- السلام عليكم ورحمة الله وبركاته ...
- أولاً : فكرة الرحلة لتركيا :-
- الانطلاق :
- هذا المساعد طبعا هو دايم على هذي الوضعية
- هذي الاستراحة على طريق حمص
- هذي بعض الصور صورتها من مدخل الشقة
Turkey Trip 2008
السلام عليكم ورحمة الله وبركاته ...
أولاً : فكرة الرحلة لتركيا :-
في البداية كنا نحبث عن حجز على ماليزيا والمشكلة قبل السفر بأسبوعين يعني مالك أمل واذا لقيت تلقى بس بسعر غالي مرة المهم الغينا ماليزيا حولنا على تركيا ولقينا حجز على الخطوط التركية والسعر 2950 ريال حجزنا بس ماقصينا تذاكر بعد يومين كلمتني الوالدة (الله يحفظها) قالت وش رايكم نروح بالسيارة مثل أعضاء (العرب المسافرون) يقولون انها متعة واحسن من الطيارة جلسنا نفكر انا بالبداية كنت رافض لانه بصراحة مشوار وبعدين فكرت ودخلت على (العرب المسافرون) وجلست اقرا مواضيع أخونا العزيز ( محيرني النقل ) وبصراحة استفدنا من مواضيعه كثير جزاه الله الف خير وقلت لهم توكلنا على الله .
ثانياً : طاقم الرحلة :-
المستشارون : أبوي وأمي ( حفظهم ربي ) .
الكابتن قائد المركبة : عبدالله ( محدثكم ) العمر 20 سنة .
مساعد الكابتن : عمر ( طبعا مساعد بالاسم كله نوم ) العمر 17 سنة .
الركاب ( مافيه الا وحده ) : اختنا الصغرى ( نفس مساعدنا كله نوم ) 12 سنة .
ثالثاً : التجهيز للرحلة :-
تم التشييك على السيارة وعملنا لها ترابيتك ب ( 350 ريال ) . وصرفنا دولارات ودناينر اردنية وليرة سورية علشان الطريق . والوالدة جهزت أغراض الطبخ وبطانيات وبعض اللي نحتاجه هناك .
رابعاً : خطة السير والانطلاق :خطة السير :( الرياض – القصيم – حائل – الجوف – القريات – الاردان – صلنفة – قيصريه – ارزنكان – اوزنقول – طرابزون – قيصريه – صلنفه – الزبداني – الاردان – القريات – الجوف – حائل – القصيم – الرياض ) .
الانطلاق :
بدأت الرجلة الساعة 5.30 مساءا بحفظ الله تعالى طبعا لازم المرور على التسجيلات الاسلامية والمرور بعد ذلك على مطعم الشعبيات حول (بيتنا) نأخذ بعض المسليات ثم الخروج من الرياض الساعة 7.00 مساءا وصلنا القصيم الساعة 9.00 مساءا واصلنا الطريق إلى حائل ووصلنا الساعة 12.00 منتصف الليل واستقبلنا الأخ (محمد) صديق عزيز هناك وعزمنا في مطعم ( التل )
جزاه الله خير تعشينا والحمد لله خرجنا من المطعم الساعة 1.40 صباحاً . ووصلنا لطريق الجوف قبل نمسك الطريق تم تعبئة السيارة بالبنزين . الساعة 2.40 صباحاً ( المسافة بين حائل وحدود الحديثة 668كم ) مشينا بالطريق طبعا الطريق حلو سايدين بس في مشكلة لفاته واجد يعني ماتقدر تسرع فيه وصلنا قرية اسمها ( أبو عجرم ) الساعة 5.15 صباحاً وباقي (290كم) على الحديثة (طبعا كلام القارمن) صلينا الفجر وعبئنا السيارة بنزين واكمالنا الطريق للحديثة وصلنا هناك الساعة 8.30 صباحاً وتم تغيير زيت السيارة وتعبئتها بالبنزين الساعة 8.50 صباحاً ودخلنا منفذ الحديثة 8.55 صباحاً انتهينا من حدود السعودية ودخلنا حدود الأردان الساعة 9.30 صباحاً وانتهينا منها في تمام الساعة 10.13 صباحاً جمارك الأردان اخذت (9.50دينار) جوازات الأردان سهلة وتفتيشهم زين جزاهم الله خير لكن عيبهم تطبيق الحريم موظفه وحده تطبق للدخول والخروج معاً والزحمة ياللهي ناس لاصقه بناس واللي فارده عضلاتها كأنها بالحج (طبعا ترا هذا كلام الوالدة ربي يحفظها) دخلنا الأزرق ومرينا على فندق واستراحة الأزرق نبغا فطور مالقينا شي يستاهل رجعنا للأستراحات اللي على الطريق واخذنا شاهي وسندويشات بيض وفلافل والأخ المساعد مازال نائم كل هذه الفترة زين انه صحى عند حدود الأردان علشان تطبيق الجواز ولا وده ينام .
الوالد وهو ينتظر الفطور طبعا لانه جوعان
هذي سيارتنا
هذا المساعد طبعا هو دايم على هذي الوضعية
( الأخ عبدالله دخل مع أبوه يجيب الشاهي والسندويشات وما طلعوا الا الساعة 11.15صباحاً والاخت الصغرى دايم تتحلطم على القعده رجولي عورتني وخذوا ترمز الماء اخنا ترمز الماء ومازالت تتحلطم انا بالرجعة ماني قاعده وراء . ونحلت مشكلة الترمز ) هذا كلام الوالدة الساعة 12.50 ظهراً دخلنا حدود جابر وانتهينا منها الساعة 1.18 ظهراً لكن مخرج الحدود طابور للشاحنات وطابور للسيارات الصغيرة انتهينا من المخرج الساعة 1.35 ظهراً المشكلة انهم يمشون الشاحنات أول . اشترينا من البوفيه مويه صغيره و4كادي ب 4.50 دينار غالي بالمرة . دخلنا حدود سوريا استقبلونا برش السيارة بالمبيد الساعة 1.40 ظهراً والساعة 3.10 مساءاً انتهينا من الجوازات ولسى ماخلصنا من الجمارك واوراق السيارة وانتبهوا لا يصير الترابيتك مقلوب علشان مايرجعونكم مثلنا انتهينا من الجمارك الساعة 3.45 مساءاً وما طلعنا من بوابة الحدود الا الساعة 4.07 مساءاً اخذنا طريق درعا – دمشق – حمص – طرطوس – اللاذقية ومالقينا سكن الساعة 11.47 مساءاً ووقفنا وريحنا بطريق اللاذقية وقبل كذا وقفنا عند استراحة الساعة 6.00مساءاً في طريق حمص واخذنا خفايف فطائر
هذي الاستراحة على طريق حمص
وريح الكابتن مع المساعد ( طبعا المساعد طول الطريق مريح ) ومشينا الساعة 7.20 مساءاً . الساعة 12.00 صباحاً مسكنا طريق اللاذقيه كسب علشان ندور سكن تمينا الليل كله ندور على سكن في كسب بعدين نزلنا على اللاذقية مالقينا شي طلعنا على صلنفه بعد صلاة الفجر وقفنا وفطرنا وعينا من الله خير وخلصنا فطور الساعة 8.00 صباحاً ورحنا ندور على شقة لقينا شقة لكن ماراح تفضى الا الساعة 12.00 الظهر عينا من الله خير وصعدنا فوق في صلنفه وفرشنا لنا ونمنا حتى الساعة 11.15 صباحاً وبعدين اتصل علينا صاحب الشقة قال ان المؤجرين طلعوا وانه ينظف الشقة وضفينا عفشنا وراحنا له نستلمها الساعة 11.30 صباحاً . (والمساعد من نوم إلى نوم بس يصحى يأكل ويرجع ينام) دخلنا الشقة بعد تنظيفها وتسبحنا ونمنا حتى العصر وبعدها صحت الوالدة وسوت لنا قهوة وشاهي أخضر وجلسنا بالمدخل حق الشقة والجلسة تفتح النفس وتنسيك همومك لين مابرد الجو ودخلنا دخل الشقة .
هذي بعض الصور صورتها من مدخل الشقة
بعد المغرب حول العشاء صلينا وطلعنا نتعشى الساعة 9.15 مساءاً الدنيا زحمة يوم الجمعة 1429/8/7ه كأنها زحمة بلودان عندهم عيد السيده على قولتهم تعشينا ودخلت انا والمساعد لمقهى النت والوالد والوالدة والاخت الصغرى جلسوا بمطعم يشربون قهوة وسوالف وبعدين رجعنا للبيت الساعة 2.10 بعد منتصف الليل بعد ما وقفنا عند السوبر ماركت حوالي نصف ساعة الوالد مو عارف ايش يشتري .
هذا الجزء الأول من الرحلة وان شاء الله استمتعتوا معنا فيها هو صحيح اننا تمرمطنا لين لقينا سكن وتعباننا بس بعد التعب راحة
انتظروني بالجزء الثاني
تحياتي Patchi:8888:
ماشاء الله لا قوة إلا بالله
تقرير غير عادي .... و( قوي ) من أوله ***
ولي عودة ...