على البركة أخي ahmadt
و الله يجمع بينكم بالخير
بالنسبو لجنوب افريقيا ممتعة ولو انجليزيتك حلوة انصح فيها اكثر من ماليزيا بشرط انك تكون سافرت لدول اجنبية من قبل عشان تقدر تتصرف ،،،
اذا ما قد سافرت قبل انصحك على ماليزيا ،،،
و ممكن تطلع على الموضوع المثبت و فيه برنامج لمدة 15 يوم من اعداد اخونا دوراك
وهو اللي بيفيدك لو سألته و فيه كم تقرير لجنوب افريقيا لكن يبيلك فرة عليهن ،،،
تحياتي

شكرا اخوي كباين
بالنسبه للانجليزيه فما عندي مشكله ان شاء الله
لكن لخصوص البرنامج المثبت في المنتدى دخلت عليه لكن للاسف كبير جدا (مفصل حتى متى تفطر )
عموما حاولت اني اخذ بس الفنادق و المدن فوجدت انه حتى اسماء الفنادق مفصله في كل صفحه وماهي موضوعه في المقدمه و مافيه اي معلومات عنها
على اي حال كل اللي ابيه منك هو ان تضع لي التالي
اسم المدينه - عدد الايام اللي تنصح بها - اسم افضل فندق او فندقين في رايك
بالنسبه للاماكن اللي ازورها فهذي خلها بعدين انا ادور عليها على رواقه
ايوه على فكره انا سألت كم مكتب سفريات عن الفنادق فقالوا انه ما عندهم فنادق كثيره حيث ان الطلب ماهو كثير و هذا بصراحه فرحني لاني ابي اروح شهر عسل يعني ما ابي اشوف سعوديين كثير مثل في ماليزيا اجلس طول شهر العسل اسلم على فلان و علان

1. بالنسبة للسفر لجنوب أفريقيا عندك أهم مكانين تزورهم :


2. الأول / ( منطقة سن سيتي )


3. الثاني / ( مدينة كيب تاون )

السلام عليكم ورحمة الله وبركاته
أخوي العزيز ahmadt
أولاً ألف مبروك مقدماً وبارك لكما وبارك عليكما وجمع بينكما في خير ....

بالنسبة للسفر لجنوب أفريقيا عندك أهم مكانين تزورهم :

الأول / ( منطقة سن سيتي )

وهذه المنطقه قريبه من العاصمة جوهانزبيرج وتبعد عنها بالسياره حوالي ساعه ونصف وطبعاً الوقت المقترح لقضاءه في هذه المنطقه 3 أيام , وبالنسبة للفنادق الموجوده في هذه المنطقة هي أربع فنادق فقط ( 1- فندق المدينة المفقوده 5نجوم / 2- فندق الكاساد 4نجوم / 3- فندق سن سيتي 3نجوم / 4- فندق الكبانس نجمتين ) ..... أسعار الفنادق راح أعطيك تقريبيه ( 1- فندق المدينه المفقوده حوالي 2400 ريال لليله شامله الإفطار / 2- فندق الكاساد حوالي 1800 ريال لليله شامله الإفطار / 3- فندق سن سيتي 1150 ريال لليله شامله الإفطار / 4- فندق الكبانس 900 ريال لليله شامله الأفطار ) .....

الثاني / ( مدينة كيب تاون )

وطبعاً هذي أجمل مدينة في جنوب أفريقيا تقريباً وهي محط أنظار جميع السياح الي يسافرون لجنوب أفريقيا وطبعاً تسافر لها عن طريق المطار بواسطة رحله داخليه من العاصمة جوهانزبيرج والوقت المقترح لقضاءه في تلك المدينة ما بين 9 إلى 12 يوم حسب جدولك والفنادق فيها كثيره ( 1- فندق التيبل باي أو التيبل بي 5 أو 6 نجوم ماني متأكد / 2- فندق البننسولا أظن أنه 5 نجوم / 3- فندق هوليدي إن وتر فرونت 5 نجوم / 4 - فندق راديسون 5 نجوم ) ....
بالنسبة لأسعار الفنادق ماني متأكد منها لكن بحطها لك تقريباً ( 1- تيبل باي 1800 ريال لليله شامله الإفطار / 2- فندق البننسولا حوالي 500 ريال / 3 - هوليدي إن وترفرونت 600 ريال لليله شامله الإفطار / 4 - فندق راديسون 850 ريال لليله )
وأي إستفسار أنا بالخدمه طال عمرك
وبالنسبة لو تبي موقع للفنادق يفيدك أكثر في مدينة كيب تاون :
http://cybercapetown.com/Accommodation
وأي إستفسار أنا بالخدمه طال عمرك
/

سمو الشيخ
الله يجزاك الف خير اخوي سمو الشيخ على الرد الطيب
بس انت متأكد من ان اسعار الفنادق غاليه لهذي الدرجه !! يعني فندق مثل المدينة المفقودة ب 2400 ريال لليله الوحده !! ، انا رايح شهر عسل يعني بالعربي لازم اخذ شي خمس نجوم او اربعة على الاقل و شكل الاسعار غاليه جدا هناك،
على الاسعار هذي تقريبا بتكلفني الفنادق حوالي 7 الاف ريال بس لثلاث ليالي !! و حوالي 4500 ريال ل9 ليالي في الكيب تاون !!

يا جماعة مخطط شهر العسل لمدة اسبوعين و ميزانيتي 15 الف بالنسبه للفنادق و التذاكر و مازلت محتار بالنسبه للفنادق و المدن المناطق اللي تستاهل الزياره ، ممكن تتكرمون علي و تساعدوني ، لو كانت ماليزيا كان سويتها بنفسي بحكم اني وجدت معلومات كثيره في منتدى ماليزيا (بحكم ان زوارها واجد و مشاركاتهم كثيره و مفصلين لك حتى ايش الفنادق و ايش مميزاتها و عيوبها)
ممكن احد يفصل لي برنامج بس بخصوص المناطق او المدن و الفنادق
و اخص بالذكر الاخ (Dorak) و لا يهونون باقي الشباب

دخلت مثلا للرابط
http://www.hotelclub.net/SearchResults.asp?searchBy=Criteria&inDay=29&inMonth=7&inYear=2006&SetInDay=%5BSat%5D&outDay=2&outMonth=8&outYear=2006&SetOutDay=%5BWed%5D&country=South+Africa&city=Cape+Town&hotelName=&dummyhotelName=&suburb=&star5=ON&star4=ON&star3=ON&orderBy=Rating%2CAvailability%2CRank%2CTotal%2CHotel
وجدت عشرات الفنادق في كيب تاون لوحدها و من جد محتار ما اعرف ايش الاحسن و الانسب للعرسان و غيرها

طيب أخوي إن شاء الله بتلقى مايثلج صدرك بس انتظر علي يوم أو يومين وراح ألقى لك ضالتك

سمو الشيخ
انا بإنتظارك و الله يجزاك خير ، صدق من قال انك سمو الشيخ
على فكره انا من الأحساء مثلك يعني اذا عنك مكاتب سياحية تنصحني احجز منها (حتى لو في الخبر او الدمام) فعطني خبر عنها

طيب حلو يا عزيزي دامك من الأحساء ليه تتعب يديني بالكتابه والبحث خليني أقابلك وأشرح لك كل شي على الهواء مباشره كذه راح يكون أفضل لك ولو ما عندك مانع راسلني على الرسايل الخاصة وأحدد معاك موعد للمقابله ..........
بإنتظارك ........