واو
باين على التقرير من العيار الثقيل
اكيد طالما الرحلة في فلسطين الحبيبة
بداية مشوقة .... في انتظارك =)

ماشاء الله تقرير مشوق
متابعين لك
وبالانتظاار

احجزي لي مكان من المتابعين وخاصه الرحله في فلسطين يالله على هيك جمال
بارك الله فيك

1. معلومات عن جبل هيروديس ( الفرديس ):


2. جبل هيرودس( الفريديس)...في بيت لحم


3. وهاد هو الجبل من بعيد ,,


4. طبعا كما هو معروف قبة الصخرة تقع في القدس عاصمة فلسطين ,,


5. معلومات عن القبة :


6. معلومات عن الحاجز ( الكونتينر ) :

السلآم عليكم ورحمة الله وبركاته ,,,
بسم الله الرحمن الرحيم
الجزء الأول
التحضيرات والطريق ,,
طبعا قبل الرحلة بيوم وعند وصولي لبيت اختي ,, وقرابه المغرب رتبنا اغراض السفر من مسليات وملابس واسعاف اولي ,,
وتأكدنا من بطاقاتنا الشخصية موجودة لانها مهمة كتير عند نقاط التفتيش والحواجز الي رح نمر عنها وخاصة الحاجز الاول و الاصعب ,,
ع الساعة 11 بالليل كان كل الاغراض موجودة وحقائبنا الشخصية والفلوس .. كل شي موضوع بمكان واحد على شان الصبح ناخدهم بدون اي عائق وبسهولة " ليكون بجانب بعض "
المهم ,, حطينا المنبه ع الاربعة الصبح تقريباا وصار فينا مطب هون,, المفروض الجمعة يكون عندنا توقيت صيفي ,, والرحلة رح بتكون ع التوقيت الصيفي لما اتصلنا بالمنظِمَة للرحلة قالت صيفي التوقيت .. قلنا اوك رح بنصحى حتى لو بدري كتير رح بيكون وقت صلاة الصبح بنصلي ونطلع ع خير ..
نمناا ع 12 تقريباا . ما في الا 4 ساعات نوم كانت الناا ... اشتغل المنبه وصحينا ع الاربعة توقيت الصيفي .. وصلينا الصبح وقرأنا الاذكار وبلشنا بدنا نطلع ,, صارت الساعة 5 الا ربع ولسا الباص ما جاء .. استغربناا . واتصلنا ع المنظِمة للرحلة , وحضرتها مخربطة بالتوقيت مع كل الافراد ,, والمفروض نطلع ع 5 شتوي مو صيفي .." مشكلة تغيير الوقت ".. فاضطرينا نستني ساعتين ع الموعد ,, بس شو كنا ميتين نعسس بس هاد الي حصل ,, والخيرة فيما اختاره الله .. وبقينا صاحيين انا واختي وابنها الصغير ونلعب معه ,, لصار الوقت الموعود ووصلنا زوجها , للباص وطلعنا ومرينا عدة اماكن تقريبا ربع ساعة ليكتملوا الافراد ,, وتوكلنا ع الله وطلعنا 5:15 تحركنا خارج المنطقة .. وقرأنا الاذكار ,, وبلشت الرحلة
,,
رح بلش بعرض الصور للطريق وبعض الشروحات عنها واهم المعلومات عن المناطق الي رح نمر فيها والي رح نشوفها,,,
بالاول رح بضيف خارطة تبين مسار الرحلة
وتانيا لازم نعطيكم تسالي وفواكه لتكونوا معنا متابعين ع روااق ..,,
ونبلش بالعرض ,,
يلا الي يحب الحلاوي والمسلياات الصغيرة ياخد ,,
والي يحب المكسررات برضو موجودة يتفضل ,,
واللي خايف ع سناناتو .. يتفضل بالعافية ,,,
.,
طبعاا اول مكان توقفنا فيه لشغلة اضطراريه ,, في مكان في محافظة بيت لحم ,, وهي تقريبا اول محافظة نمر فيها من المنقطة الي طلعناا منها ,,, وتوقفنا لان بعض الاطفال داخو من السفر فخلوهم ينزلوا يستنشقوا هوا شوي ,, وبعد ما طلعوا تحركنا ع طوول ,, بعد ما صار الاطفال بخير ,,
معلومات عن بيت لحم :
بيت لحم هي مدينة فلسطينية تقع جنوب الضفة الغربية وهي مركز محافظة بيت لحم وهي مهد المسيح، ففيها كنيسة المهد التي ولد فيها السيد المسيح.
و تقع بيت لحم على بعد حوالي 10 كم جنوب القدس الشرقية، على ارتفاع حوالي 765م فوق مستوى سطح البحر أي أعلى من القدس بثلاثين مترا.,
وهنا صور من بعد ما تحركناا للطريق والاراضي ,,الي بنصادفهاا ,,
وتوقفنا بمكان لتعبئة السولار ,,برضو بنفس المحافظة ,,
وتحركنا بعد ما اخد كفايته من السولار ,,
وكان لابد الواحد ع الصبح يشرب كاسه شاي بالنعناع
فتوقفنا بمكان " استراحة " وطلبنا قهوة وشاي للي بدوو .. وكان من نصيبنا نحنا الشاي ,,
طبعا هون ع الجهة الثانية من الصورة كانت الاستراحة ما قدرت اصورها منيح ,,,
يلا تفضلواا الشاي
بالعافيه
ولما قربنا بدنا نخرج من المحافظة تقريبا في اخر مرحلة منهاا ,, البعض طلب بدو يشتري خبز وساندويشات ع الخفييف فتوقفنا عند مطعم ونزلوا يلو بدهم يشتروا ورجعوو .,,,
ما قدرت اصور منيح لانه كان زحمة ناس وبصراحة انحرجت
وتوكلنا عالله بعد هالتوقيفات الي تقريبا اخدت ساعة كاملة بنوقف ونمشي ونوقف ونمشي ,,

• * رح يتخلل الموضوع بعض الصور التي لم استطع ان اصورها بسبب سرعة الباص والناس الي فيه ما كنت اخد حريتي .. فاستعنت بجوجل الحلو ,,,

لهيك الاطارات المختلفة من جوجل والصور التي ليس عليها توقيعي ,, ليست من تصويري ,,
طبعا بمنطقة بيت لحم مرينا عن مكان اسمه جبل الفريديس (هيروديس ) ,,,و مرة وحدة اتاحت الي الفرصة اني ازوره وحاليا هو تحت سيطرة الي ما يتسموش الله ياخدهمم...

معلومات عن جبل هيروديس ( الفرديس ):

جبل هيرودس( الفريديس)...في بيت لحم

يقع تحت سيطرة الاحتلال.. هو من الآثار الرومانية . يقال ان احد ملوك الرومان اختبأ في قلعة بناها في قلب هذا الجبل وقت هجوم الفرس على فلسطين... طبعا هو عبارة عن جبل اعلي قمته في تجويف داخلي ونظام روماني للغرف والادراج الحجرية ,, يقال ان هذا الملك كان يأخد الاطفال الصغار ويقتلهم فيه ,,

• فعلا انا لما زرته اذكر انه فعلا شاهدنا العظام بالاماكن الي كانت تعتبر كالسجون في هذا الجبل ,,

وهاد هو الجبل من بعيد ,,

طبعا بعد الجبل اكملنا طريقنا متوجهين لاول حاجز رح نمر عليه وهو الاصعب( يدعي الكونتينر ) ,, من بعد ما نمر عن طريق ووادي يسمي وادي النار ,,, وقبل النزول للوادي ع مرتفع يسبقه شاهدنا بريق لامع ,, سبحان الله روعة ..
شاهدنا الابداع ,, شاهدنا قبة الصخرة المشرفة تتلألأ من بعييد ,,, كانت لحظة لا توصف تخيلوا ,, عم نشوفها من بعيد وكانت الفرحة تغمرنا ,, كيف لو كنا قدامها مباشرة ,,رح بتكون اعظم لحظة نشوفها ونفوتها ونصلي فيهاا بأذن الله تعالي عن قريب ..
شفنا قبة الصخرة كما في هذه الصورة تماما لمعانها وبريقا فقط
ويا لحزننا لعدم مقدرتنا دخولها بااي وقت نريد

طبعا كما هو معروف قبة الصخرة تقع في القدس عاصمة فلسطين ,,

معلومات عن القبة :

تعتبر قبة الصخرة المشرفة إحدى أهم المعالم المعمارية الإسلامية في العالم: ذلك أنها إضافة إلى مكانتها وقدسيتها الدينية، تمثل أقدم نموذج في العمارة الإسلامية من جهة. ولما تحمله من روعة فنية وجمالية تطوي بين زخارفها بصمات الحضارة الإسلامية
ان شاء الله رح بنصلي فيها والجميع يارب ..
بعد هذه اللحظة التي مكثت قرابه الثواني فقط .. دخلنا بطريق وادي النار ,,,نزولاً,,
معلومات عن وادي النار :
طريق وادي النار..
ما قبل حاجز الكونتينر مباشرة.... وبعد الانتفاضة اصبح يستخدم كطريق رئيسي
باتجاه ضواحي القدس نتيجة اغلاق الاحتلال للطرق المباشرة نحو القدس... ويتم
الآن توسيعه لتقليل الحوادث... وكنا أيام الطفولة كنا نخاف منه لأنه شديد
الالتواء وفي مناطق معينة كان ضيق جدا وعلى منحدر... الحمد لله هسة عم بيوسعوه,,
هنا صور لوادي النار
وهنا ايضاا ,,
وهنا ,,
طبعا عدينا وادي النار ع خير بدون اي حوادث الحمد لله ووصلنا للعائق الاكبرر ,,, وهو الحاجزز

معلومات عن الحاجز ( الكونتينر ) :

حاجز اقامة الاحتلال بعد وادي النار بمنطقة مرتفعة ,,وهو حاجز يفصل محافظتي بيت لحم والخليل عن وسط الضفة الغربية وشمالها، وليه اصعب حاجة بالاضافة انه يفصل المحافظات عن بعض كانوا الطلاب بيعانوا منه كتير خاصة لما يكونوا من محافظات ثانية وفترة الامتحانات لانه كان يغلق قدامهم او يصير تعذيبات كتير و ,,,
,,
وهاد هو الحاجز ,,
والحمد له عدينا ع خير .. بعد كلام صار بين احد الجنو وبي الباص وكان يسئله وين رايحين وليش .. لكن الحمد لله تسهلت الامور ,,
,, غدا ان شاء الله اكمل باقي الجزء الاول ع خير ,,
تابعوناا ,,

* غلاتي *
باين على التقرير من العيار الثقيل
اكيد طالما الرحلة في فلسطين الحبيبة
بداية مشوقة .... في انتظارك =)
الله يسعدك يارب ,,اسعدني مرورك لموضوعي البسيط حيااكي خيتو

The universal
تسلمي يارب ,, حياكي بتقريري المتواضع .. منورة خيتو

جنان الجنات
حياكي اختي ولوو ... لو مافي مقعد عيونا توسعك خيتو ,,, نورتي التقرير المتواضع

ماشاء الله تقرير جميل
ننتظر البقيه
وتسلم يدينك
ولوسمحتي واحد سنكرس وشيبس ومكسرات مع استكانة شاي
متابعينك ..

بسم الله الرحمن الرحيم
السلام عليكم ورحمة الله وبركاته
يسعد مساآآآكم
تكملة الجزء الأول
طبعا اخر ما توقفنا فيه هو مرورنا بخير وسلامة عن حاجز الكونتينر ,,, وبعدها بساعة تقريبا وصلنا مفترق طريق اريحا رام الله ,,
هنا بعض الصور ما بعد الحاجز
وهنا بعض الصور من دخولنا طريق اريحا
معلومات عن اريحا :
أريحا هي مدينة فلسطينية تاريخية قديمة تقع علي الضفة الغربية لنهر الأردن وعند شمال البحر الميت
تشتهر أريحا بالزراعة خصوصاً المحاصيل التي تنمو في المناطق الحارة الرطبة مثل الحمضيات والموز والنخيل والحبوب .,,,
دخولنا منطقة المشاتل ,, الزراعية ,,
بصراحة انا اول مرة ادخل طريق اريحا .. وكانت تجربة حلوة .. جبال صحراوية مع المشاتل روعة,,
وهون كمان بعض المشاتل ع جانب الطريق ,,
وهنا ايضاا ,,
وهنا بعض المعروضات للسائحين ,,,
بعض اشجار النخيل قبل مفترق طرق القريب من وجهتنا الاولى ,,
مفترق الطرق ,,
صور متفرقة من بعد المفترق ,,,
خرووجنا من منطقة العوجا التابعة لمحافظة اريحاا ,,
معلومات عن العوجا :
العوجا قرية https://artravelers.com ,,وتحيط بالقرية قنوات الماء التقليدية والتي تنتشر محدثة على جوانبها ثورة زراعية وسياحية ,,
ما بعد منطقة العوجا ..
ورود جميلة ,,,
اشجار النخيل المنتشرة ع جوانب الطريق ,,,
وهناا قربنا الكبير من منطقة الباذان من محافظة نابلس وهي الجزء الثاني ان شاء الله ,,,
وهنا بنختم الجزء الاول بحمد الله ووصولنا بعد 5 ساعات سفر تقريباا لمحافظة نابلسس بهذه الصورة ,,,
انتظرونآ في الجزء الثآني بأذن الله تعالي
وتصبحون على خير ,,