1. هذا وحنا مواصلين ما نمنا ابد تعرفون الشباب متحمس جدا جدا


2. اوكى


3. ونزلت الصحن على الارض مستعد لنوم اتذكر ان كان باقي تقريبا ساعتين وشوي


4. بعدها توني مغمض الا احس بشي بارد على كتفي واسمع وحده تقول سوري


5. في كازاطلعنا وللاسف سكنا في فرح خذنا دبل روم ب 800 درهم المهم


6. كان عيب السوفتيل انه بعيد عن البحر


7. اماديل فيه حركه فيه نشاط السوفتيل احس انه رومنسي


8. يعني الي خيطاتها مكينة الجالبيه سعرها في 500 درهم والي باليد في 650

:smile002:
اقروا الموضوع لين ما تتحمل الصور
في البداية ابيكم تتخيلون هالجو في اماديل وفاتح الشرج(الشباك)- واسمع صوت الموج والهواء الى علي كيفكم مو رطوبة الخبر وضواحيها ههه :yuk:
طيب اكيد الحين انتم تبون تعرفون كل شي بالتفصيل ام
طيب نبدى بالرحله الي كلها تعب بس لاجل المغرب كل شي يهون
في البداية حنا اربعه وصرنا خمسه ههه طيب تم تقسيم الى
وزير الماليه ووزير السياحه ووزير الصحه ووزير الداخليه لازم نقسم المهام هناك
الرحله كانت يوم الثلاثاء الصباح الساعه 9 من البحرين دبي ومن دبي ثاني يوم الساعه 7 ونص :bounce8:
المهم حنا اربعه سبقوني البحرين وانا لحقتهم المشكله قايلهم قصوا البوردنغ على المقاعد الي في البداية علشان النوم تعرفون اهم شي الراحه :gathering

هذا وحنا مواصلين ما نمنا ابد تعرفون الشباب متحمس جدا جدا

ما علينا قصوا البوردينغ والعفش ارسلوه من بحرين الى كازا بما اني جاي بعدهم ما قصيت البوردينغ قلت اقصه من دبي :36_1_22:
وصلنا دبي الظهر قالوا الشباب نبي نتغدى ونتمشى المهم استئجرنا هوندا بمية درهم :8888: اماراتي طلعنا تسوقنا مع اني كنت ابي سكن علشان انام لكن راي الاغلبيه ضدي تسوقنا وتشرينا من الامسي ومن ابن بطوطه وفي كل مكان اشرب كافي لين ما طلع على جبهتي نس كافيه ههه ورحنا ستي سنتر وتكينا هناك شوي طقطقنا شوية اسهم :mf_pcwhac شوي الساعه باليل :icon_scra 11 وما زلنا مواصلين :36_1_50: تعشينا تمشينا شوي والساعه 2 حنا في المطار وعلى بال ما الواحد يحط عفشه في الطياره ويتاكد من الكفرات والزيت وان الطياره

اوكى

وتبدى مرحلة المشاكل الي بتقص لي البوردينغ قالت ما يصير انت وصلت الصباح ودخلت دبي يعني بالعربي مافي رحله متواصله اكثر من ست ساعاتواطرع عليها واولع :36_1_30: وتصير معركة بيني وبينها ارسلت قواتي و قلت هذي التكت من مكتبكم وبعد الحوسه اكتشفوا انهم غلطانين
وخليتها تحجز لي عند الاميرجنسي دور علشان لو صار شي بالطياره وحنا فوق انا اول واحد ينزل ههه شفت شلون الذكاء الخارق :smartass:
علشان امدر رجلي في النوم شوي وانا اقص البوردينغ الا الافارقه اهل دكار يالله شكثرهم يعني بدون مبالغه ريحتهم تشوفها قبل ما تشمها :36_1_2: ههه عاد خوي يقول هذي الدبه من الافارقه يقول شكلها جنبك ههه
ودخلنا ونستنى الطياره هب ما صدقنا على الله فتحوا باب الطياره الا حنا اول ناس فيها لحد الحين حنا مواصلين قلنا بس نركب الطياره وسمته نومه
اول ما ركبت من طلع جنبي واحد مغربي كبير في السن ومن يميني خوش ادمي ههه وخوياي طلعت جنبهم السمره ههه :36_1_21: الافريقيه لا وفوق هذا طردتهم قالت لهم روحوا بنام ههه
لحد الحين وضعنا اوكى اقلعت الطياره طلعت الاب توب شتغلت شوية علىه تقريبا ساعه خلصت قلت الحين يا شليويح وقت النومه واطفي النور واسكر جميع الشبابيك حتى اللي في الجهه الثانيه ههه اهم شي الظلام
توني مغمض عيني :36_1_50: ما خذت حتى ساعه شوي الا احس ان رجلي صايره كوره كل شوي تنشات ومن التعب ما فتحت عيني بس في لحظة حسيت ان واحد داس على رجلي :36_1_38: ههه وافتح الا واحد يقول لي اسمح لي
طلعوا الشعب الي وده بدورة المياه الله يعزكم يصف في الموقف الي قدامي ولا في الا تشوت تقول عبدالله الجمعان وانواع التزلج على رجولي :36_7_13: ههه
وكل ما غمضت عيني نفس الشي المهم راح تقريبا حول اربع ساعات شوي الا الي جنبي يقول لي ويصحيني يقول الغداء وانا مالي خلق شي ابي ارقد :36_1_5: اذكر اخر يوم صحيت من النوم يوم الاثنين الظهر والحين الاربعاء الظهر وما نمت كسرت خاطر نفسي المهم الي جنبي يوم صحاني علشان الاكل وشافني برجع انام قال لي عندك قلم واخزه ذيك النظره الي احس ان البؤرة الي في يعيني تموقعت وتمحورت عليه :36_1_3: ههه وقمت وطلعت له قلم المهم شوي الا الغداء وصل اكلت لي لقمة :36_1_51: بسيطه بسطبعا ما خليت شي بالصحن ههه

ونزلت الصحن على الارض مستعد لنوم اتذكر ان كان باقي تقريبا ساعتين وشوي

بعدها توني مغمض الا احس بشي بارد على كتفي واسمع وحده تقول سوري

وافتح عيوني الا المضيفه كابه السلطه ههه المهم قفلت معاي وقلت ماني بنايم :36_1_42: ويالتني نمت المغربي الي جنبي صدقوني يا جماعه انا تعبت وانا اسمع من كلامه وهو شرح لي كل شي عن حياته في المغرب او في السعوديه بس مبين عليه طيب ههه المهم ما صدقت على الله وصلت الطياره كازا هوب الا انا على الجوازات ياحليله يبي مني اكراميه يقول لي علاش مكشر قلت له لي 3 ايام ما نمت وتعبان قال ما كاينش اكراميه واخزه بنظره 4 في 6 هالنظره :36_1_3: ههه تحسف انه طلب مني
المهم التفتيش كالعاده بس اخف من العام يوم طلعنا برا الا البوليس ديالهم يبي اكراميه قلت انا ماني بدافع اذا ما يبي يمشينا يرجعني المطار وارجع السعوديه اخلاقي خربت ههه
قام واحد من الشباب دفع من عنده ميه المهم ما اطول عليكم( لحظة دقيقه اريح اشرب ريد بول )وصلنا الرباط الساعه 3 العصر تقريبا وقعدنا اربع ساعات ندور على فيلا تكون نظيفه بسبب عددنا اخر شي حصلنا ب 2500 اهم مافهيا الشغاله كانت كويسه قالت لا اشوف رقعت وجهكم الا بعد 3 ساعات ههه تقضينا من مرجان وتكينا في الرباط خمسه ايام تقريبا نروح دوليز والي اسميه انا بوليس ههه في جلسه حلوه بس الي احلى المعجنات الي فيه على كيفكم واحلى مافي قروبنا ان كل شي موافقين عليه وان في طباخين وفيه ناس للادوت الكهربائيه يعني على كيفكم ههه
طبعا تمشينافي القصبة والاودايه وطلعنا لكاز لعين دياب بس ما ارتحت بكازا من اهلها تصدقون في وحده راكبه بي ام يوم شافتنا قالت امباع ههه قلت انا اكيد الكحه عندهم تختلف عن الي عندنا ههه
بس مطعم الزهور الى قبال المرديان في كازا لا يفوتكم تقريبا خمسه اشخاص حسابنا طلع ب 1200 طبعا وزير الماليه زعل علينا ذاك اليوم ههه وثاني يوم ما كان في الا وجبة وحده ردع لانفسنا وللي تسول له النفس التطاول على الميزيانية العامه بالتبذير والاسراف ههه
بس الاكل واعر بالزاف المهم جينا نمدد ليله في الرباط قالت راعية الفيلا اقلب وجيهكم :36_1_7: مالكم شي عندي قلنا ما يصير قالت انا اتفقت معاكم وهي فعلا متفقه قلنا مافي الا ليلة
كانت هناك خطط وتخيلوا الساعه 9 الصبح وحنا في الشارع المشكله السواق الي نبيه يوصلنا مرض ههه ولا في احد يبي يودينا :36_1_25:
واحد كان يكلم يدور على سكن في الرباط والثاني يدور على سكن في اغادير وثالث يكلم طنجه والرابع قاعد يدور على سواق ههه يعني الحاله صعيبه في الاخير قررنا نبات

في كازاطلعنا وللاسف سكنا في فرح خذنا دبل روم ب 800 درهم المهم

كلمنا اماديل علشن نحجز قالوا فل نزلت في مكتب حجوزات تحت فرح قلت له دبر حجز قال في السوفتيل قلت له كم الدبل قلا 870 مع فطور شخصين قلت احجز قال مافي الاليلتين قلت مو مشكله ندبرها هناك سعر فوق الخيال
يو رجعنا الساعه عشره على باله ان حنا نسهر برى الا وحده ممن الغرف مفتاحها مش موجود عندهم قلنا يمكن احد نساه يوم طلعنا الغرفه لقينا واحد من الدرك مع زوجته بس فعلا زوجته لانها كانت حامل طلع من الغرفه فتشنا اغراضنا كل شي موجود نزلنا تحت للمسؤل قلنا شلون هذا صار وطيخ طربيخ وحط وشيل المهم عطيناه عرضنا يحسب لنا الغرفه ب650 درهم بالاضافه لفطور مجانا لنا كلناههه شفتوا شلون طيبين حنا قال ما اقدر مدري كيف قال خوينا اجل حنا فاقدين خمسه الاف دولار ههه
قلت له ها وش رايك خصمه 300 درهم وفطور والا تدفعون خمسة الاف ومشاكل ههه ورضخ لواقع
فطرنا وثاني يوم هوب على اغادير اغادير يا ذنب العنا اغادير وش ذنبي انا اغادير وهي حياتي اغادير وهي امنياتي( اغنية طلال بعد التعديل ) خنذا مرسيديس طاكسي كلنا فيه ب250 درهم للمطار وصلنا المطار والي يفتش ناداني قمت اكلهم انجليزي شاف الاب توبقال الجواز توهقت وطلعت جوازي قالي شنو تخدم رديت علهي انجليزي قلت له مهندس قام ترجمها غلط على باله فاهم واانا اقوله صح المهم وصلنا اغادير خمس ونص والوساق يستنى ومثل العادة البوليس الي برى يستنى المية مشكلتهم هذولا ان مافي ريئس تكلمه يعني معطلك معطلك
من المطار على طول مرجان وشرينا الخبز والماي والعصير من الى وكلها طبعا في الشنط ههه وربي كسرت خاطري الي تشيل الشنط تقول الشنطه هذي وشفيها ما تدري ان فيها ملابس وست قوارير ماي وكوكا كبير وثمني ريد بول ههه غير الجبن ههه يعني سوبر ماركت متحركه ههه
بس صراحه السوفتيل رايق وجلسته برى رايقه بالزاف المهم يوم الخميس اتصلت على اماديل وحجزت الغرف وفي نفس اليوم كلمنا راعي مكتب يحجز لنا اماديل رحنا له الجمعه قال الغرف الي كانت موجوده انحجزت :36_1_25:
قلت له اسئل عن اسمي وطلعت الغرف انا الي حاجزها ههه :36_1_20:
وتقريبا 860 فطور وغداء او عشاء في اماديل سكنا فيه وكل واحد غرفته على البحر واسمع صوت الموج

كان عيب السوفتيل انه بعيد عن البحر

اماديل فيه حركه فيه نشاط السوفتيل احس انه رومنسي

جينا بنمدد ليله ويوم الاحد المكتب مسكر ضربنا الفندق الغرفه الدبل ب 1300 درهم مع فطور بس لكن يالله ما عليه امس الصبح طلبت فطورويوم جاني الفطور اشوف نمله في الصحن قلت بالغلط شوي الا نملتين شكيت شلت الكروسان الا تحت طنطعش الف نمله وانادي الي جاب الاكل واغسل شراعه واقوله اني صورت بالكميرا وانادي المنجر من تحت واغسله بعد قلت ابي المسئؤل وينه بس كسر خاطري الي جاب الفطور قال هذي غلطتي وراح يفصلوني الى درجه انه باس راسي كسر خاطري وذكرت قطع العناق ولا قطع الارزاق قلت له طيب كيف راح تراضيني قال اطلب الي تبي قلت له كل يوم غداء ههه غير العشاء الي على حساب السكن ههه قال موافق ههه قلت له لا امزح معاك مابي منك شي وروح قال لي لا ابد غداك اليوم علي قلت مصمم قال ايه قلت اجل غداء لشخصين ولا تنسى الفاكهه ولانسى سيدي علي لاني عطشان بس تصدقن اليوم البوفيه كان فيه طاجن لحم واعر واعر واعر واعر
عاد بكره راح نرجع الرباط ومنها راح نتمشى على فاس افران وحتمال كبير اوزيلالال(لحظه اسمع صوت الموج) على فكره في اغادير في مطعم سنويشات حلو ونظيف ورخيص وفاتح على طول وش اسمه نسيته
ايه صح شغله ثانيه مطعم اسماعيل انا كلت فيه العام بس السنه قلت في مطعم بغداد في اخر الكورنيش الاكل احسن وارخص منه بواجد يعني كبسة لحم ب 120 والدجاج ب95 درهم ولازم بعد الاكل تشكرون ام فضل ههه اليوم طلعت للبحر انا وواحد من اخوياي صيد سمك واكل وسباح ووناسه خذوا على الشخص 500
ايه لا يوفتكم سوق الاحد الجلابيات النسائيه وكل شي فيه رخيص سوق شعبي هو

يعني الي خيطاتها مكينة الجالبيه سعرها في 500 درهم والي باليد في 650

لا تسنون الثوب المغربي الشتوي تراه زين للبرد سعره بحدود 200 درهم بس اهم شي يكون ثقيل
بعد هالحوسه كلها قررنا نرجع الرباط رجعنا الرباط وجلسنا فيها تقريبا 5 ايام منها طلعنا تمشينا على يفران وفاس ومكناس بس بصراحه ايفران لا تفوتكم يا جماعه بس عيبها المشوار عن الرباط يبي لك تقريبا 3 ساعات بس تستاهل الواحد :suprise: يروح ويجلس فيها كم يوم من ناحية الطبيعه فتراهي افضل مناطق المغرب الا لم تكن افريقيا بعيد شي خيال بس عاد حسافه ما صورنا لكم ههه مخطط ارجع لها المهم في الرجعه وقفونا الدرك وتفتيش نص ساعه والله حتى علبة المناديل فتشها ههه بس الحمد الله حنا نظيفين اؤي اؤي
المهم في الرباط خذنا فيلا اكبر شوي ب 3 لاف درهم لان كنا خمسه بس احلى مافيها كان فيها حوش ومافي الا لعب كورة الشباب :36_7_7: ههه وشوي وطبخ ونفخ
وحنا في المطار كل ما شافني واحد قال لي اكراميه
اول واحد قلت له المفروض انك تاخذ من الي جاي لان الي رايح ماعنده ولا شي والثاني قلت له تصدق ماعندي حق العصير شرايك تشتري لي عصير :36_1_12: ههه الثالث الي ضحكت عليه صحيح يوم رفضت اعطيه اكراميه
وشاف عندي كاميرا ديجيتل قال ورني الصور قلت بس كذا واقعد ارويه كل الصور والناس محترقه وراي اخر شي قال لي سير خويا قلت لا اصبر في مقطع فديو خليني ارويك اياه ههه :36_1_21:
بعدها رجعنا عن طريق الامارات ويوم وصلنا دبي مالقينا سكن بسبب الاكتتاب والاسهم والخرابيط ههه
لكن بالاخير لقينا
وتوته توته خلصت الحتوته ويالله يا شطار غسلوا اسنانكم قبل النوم ههه
ملاحظات:
عملية طلب الاكراميه مو مثل اول وعليك التعامل بالنظام وصدقني راح تمشي
الريال السعودي في الصرف افضل من الدولار
حاول انك تقرا عن أي قرية قبل ما توصل له واسئل الي حولك
دايم قبل ما تشتري او تطلب حدد السعر
المره الجاي في الخطه الخماسية لفرقة الكومدنز انهم يشترون حولي
اول ما نوصل يطلع علينا اوفر بدال مو كل شوي نشتري لحم ههه
الحين بنرويكم الصور كل صوره وفوقها تعليقها
اول صورة بعد وصولنا المطار ومسكنا الطريق الى الرباط

الرباط
هذي صورة لفندق اونتجع قريب من بوزنيقه راقي جدا بس ما دخلناه بسبب ضيق الوقت

كورنيش الرباط

هذا نهر يمتد بين الجبال اذا ماني غلطان انه يتفرع من نهر ابو رقراق

ركزوا في الغيم الي في اعلى الصورة

وهذي صورة بوليس قصدي دوليز ههه الي قلت لكم عنه

وهذي هدية خاصه لولد الدرب لاني اعرفه يحب اللوحات ههه

صورة قبل ما ندخل الاواديه

وهذي صوره من ورى الاواديه في كم مقهى للاتاي

القصبه والاودايه باختصار كانت من قبل مكان للقراصنه كانو يسجنون فيها الي يبون ويخبون كنوزهم
وداخ في ازقه لانه القرية مسورة وفيها بيوت قديمة جدا والى الان ما زال فيها الناس ساكنين وفيها مقميمين فرنسيين من مئات السنين وشوفوا تاريخ البيت هذا قبل كم سنه

صورة للبحر من نفس القصبه وتحتها مباشرة مقبرة الشهداء

وهذا باب القصبه من الداخل ومكتوب عليه ايات من القران الكريم في اعلة السور

وهذي صورة من الداخل

صورة للبحر في الرباط

عجبني التلفزيون قلت اصوره ههه

]صورة للكورنيش في عين دياب في كازا

مافي الا لعب كورة الشعب

تعرفوني ملقوف قلت اجربزوم الكاميرا وشفت ناس في البحر يصيدون ههه

عاد هذي الصورة هديه لولد الدرب ههه

صورة للغروب بعد

صورة للشارع الي تحت من فندق فرح ليش صورت الشارع مالكم شغل ههه

قاعدين نستعد للشوي والشوايه عباره عن جنط ونص برميل ههه

المشوي والي كان يشمل على لحم ودجاج وسمان وارنب ههه ولا تسئلون من وين جاء الارنب

طبعا الرحله ما تكمل بدون كبسه ههه

وينك يالدهمشي تعال عازمك على صحن كسكسي وخل شوية لولد الدرب ههه

هذي في الطريقالى ايفران وعلى ما اظن ان هذي السهول المنشكحه الساحليه الي كنت اكتبها
في تضاريس كل بلد في اختبار الجغرافيا ههه

اماديل من داخل

وهذي صورة ثانية وعلى فكره شوفو الكرسي اول واحد هذا الي يجلس عليه تميم دايم ههه

وشرايكم في هالصوره قمة الانتعاش والشعور بالمراره لما تذكر انك بترجع ههه
طبعا من غرفتي الي في اماديل

وغروب ثاني

وصورة للوبي ديال السوفتيل

وصورة وانت طالع من السوفتيل رايح للبحر

وهنا تمة اكبر عملية تهريب لسوفتيل ههه داخل الشنطه وتم توثيقها بالجرم المشهود

هذي الصورة مدري وشلون طلعت

وهذي سلة الفواكه وقصة نمل ههه والرشوة الي جاتني علشان اكتم على الموضوع ههه

الحين نبدى صور السوفتيل خمسه نجوم في اغادير

وفي النهايه لا يسعني الا ان اشكر سعادة سموي عن المجهود الذي تم بذله بالاصافه الى الاموال الي خسرتها علشان اروح واصور لكم والحين يالله قطيه على كل نك 100 ريال ههه
وان شاء الله عجبكم التقرير واي سؤال عندكم او استسفار اكتبوه في الموضوع المثبت ولا احد يقو ل لي شي ههه