هلا أختي الكريمة ...
أنصحك بهذا البرنامج الأجمل لمدة ( 14 يوم ) ...
يومين سلانجور ... فندق البيراميد
ثلاثة أيام لنكاوي ... فندق البلانجي بيتش
ثلاثة أيام بينانغ ... فندق البارك رويال
يومين جنتنغ ... فندق الفيرست وورلد (غرفة وورلد كلوب )
أربعة أيام كوالا ... فندق الرويال شولان
طريقة التنقلات بين المدن :

• من سلانجور إلى لنكاوي ... طيران air asia والمسافة ( 50 دقيقة )
• من لنكاوي إلى بينانغ ... الطيران ( 40 دقيقة ) ... أو العبارة البحرية ( ثلاث ساعات )
• من بينانغ إلى جنتنغ ... الباص بسعر ( 35 رنقت ) والمسافة أربع ساعات ..
• من جنتنغ إلى كوالا ... تاكسي بسعر ( 90 رنقت ) والمسافة ( 45 دقيقة )

بليز ساعدوني ودي أسافر انا وزوجي و4أطفال 12سنة و10سنوات و8سنوات و4سنوات من جده لماليزيا ومدة الرحلة 14يوم ياريت تفيدوني كم تكلف الرحلة بالتذاكر والمشتريات واعطوني جدول مفصل لأني اول مره بسافر وودي تكون رحله خيال من الموبايل

اخوي وافي بزمن جافي و الله والله ماقصرت يا عساك بالجنة يخوي
والله لادعيلك بكل مدينة ننبسط فيه طول الرحله
الحين بدور اقتراحاتك هذي انا فعلا حجزت ببيراميد سيلانجور وفندق ثاني اسمه امباير اعتقد
قلت احجزهم الاثنين احتياط و بعد ما اكمل حجوزات الفنادق بباقي المدن أسوي بينهم تصفيه ههه
الله يرزقك من حيث لاتدري و عقبال ماتلف دول العالم كلها بالعافية يا رب
اختي eyad2013
حنا قصينا تذاكر قبل شهر ونص التذاكر لحالها كلفتنا 14 الف تقريبا درجة عادية بس ما ادري اذا بتحصلون حجز الحين أولأ أحس تأخرتو
اتمنى يفيدونك الأخوان بالقسم وسفرة سعيده يارب

هلا أختي الكريمة
طبعا التكاليف تتحدد أكثر شيء ... بعد الطيران الدولي ..
الفنادق والمصروف الداخلي ... تكاليفها معروفة وواضحة
لكن أعتقد بشكل عام ... ممكن تكلفكم الرحلة ( 30 ألف ) شاملة كل شيء
( طيران دولي وفنادق وطيران داخلي ومصروف يومي لمدة 14 يوم )
وأنصحك أختي الكريمة تقرأين موضوعي هذا ... وراح يفيدك كثير بأذن الله في ترتيب الرحلة

اخوي وافي معليش سؤال عاجل عشان الغرف باقي 3 بس
غرفة وورلد كلوب لقيت مافيها الغاء مجاني
بالنسبة للحجز حنا حجزنا انا وزوجي وطفلين 3 و سنين 8
هل نقدر نحجز غرفة وحددة بسريرين سنقل ولا ممكن بعدين تعارض ادارة الفندق ؟؟؟ لان الماكسمم بالغرفة شخصين
باقي الفنادق مو مشكلة لان الالغاء مجاني ممكن الواحد يحسب الميزانية فيما بعد بس هذا مافيه للاسف
ونفس السؤال بالنسبة لباقي الفنادق انا حجزت في اغلبها غرفتين فما ادري هل طريقتي صحيحة؟؟؟؟
طلع تقريبا المجموع فوق 20 الف الى الآن
و اشكرك مقدما يا طيب تم اعتماد الجدول والفنادق المقترحة واضافة لنكاوي والغاء كاميرون باقي فقط حجز كوالالمبور و جاري الحجز باذن الله
Free! All children under 12 years stay free of charge when using existing beds.
There is no capacity for extra beds in the room.
خلاص حصلت الاجابة مشكور اخوي بروح اعدل باقي الحجوزات
يا اني حسيت بكمية غباء صدق لا قالوا اننا امة لا تقرا
كذا طاح نص سعر الفنادق قسمن .. زين وفرت الباقي للسوق

هلا أختي الكريمة ...
لا الحمد لله ( سهالات ) طالما لقيتي الخبر الأكيد
أسأل الله لكم التوفيق يارب ... تحياتي