون في رحلة وحدة
المهم حجزنا على رحلة وحدة بعد ما جبنا فرشنا و نمنا في موقع الخطوط ^-^ .
و بعدها حجزنا السكن و تسهلت الأمور . و رحت أجدد جوازي أنا و اثنين و كنت أنتظر مادة تخرج لأني كنت منتسب بالجامعة و انتظر ينتهي الجواز طلعت جوازات العيال و جوازي ما طلع طول ! بينتهي الدوام و هو ما طلع وتشاءموا من التأخير يقولون أنت وجه نكبه دايم و أنا ( والله أني وش حليلي و متيسره أموري لكن البلا منهم ) شيكت على النتيجة و طلعت ناجح و تخرجت بس كنت شايل هم الجواز أكثر من التخرج و في الساعة 2:15 نادى الموظف على اسمي واستلمت جوازي و صارت الفرحه فرحتين ^-^ .
و لما رحنا المطار و ختمنا الخروج خرب نظام الجوازات بالمملكة و تعطل و العيال يطالعوا في ( قلت والله مالي دخل )
قال أحدهم الله يستر من ها الرحلة قلت آمين ^-^ بعد أربع ساعات تأخير
ودعتك الله يا وطن عنك بغيب
ودعتك الله فيك ناس عزازي
ركبنا الطائرة و طرنا و ثمان ساعات بالجوع ما بين نوم و سوالف و تمر المضيفة و اتذكر الشاعر اللي يقول:
انا ما ذبحني كود غروٍ علية الكاب
على كابها رمز الخطوط السعودية
الا يا ليتني كابتن ولاني من الركاب
اخاويه فالروحه واخاويه فالجية
ياشمس قومي ذبحك النوم
عيني من الشوق سهرانه
موعد حبيبي معاي اليوم

وانتي من الليل خدرانه

كلي شوق لماليزيا و كان موعدي معها ذاك اليوم ^-^

وصلنا كوالا و يوم جينا نختم دخول ختمنا و باقي خوينا الرابع و طول ما جاء رجعت أدوره ما لقيته اتصلت عليه قال الرياجيل سجنوني وش السبب قال مدري رحت لهم و رفضوا يدخلوني واتحايلهم ما فيه أمل اتصل على السفارة هاتفهم خارج الخدمة و كنا يوم سبت هم في اجازة و بعد ثلاث ساعات دخلوني على الضابط بس ما قابلت خويي قلت وش مسوي صاحبي قال مقطوع من جوازه ورقتين قلت وش الطريقة قالوا نرجعه السعودية ما يدخل ماليزيا و رفضوا أي تفاهم قلت كلموا السفارة على الرقم اللي عندكم أو عطوني رقمهم رفضوا قلت أبي أشوف صديقي رفضوا و طفى جواله و لا قدرت أتواصل معه و جلسنا كم ساعة و لا صار شي رحنا الفندق نبي نريح و يوم وصلنا الفندق و ابي ابدل و( إذا الشنطة مو شنطتي واحد ماخذ شنطتي ) جيت برجع المطار رفضوا اصحابي قالوا بكره نروح نشوف خوينا و نردها رحنا نتعشى و يوم رجعنا ما قدرت أصبر رجعت المطار و إذا هو فاضي و قالوا ما فيه أحد مداوم اجنا بكره قلت طيب ممكن أشوف صديقي و رفضوا قلت على خير رجعت الفندق الفجر نمت و صحيت 10 و رجعنا كلنا للمطار و رحنا نسأل عن رفيقنا و لقينا شخص من الخطوط لكن للأسف ما تفاعل معنا و قام ماليزي و فزع معنا ما قصر أخذوا جوازي و لبسوني اسواره و بصموني و نزلت أدور صاحبي لقيتهم طلعوه من السجن و ركبوه الطائرة بعد 24 ساعة في السجن قلت طيب شنطتي قالوا سلمناه الشخص و ارسلناها مع صديقك و فوق كلنا ماخذين منه فرق التذاكر الخطوط السعودية بدل ما يفزعون معه و رجعنا بلا خوينا و شنطتي . للأسف إن كل أغراضي راحت بالشنطة و ما تحسفت إلا على الكام
و همنا كله صاحبنا و ننتظر يوصل و يكلمنا عشان نرتاح و رحت اشتري ملابس و رجعنا الفندق بعد ارهاق و تعب لمدة يومين .
وصل صاحبنا و كلمنا و علمنا باللي واجهه و عانا منه و ارتحنا انه وصل و نمنا نومه ذاك الليل و أكمل لكم التقرير بكره
و عذراً على الإطالة .
انتظروا بقية التقرير و الحادث اللي تعرضنا له .