السلام عليكم..
مرحبا خويا rdr400..ويسعدني..نقاسم معك ذكرياتك لأول رحلة لك لبلدك الثاني المغرب..
بداية مشوقة..
أختك بنت أغادير

شوف لا تعلقني شكل رحلتك كانت ممتعه وفيها من المعلومات الشي الكثير لا تتأخر بل باقي

اهلا خوياrdr400
اول رحلة لك بالمغرب باين عليها مشوقة بزاف
في انتضار البقية عشان نعرف شنو الكرت الابيض اللي على السيارة

الصراحة شوقتنا اخوي وننتظر الباقي

بداية مشوقة اخي
تبارك الله عليك
في انتظار التتمة

فعلآ اخي rdr400 ..
المغرب غير بوجود المعارف والأصدقاء ..

ياعيني على هذه البدايه
لاتغيب طويل تراك شوقتنا بزاف
تهلا

اخي rdr400 ...
اهلا وسهلا بك بين اخوانك هنا في البوابة ... والحقيقة اتفق معاك مليون بالمئة ان المعرفة في كل مكان بالعالم تنفع وخصوصا في الاوطان العربية جميعا بدون استثناء بما فيها دول الخليج ....
وبعدين ليه حركات التشويق ... كان نفسي اعرف وش هالكرت ...
ولي وجهة نظر في الموضوع ..رغم اتفاقي ان العلاقات راح تغير شي بل شي كبير للاحسن طبعا من مجريات الرحلة لاي بلد كان .... ولكن الا تتفق معي انه من الصعب للاغلبية تكوين علاقات خصوصا بداية سفرهم الى هناك ... وبناء على ماسبق انصح للجميع سؤاء من لدية علاقات او ليس لدية علاقات هو الفطنة ثم الفطنة ثم الفطنة واخذ معلومات كافية عن البلد (المغرب او غيرة ) وكذلك عن طريقة التعامل سواء من معارف او من خلال الشبكة العنكوبتية الخ قبل السفر ...
بانتظار سالفة الكرت وبقية القصة ...
لك مني كل الشكر ....
تحياتي ....

1. :36_1_37: هلا والله مرة ثانية

:36_1_37: هلا والله مرة ثانية

وصلنا يوم أستقبلوني أصدقائي المغاربة بالمطار والله مادري كيف أشكرهم على هذا الإستقبال حسيت إني ضيف مهم جدا بديرتي ماصارلي كذا بالمطار المهم سيارة صديقي الثاني أبو بدلة مرسيدس وبصراحة عليه جعصة رهيبة (يعني برستيج جامد)على فكرة صديقي الأول أسمه مصطفى والثاني أسمة محمد أبو بدلة وكرت ههه المهم ركبت معهم السيارة معلى عين ذياب أخذوبي لفة هناك وصلت المغرب حوالي الساعة 5 عصرا توقيت المغرب وبعدين ودوني التوين سنتر ولا فيه واحد أعطاهم شريحة جوال جديدة ومعاها كروت شحن وأخذ جوالي مصطفي وشغل الشريحة وشحن الجوال كانت 3 بطاقات شحن المهم كلمت السعودية مليون مرة عيا يقضي شحن الجوال بعد كذا قالوا لازم ترتاح وعلى طول إتجهنا فندق الشيراتون بكازا يوم وصلنا لقيت الغرفة جاهزة حبيت أعرف إيه القصة إيه العبارة قالوا أسكن وأسكت أنت ضيفنا وزي ما سويتلنا في السعودية ترا راح نعملك وأزود لسه ما شفت شي هذا كلام سي محمد وسمعت اللي بالفندق يقوله المحترم يعني إيش بالمغربي المحترم نعرفها بالسعودي لكن بالمغربي يقولها له بدل الإسم
كل هذا وأخوكم منبهر المهم طلعت الغرفة ولقيتها سويت مهيب غرفة وجلست أقول عيب والله أجي ويحاسبون عني تعرفون حنا السعوديين عندنا كلمة( والله ماتحاسب علي الطلاق ما تحاسب)المهم عيا يجيني النوم حقيقة بلد غريبة وعجيبة شوي وأتصل بمصطفى قلتلة ماجاني نوم قال اللحين يجيك واحد سواق ومعاه سيارة ويمشيك وين ما تبي جاني السواق أسمة خالد معاه سيارة مرسيدس عيون قلتله بعد ماركبت معاه أنت تقرب لمصطفى قال لا أنا سواق والسيارة مأجرة لمدة أسبوع وأنا تحت أمرك قلتله خذبي لفة على كازا:3: قال كازا كبيرة بالزاف قلت رح لمعالمها المشهورة كل هذا وحنا باليل يعني الساعة 9 المهم بعد ما وداني مسجد الحسن الثاني والتوين سنتر لاحظت أن البلد بعد الساعة 8 باليل تصير شوارعها فاضية قال لي أن الناس تعمل طول النهار يعني دوامهم من الساعة 9 الصباح لين 5 العصر ومافي وقت إلا ساعتين من خمس إلى 8 باليل وبعدين كلا يروح بيتة .
شوي إلا مصطفي يتصل ويقول عطني السواق كلم السواق وقفل الخط قلت للسواق وش قالك قال تعال لمطعم في المينا جوا وسط المينا مطعم أكلات بحرية وصلنا المطعم لقيت مصطفى ومحمد ومعاهم شخص آخر أسمه سامي يشتغل نأب ملك أنا :7: عرفت بعدين أنه نأب الملك زي وكيل النيابة عند إخواننا المصريين لكن المطعم كان روعة وأكلة مايحتاج والناس اللي فيه كلاس بصراحة يوم جابوا الفاتورة وأنقز أبي أحاسب وش تقولون معزوم وأبي أحاسب والله من اللقافة قال محمد (حشوما) أول مرة أسمعها مافهمتها لكن سكت وقضبت أرضي المهم طلعنا من المطعم قالوا تبي تروح محل ثاني قلت لا أبي أروح الفندق وصلت الفندق وأنا أفكر بكلمة (حشوما) يوم وصلت الريسبشن على طول سألت الموظف ويش يعني (حشوما )قال يعني عيب عليك أستحي قلت أفا وحكيتلة القصة قال الراجل عازمك وتبغى تخلص بدلة مايصير. أيههه كلمة تخلص وشلون. قال يعني يحاسب قلت يبيلي كورس باللهجة المغربية المهم طلعت السويت و:36_1_50: صحيت الساعة30-7صباحا أفطرت بالفندق ودي أطلع لكن أستحيت أزعج السواق يقول وش هالبلشة من صبح الله مقومنا يوم جت الساعة 9 صباحا قلت بس بداء الدوام للناس كلهم ماراح ينزعج السواق إشرايكم طيب أنا:36_13_1: واخرشة بالجوال شوي وهو يكلمني من تحت قلتله رح وين ما تبي ياناس الجو روعة بصراحة تحسفت على السنين اللي راحت وحنا ما ندري عن هذي الديرة المهم الساعة 11 صباحا كلمني صاحبي مصطفى وقال أبي اوريك شي قابلناه عند فندق حياة رجنسي ورحت معاه لجهة من كازا حي كبير يتبع كازا بصراحة ديرة ثانية أثر كازا كبيرة مرة ورحنا لدار أيتام دخلنا وكان يتكلم مع مدير الدار بالفرنسي وأخوكم زي الأطرش بالزفة قالي مصطفى تصدق يا صاحبي أنك يمكن تكون أول سعودي يجي الأماكن هذي ما أظن أي سعودي جاها أو يعرفها سألتة وش عندك بالدار ديال الأيتام قال هذا مشروع أنا ماسكة تابع للملك محمد السادس لتطوير دور الأيتام وتحسينها وفتح دور جديدة طلع خويي واصل قال دابا تشوف رحنا لعمالة الدار البيضاء وقابل العامل أنا بصراحة خفت قلت مبلاش رح لوحدك قال ما يهمكش أجي يسلام جلسني مع عامل الدار البيضاء يوم طلعنا وأنا أنفخ صدري
المهم لاحظت سيارات مكتوب عليها الأمن الوطني صغيرة شكلها هونداي ولا كيا وصاحبي كل ما شاف وحدة وقف يسلم ويتكلم مع اللي راكب جنب السواق بصراحة فيني أسألة لازم القالها جواب يوم ركب صاحبي مصطفى قلتله فهمني وش السالفة قال أنا طبيعة عملي تخليني أحتك بكل الناس هذول من العامل لمدير الأمن للضباط وغيره وغيره أنا عندي مكتب متخصص بالأعمال الدعائية والأفلام وكذلك عندي مكتب للمقاولات يعني أنا كثير من الأفلام العالمية تقاولت معاهم أوفر لهم السكن والسيارات والمهندسين ديكور كهربائيين كمبارس لو يبغوا يصوروا بشارع أنسق مع العمالة لتقفيل الشارع قالي راح أوديك لمدينة إسمها ورزازات راح تشوف أكبر أستديوهات بالعالم العربي ويمكن اوروبا كمان قلت توكلنا على الله .
المهم قالي أستعد بكرا نبي نروح ورزازات قلت بعيدة قال نعم لكن نروح بالطيارة قلت ليه ما نروح بالسيارة أحسن علشان أتفرج على البلد قال على أمرك مافي مشكلة المهم رحنا من كازا لمراكش وقابلت سي محمد بمراكش كان بأستقبالنا رحنا لبيت أخو سي محمد ويعمل بمحكمة الإستأناف مشاءالله بيته حلو فيلا ولا أروع طراز مغربي جميل ولون أحمر فاتح لون غريب تتميز فيه مراكش المهم جلسنا وجابوا العشا كسكس مشاءالله صينية وش كبرها يوم خلصنا جابوا صينية ثانية مثل الخبز وبوسطها قمبري وحوت شي روعة :222: بعدين خلصنا جابوا أحلا خروف (حولي) مشوي ذقتة قلت مابقى فراغ ببطني أنشهد كرم يتعدى الوصف بعد الخاروف جابوا الفاكهة وبعدين الأتاي ياسلام على الأتاي .
بعدين رحنا لفندق أسمه منصور الذهبي أعتقد كذا ( ملاحظة بسيطة شفتها بالمغرب وهي أن أصحاب الجاه والسلطان عندهم والوظائف المرموقة معروفين في كل مكان كل ما رحنا مطعم أو فندق نلاقي إحترام للناس اللي معي شي يدعوا للإستغراب مادري كيف يعرفونهم ) المهم سكنت بالفندق بعد زفة بالفندق قضاة ونائب الملك بمراكش كلهم موصليني للفندق وأنا ياأرض أنهدي ماعليك أدي الفندق في كازا وكذلك في مراكش لا سألني عن جواز سفر ولا شيء أسكن وبس أصلا جواز سفري من يوم المطار مادري وينة يوم سألت مصطفى قال عندي بالبيت بكازا لا تشيل هم قلت لو سألوني الدرك ولا الأمن الوطني قال لو كنت لوحدك بس عيط عليا بالبورتابل وإذا أنا معاك شوف أيش أسوي لا تشيل هم بصراحة إذا شعرت بالأمان تصبح سفرتك ولا أروع المهم ما خلوني للحين أصرف ولا درهم فلوسي معي زي ماهي. صرت كل ماصليت أدعي لصديقي بالسعودية على هالرجال اللي عرفني عليهم المهم ودوني قبل الفندق لساحة الفنا بس كان الوقت متأخر بالليل الساعة 11 والساحة فاضية وحقين الشوي شغالين والعصير وأخوكم بطنة منتفخة من العشوة بعدين رحت للفندق ونمت الصبح جاني السواق خالد ورايا ورايا بكل مكان مسكين جاي من كازا ورحنا للكتوبية والمدينة القديمة وساحة الفنا وسوق البهجة وجاء صاحبي مصطفى ودخلنا سوق البهجة دخلنا وتعمقنا بالسوق حرف يدوية وملبوسات واشياء روعة وأواني منزلية وفخارية أنا عجبتني طفاية السجاير حلوة وفكرتها حلوة أخذت كرتون مليان طفايات سجائر وأباريق شاي وبيالات وصواني شاي فضة قلت بدل ما أرجع وماصرفت شيئ خلنا نشتري ونقول صرفنا المهم بصراحة أنا ما أتكلم صديقي مصطفى هو يفاصل بالسعر وبصراحة قال لوجيت أنت شريت لوحدك كان تلقى الأسعار تربل قلت الحمدلله ما ضحكوا علي قالي ترا بكرا نبي نروح ورزازات قلت توكلنا على الله ياسلام على جبال الأطلس والثلج رحنا أنا ومصطفى وسي محمد ووقفوا عند محل في جبال الأطلس بيت لكن يوم دخلنا أثره مطعم وندق ذاك الطاجن اللي على كيف كيفك شي مخصوص اللي يسويه إمرأة عجوز وشكلها مشهورة بجبال الأطلس الحلو بالموضوع كان فيه شاحنة محملة جزر وشكل الجزر لذيذ قلت لسي محمد الجزر شكلة لذيذ جزر بالشرشيب تبعه صاحبنا ما كذب خبر قام وقف راعي الشاحنة وقالة نزل صندوق راعي الشاحنة سمع كلامة ونزل صندوق قلت أبي وحدة مهوب صندوق قال كل لين تشبع حسيت أني (بقزبني):baaa2: نزلنا من جبال الأطلس على الصحرا أو أطراف الصحرا وهذي ورزازات......... الحلقة الجاية أعلمكم وش صار بورزازات