معك .. لاتطولين علينا

1. الهدايا للأهل والأصدقاء من 3000 الى 4000 درهم


2. وهنا صورة الكنبات بعد ما حولهن الى سريرين

بسم الله الرحمن الرحيم
في البداية
حبيت أكرر شكري لكم واستفادتي منكم كثيرا لأن رحلتي هذي كانت بعد 8 سنين عن آخر رحلة للعمرة
والوضع تغير كثير كثير عن ذي قبل ....
الرحلة كانت

1. 2008 يوم الأربعاء

والعودة

1. 2008 يوم السبت

بعد مفاوضات باتت من بداية الاجازة الصيفية عن الذهاب للعمرة واخذ الاجازات للاشخاص اللي يداومون ومنو يقدر يروح ومن ما يقدر علشان الاجازة وغيره ..
قررنا قبل الرحلة باسبوع نحجز التذاكر
وطبعا تجري المفاوضات عن الطيران المناسب>>> لازم المفاوضات على الكبيرة والصغيرة
وكان استبعاد الطيران الاقتصادي نهائيا من وجهة نظر أخواني للخوف عداي أقولهم والله عادي وما يخوف لأن الرحلة قصيرة بس عاد منو يقنعهم
واخترنا طيران الاتحاد
عدد الأشخاص 4
سعر التذكرة 2510 درهم
الدرجة السياحية
مجمل سعر التذاكر 10040 درهم
ووضع 10000 درهم في الفيزا كارد للاحتياط..
وطبعا كان تحويل الفلوس اللي كانت في اليد" للصرف هناك والسكن والهدايا" في مصرف الانصاري في العين 10000 درهم اماراتي قبلها بيوم ...
الحجز من الامارات لأبراج مكة غرفة رباعية الليلة 825 درهم تقريبا
وارسال مبلغ الليلة لتأكيد الحجز لبنك الأهلي فرع العزيزية على ما اظن "فالذاكرة لا تسعفني مرت مده على الرحلة"
فأصبح الحجز تقريبا لثلاث ليالي مع خدمة الضيافة التي كانت في الغرفة مع غسيل وكوي ملابس الاحرام
المجمل تقريبا 3000 وشوي
حجز سيارة اجرة (كابرس)من المطار الى مكة أثناء القدوم والعكس أثناء العودة والسعر المجمل 450 درهم

الهدايا للأهل والأصدقاء من 3000 الى 4000 درهم

وسمعت في منتدى لازم نسوي تطعيم وقلت لأخواني قالوا ماله داعي بعدين قلت لهم شو بتخسرون لو سوينا وفعلا يوم الرحلة الصبح رحلنا الطب الوقائي وسوينا أنا وخواتي الثنتين وهناك قالوا لنا أصلا يبدا مفعول التطعيم عقب 15 يوم يعني ماله داعي
بنروح وبنرد وبنداوم ورمضان بيي هع والدوا بعد ما استجاب له الجسم
بس أخوي فديته كان محموم وقال ما يبى التطعيم وهم أصلا قالوا له ماله داعي
رغم تعبه من الزجام الا إن توكلنا على الله وما هونا الحمد الله واول ما وصل مكة كان ما شاء الله عليه شرات الحصان راح التعب عنه ونسى المرض
وكانت رحلتنا الساعة 2:45 ظهرا بتوقيت الامارات
طبعا طلعنا من البيت تقريبا 12:30 من العين الى ابوظبي وبعد الاجراءات اللي الحمد الله ما طولت أبدا
يلسنا نتظر شوي وعقبها ركبنا الطيارة بس ملينا لين ما طارت الطيارة ما شفت الساعه جم
الموهيم
الكاميرا المستخدمة
كانون s5is
في الطيارة
كان حزت غدا فقدموا لنا وجبة الغداء وكانت لذيذة بصراحه وتذكرت أصور طبعا قبلها في المطار ما قدرت استحيت
ويلست اصور الوجبة وطبعا أختي تقولي شو تبين اتصورين الأكل فضحتينا
أم الوضيحي مسويه أكبر طاف هع
السويت كان يمي حلو بصراحة
عقبها السوالف شوي والأذكار شوي مضى الوقت وطبعا في الميقات قاموا الريال يلبسون الاحرام
ووصلنا مطار جده تقريبا 5:15
وحصلنا السائق بانتظارنا وفي ايده لافته باسم اخوي
توجهنا صوبه ورحنا الى السيارة وكان المشوار تقريبا في ما يقارب 45 د الى ساعه حتى وصلنا لمكة
وكان السائق طيب واخلاق عاليه
وعندما وصلنا أيضا استقبال الموظفين في الأبراج جميل بصراحه وتوجهنا الى الغرفة بعد ما سلمونا البطايق وحملوا الحقائب وصورت كم صوره على السريع للغرفة قبل ما نخليها كارثه من الأغراض
هنا صورة لداخل الغرفة حيث توضح الباب المؤدي للخارج وبابين الحمامين عزكم الله
هنا السريرين الرئسين
وهنا للكنبه قبل ما يغيرونها سرير

وهنا صورة الكنبات بعد ما حولهن الى سريرين

وتوضينا ونزلنا على استعجال لاداء فريضة المغرب وقررنا أداء مناسك العمرة بعد صلاة العشاء... بعد صلاة العشاء بدينا نسوي مناسك العمرة وطبعا أجرنا لاختي الله يحفظها للطواف والسعي فكان السعر 250 ريال على ما اعتقد
يتبع .....

لندن اونتاريو
شكرا على المرور
تابعنا

سأتابع ..
طبعا بما أني مقررة أنزله كله ورى بعض لأني أعرف عمري بتعويز لو ودرته "الاعتراف بالحق فضيلة"
بعد ما ردينا طبعا التعب واضح من السفر والعمرة
والنوم واصل حده وخاصه بعد الدش الرائع بس بعد اليوع ظالم فنزل أخوي وأختي الصغرى لكنتاكي القريب من السكن ويابوا لنا الوجبات
وعلى الطاير صورة وهم يطالعوني ونظرتهم تقول متفيجه تصورين حتى وانتي فيج رقاد

سأتابع .
فديت المجتهدة أنا *_^
الموهيم
بعد صلاة الظهر راح أخوي مطعم حراء اللي يقع في الطابق الثاني لسوق شركة مكة وياب لنا الغداء
والله هالمطعم اكله حلو وأدمنا عليه في سفرتنا الأخيرة ...
هذا كان غدانا
والعصر استمتع مع باسكن ^_^
رحنا الحرم حتى صلاة العشاء
عقبها مرينا السوق لشراء بعض من الهدايا وبعدها عدنا للسكن
ورجعت تعبانه وعلى السرير .
وطبعا ما تعشيت ولا دريت شو اتعشوا لذلك ما صورت شفتوا لو كنت قايمة كنتوا عرفتوا شو تعشو خساره بس : (
الموهيم نشيت الساعه 2 وطبعا شبعانه نوم وبعد الاستحمام النشاط ما شاء الله..
رحت وصورت لكم اطلالة الغرفه ونحن طبعا طالبينها مطله على الكعبة
بالصراحه هالكنبة روعه ومريحه واليلسه عليها تجنن
هذي اطلالة الغرفة بس هالصورة كانت صباحيه لأنه الليلية ما ضبطت عندي ...
وعقبها يلست البنت تتعشى قبل ما اقوم اخواني علشان نروح لقيام الليل
وهذا كان عشاي والبركه لسوبرماركت بن داود
ورحنا طبعا للحرم وردينا عقب صلاة الفجر
والساعه 8 فطرناا لايفوتكم والله السينبون محل في شركة مكة الطابق الأول
ومعاه موكاتشينو يعدل الراس
وهالصوره التقطتها في رحلتي الأخيره للسينبون طبعا لاني الرحله الأولى ما صورت مب متفيجه مشغوله بالأكل
ورجعنا للحرم
وأدينا صلاة الجمعه
ورحنا العصر لاكمال الهدايا والتسوق وكانت أغلب الهدايا العطورات ودهن العود السيوفي من حامل المسك والبدل للأطفال والعبي الراس والسلاسل المحفور فيها الأسماء
وبعد صلاة العشاء يوم الجمعه
أدينا طواف الوداع وعدنا السكن لتوظيب الشنط ورارتحنا ساعتين تقريبا
اخوي كان مستعيل على العودة لدرجه انه ظهرنا من السكن 12 وشي ليلا وصلنا المطار 1 وشي
وطيارتنا خمس الفير :112:
في المطار كلنا كروسون وكوفي وكان استغفر الله الطعم جدا جدا سيء ولا أذكر اسم المحل
الموهيم
هذي كانت رحلتي وان شاء الله تستفيدون منها وما اكون طولت عليكم
وفي النهاية إليكم هذي الصور
إهداء
رحلة رائعة بالنسبة لنا وأحسسنا بإحساس جميل كيف لا وكنا هناك في ذلك المكان المقدس الرائع
اعذرونا على التقصير
أختكم
أم الوضيحي

أسلوبك يجنن مشاء الله عليك ..
تقرير روعه .. يسلموو

ان شاء الله عمرة مقبولة وذنب مغفور وعقبال الحج