مرحبا بك أخي الفاضل :-
بداية موفقة بأذن الله تعالى ومتابعينك أن شاء الله
أخوك أبن السعودية ،،،

Nice to be the second one to comment on your Trip
All we want is to write each and every thing and your adivce
Don't be late, we are wating for you

أبن السعودية
حياك الله وتعرف امس جاي من السفر
تعبان شوي اعطوني كم يوم وماهمكم اليكم الجديد والمفيد

BU HAMDAN
والله يابو حمدان ثقافتي الصينية
ضعيفة لكن ماهمك مارح نتأخر عليك ابشر غالي والطلب رخيص

طبعا فكرة السفر الى الهند جاءت بعد ماتعبت من مكاتب الاستقدام اللي تجيب أي عامل تطلب مبيعات يجيك واحد حق شيل وحط ؟؟؟ عموما قلت مالك الا بنفسك تروح وتجيبهم ؟؟ ومنها تكتشف الهند وتغير جو ؟؟ يالزيز يارايق ؟؟؟
طبعا دخلت العرب المسافرون وجلست افرفر بمواضيع الاعضاء الحلوين ؟؟ وكل واحد تلاقي في موضوعه نص معلومه تخصك ؟؟؟ لأن اغلبهم طالع سياحة .... تعبت مرة قلت اروح الهند وانا زي الاطرش بالزفة ؟؟ لا والله ماني رايح
رحت لواحد صاحبنا عنده مكتب استقدام قلت له ابغا استقدم من الهند قال الهند بطلت اشتغل قلت ارسلني على المكتب ؟؟
ماقصر عطاني الرقم ودقيت عليه والا واحد بصراحه كلمة رجل قليلة فيه ؟؟ الاخ محمد الطيب ******** سوداني .. والنعم ..
وقلت كيف ودارت الامور ؟؟ قال انت احجز الطائرة وكل شيء جاهز عندنا ؟؟؟
طبعا حجزت على الامارتية
الاجمل والاروع والافضل >> بس يامصطفى الاغا ...
اقلعت الطائرة من مطار جدة الساعه الثامنه مساءا ... وحطت رحالها في دبي الساعه 12 ليلا ..
ومن ثم اقلعت بعد 4 ساعات الى مومباي ... ومن ثم وصلنا الى مطار مومباي الساعه 8 صباحا ؟؟
وانا بصراحه نص دعسه ؟؟؟
شوي نزلنا من الطائرة ومن صالة الى صالة حتى وصلنا الى صالة انفلونزا الخنازير .. حمانا الله منه ؟؟ وبصراحه فوضى عارمة ؟؟
ومن ثم ختمنا الجوازات وبصراحه تعاملهم راقي >>> انتبه راح يسألونك عند المنطقة اللي راح تسكن فيها واسم الفندق ؟؟
طبعا اخذت الشنطة ايضا هنالك فوضى عارمة ؟؟
وسريع الى خارج المطار >>> انتبه من السماسرة واي واحد يتكلم عربي ؟؟؟ خذ تكسي معتمد من المكتب يسار بوابة الخروج ؟؟
وبصراحه خرجت ولقيت منذوب المكتب بعد عملية بحث بين الاسامي التي في اللوحات ؟ لقيته ماسك ورقة قد كف اليد مكتوب عليها اسمي ...
ورحنا اخذنا تكسي بمكيف طبعا غالي >> ب 12 ريال الى الفندق ..
وهذا الطريق بعد الخروج من المطار وفي الطريق ..
وبصراحه سواقة الهنود 10 على 10 ؟؟ ومن شارع الى شارع حتى وصلنا الفندق
ولقيت استقبال حافل ؟؟ قلت وش الهرجة طلع مدير الفندق موجود والموظفين جدد عندهم اختبار وطلعت انا عينة الاختبار ؟؟
هنا الطريق الى الغرفة ؟؟
هذه صورة الغرفة من الداخل
هذه صورة الحمام الله يكرمكم ؟؟ بصراحه 10 على 10 ؟؟ الفندق كله
هذه اكلة برياني من نفس الفندق والله بصراحه ماعمري اكلت زيها ؟؟ اصبح مطعمي المفضل ؟؟
المهم اخذت نومة من الساعه 2 الظهر حتى 5 العصر ؟؟ ومن ثم قمت من النوم وعلى طول على المكتب ؟؟ هنا في الطريق الى المكتب ؟؟
وهذا صورة المكتب من الخارج ؟؟
ومن بعد ذلك لقيت طابور موظفين وصدق من قال على عينك ياتاجر ؟؟ اشكال والوان العمال ؟؟ وابتدأت المقابلات ؟؟
وبعد ذلك ذهبنا لأداء صلاة المغرب خلف المكتب ؟؟ وانا بالطريق شفت المكتوب في كتاب التوحيد ؟؟ من عبادة القبور والتبرك ؟؟ وقلت لاحول ولا قوة الا بالله ؟؟ بخور وحريم تبكي وبعد ماخرجنا من المسجد القريب من هذا القبر ب 100 متر تقريبا ؟؟
كأنك طرب نغم صوت واحد وواحد كانه يقول موال وهم بعده يرددوا ؟؟؟ صدق من قال ترى في الهند العجب العجاب ؟؟ كنت ابغا اصور لكن ؟؟؟ نسيت الكاميرا في المكتب ..
ومن بعد ذلك رجعنا المكتب وخلصنا المقابلات ؟؟ واخذنا شوية تسوق في كولابا ؟؟ وبعدها رحنا لهذا المطعم ؟؟
اكله طيب مرة لكن الفلفل لاعب دوره بشكل كبير ... مااكل شيء مرة غير خبز وشوية جمبري >>> ياسلام
ومن بعدها رجعنا الفندق وجلست على النت مجانا ؟؟ وتصفحت المواقع الجيدة في مومباي لم اجد الا عند تاج محل ؟؟ والمنطقة المجاورة له .... المواقع المناسبة للسياحة .. لذلك سوف نوافيكم بذلك في الحلقة القادمة مع مراعاة مفاجأة للجمهور الاتحادي ... حصري على العرب المسافرون .... يتبع

يشرفني
اني اول واحد يرد عليك
وسفره موفقه ان شاء الله وتكون كسبت العمل والسياحه هناك
الهند بلد تستحق الزياره
انا قريب منك حول ينبع ياليت تحددلي مكان المكتب اللي اقدر اطلع منه الفيزا بينبع
بانتظار باقي التقرير

طائرالصنقنق
ياهلا والله ومسهلة ؟؟؟ بعيال الديرة ؟؟؟
المكتب ياحبيبي بجانب الصافي لتأجير السيارات مقابل سوق الذهب ؟؟؟ اذا ماعرفته روح اي مكتب طيران وتطلع الفيزا من عندهم ؟؟ قيمتها 210 ريال ...

الحلقة الثانية من رحلتي الشيقة .... والاكثر اثارة . .. .. ...
استيقظت قبل الفجر بساعتين ؟؟ تغير نظام النوم عندي >>> ماني عارف ايش اسوي ؟؟؟ فكرت رجعنا للنت مرة ثانية ؟؟
وابغا اشوف المناطق السياحية في مومباي ؟؟ وبعد عملية بحث ؟؟ لم اجد الا تاج محل وكولابا ؟؟
وباقي المناطق زحمة ومناطق غير نظيفة وهذه هي مومباي لا تنفع للسياحه مرة الا يوم او يومين ؟؟
المهم جاء وقت صلاة الفجر ؟؟ وتورطت ماني عارف القبلة >>> اذن لاتنسوا البوصلة او سجادة مزودة ببوصلة .
استخدمت بعض البرامج التي تحدد القبلة في النت والحمدلله لقيتها وصليت ؟؟؟
وبعدها نزلت الفطور حق الفندق 7 من 10 لأنه اكلهم غريب طلبت جبنة وبيض قال ؟؟ دقيقة وجاب الطلب واكلت ورحت على طول على السوق تقريبا الساعه 10 صباحا ؟؟
مافي احد مرة غير انا ؟؟ ولفلفت مع صاحبنا الجديد عبدالرحيم ابوه افغاني وامه هندية ؟؟؟ احلى شيء في السفر التعارف ؟؟ قضينا انا وياه يوم سعيد واالحمد لله بين الاسواق ؟؟؟
وبعدها تغذينا عند الباش مهندس الدكتور ماكدونالدز ؟؟ بس ارخص من السعودية >>> كمان تورط الاكل حار طلع ؟؟شوفوا باحة السوق مقابل المطعم ؟؟
وبعدها رحنا الى منطقة تاج محل عند كولابا ؟؟
وهذه صورة تاج محل من الخلف ؟؟؟
وهذه صورته من الامام ؟؟
وهذه صورة البوابة ؟؟
وهذه صورة البحر مقابل الفندق منظر خيالي جدا ؟؟
وهذه صورة هدية للجمهور الاتحادي والذي اثبت انه في كل مكان في العالم ؟؟ ؟؟؟ مبسوط >>> اتحادي صميم
وهذه صورة البوابة من جهة اخرى واروع ويومها سعيد والحمدلله ********>> رجله تكسرت من المشي ...
وبعدها رحنا شارع محمد علي باشا خلف فندق تاج محل ؟؟؟ واخذنا كم لفة على السوق من بخور وغيره ؟؟؟
انتبهوا من بائعي البخور والعود ؟؟
لا يغرك العرض ؟؟؟ جرب اكثر من محل ؟؟؟ انا اشتريت من محل اجمل ؟؟ بصراحه العود مرة رهيب ؟؟ قيمة الكيلو تقريبا 50000 روبية ؟؟ قسمته على 5 واخذت ب 10000 روبية ؟؟
والحمدلله تمام طلع ...
عموما واخيرا ا الشارع اكثره خليجين واكلات عربية ومطاعم ومحلات صرافة سوف نوافيكم بأسمائها في الحلقة القادمة ان شاء الله تعالى ؟؟؟
بس ها نبي تفاعل ؟؟؟؟؟؟؟؟؟

شعار العميد منور التقرير
وربي يوفق الاتحاد بموقعة السبت ان شاء الله
واصل ياغالي وربي يعطيك العافيه