اكيد شرق افضلهم بالنسبه لي بس انا اشوف لو تروحون تسكنون في الور سيزون وايد احسن لانه مكانه استراتيجي اكثر منهم وسعره ارخص بشوي او نفس شرق
اما الاماكن السياحيه مولات (( راح ا رتبهم لكم من اصغر الى اكبر ))
1 - سيتي سنتر
2 - فيلاجيو مول
3 - لاندمارك
4 - حياة بلازا
5 - رويال بلاز1
6 - المول
الاماكن المتوحه الي تستحق الزياره
1 - سوق واقف
2 - جزيرة الؤلؤه
3 - اكوابارك قطر
4 - اسباير زون
5 - الكورنيش
المتاحف
1 - متحف الفن الاسلامي
المدن الترفيهيه
1 - جوندلينيا (( اكبر مدينة مغطاة في قطر وكلها العاب كبار مثل قطار الموت وحلبة الفورملا ون و لعبة تتشغلب والبيت المسكون والبولينغ وحلبة تزلج اولومبيه الخ ... وهذي مكانها في فيلاجيو مول ))
2 - جنغل زون (( مدينة ترفيهيه مناسبة للاطفال من عمر 5 - 14 سنه وفيها العاب كثير ومقرها حياة بلازا مول ))
3 - اكوابارك قطر (( مدينة ترفيهيه مائيه جديده في منطقة ابونخله ))
ت
الحين بارتبهم لك واختصر لك الوقت اقولك الاماكن الي جمب بعض
1 - سيتي سنتر + جزيرة الؤلؤه
2 - فيلاجيو مول + حياة بلازا مول +اسباير زون + اكوابارك قطر < < شوي بعيده عنهم
3 - سوق واقف + المتحف الفن الاسلامي + الكورنيش
اما الاماكن الثانيه شوي بعيده عن بعض بس الدوحه صغيره وكل شي جمب بعض

انا الان في قطر
اكثر شي عجبني
سوق واقف
فيلاجو
الستي سنتر
اما بقية الاماكن حلوه بس محتاجة جو احسن من الان

روحه بلا رجعه
اي طبعا عندك الكورنيش واللؤلؤه ماينفعون الحين في هالجو
ولاتنسى تروح اللاند مارك يمكن يعجبك بعد

بالنسبة للسكن ..لو سكنت عند الكورنيش ..موقعة استراتيجي وبعيد عن الازدحام.. وقريب لك المتحف وسوق واقف دقيقتين .
ولو سكنت عند مدينة حمد الطبية يعتبر في المنتصف

باقي الؤلؤه لازم تزورها مستحيل زرت كل اماكن وخليت الؤلؤه زورها فليل

الله يعطيكم الف الف الف عافية وما قصرتوا وانا الحين بالدوحة ساكن عالكورنيش ..
بس ضيق صدري اليوم . توني داخل الدوحة .. واقف عند اشارة .. الساعه 1 الليل الشارع فاضي .. لفيت يمين وصورتني الكاميرا .. توقعت نفس نظامنا اوقف لفترة والف يمين
هل يعتبر قطع اشارة ؟؟؟

يعني لفيت يمين والإشارة حمراء؟ عاد موضوع الكاميرا مسألة قانونية ونظام.. أنصحك انك تنسى الموضوع وتنبسط في إجازتك.. مشيها يا أخوي.. مع الأيش.. انتبه على الإشارات في المرات الجاية..
الله يوفقك ويحفظك

^^^^^^^^^^^^^^^^^^^^^^^^^^
صحيح الاشارة حمراء وانا عالسيد اليمين وقفت وفاضي الشارع ,, لفيت يمين صورتني الكاميرا .. ما ادري وش الاجراءات !! حنا عندنا اليمين مسموح ,,

اي اخوي دام حمره وقطعتها وللحين ماصارت خضره معناته قطع إشاره
اي شي تسويه وهي للحين حمره بتصورك الكيمره