nasser82
فكره حلوه ومشكور ان شاء الله نستفيد من رحلات الأعضاء

رحلة بي بي إيلند
تكلفة الرحلة م ما اتذكر بالظبط... بس يمكن 2000 بات للشخص.. شامل غداء وسناك في الرحلة
محطات الرحلة.... يجي باص ياخذك من الفندق... وبعدين تروحون للكروز مدري السفينة... من الصباح الباكر...ومدة الرحلة في حدود ساعتين..
.اول محطة تتوقف السفينة في عرض البحر عشان ينزلون الناس ويسبحون....
وثاني محطة الوصول للجزيرة نفسها والجلوس ساعه الى ساعتين... (ما اتذكر) يتم خلالها الغداء في مطعم فندق بي بي...ثم التجول في السوق الشعبي لجزيرة بي بي .. والتي قضي على معظمها بسبب تسونامي.... ثم الجلوس امام الشاطي لمن يرغب...وبعد ذلك يتم التجمع والركوب في السفينة والعودة
انطباعي عن الرحلة....سئ جداً... لعدة اسباب
الحر كان قاتل... والرطوبه تطفش
الرحلة مدتها قصيره.... يعني ما امدانا نوصل... الا وحنا راجعين مره ثانيه
الجزيرة ماكانت حلوه.. كلها تراب وصنادق لبيع معروضاتهم... يعني مافيه خضار...
الكروز او السفينة... حتى الايسكريم ما يبيعونه فيها... مويه بارده مافيه... مع ان الجو كان قاتل
يعني بالعربي الفصيح كانت مضيعة للوقت والجهد والمال... لانه رجعنا ميتين من التعب...
ونصيحتي اي وحده محجبه لاتفكر تروح لهالرحلة... وحتى الرجال ما اعتقد انهم راح ينبسوط فيها... لاني كنت اشوف الاجنبيات طفشانات على الاخر من الحر...

السلام عليكم
اشهر رحلة في بوكت
وهي جيمس بوند
وعلى حسب الشركة الي مأخذ منها الرحلة
لاني رحت لها 3 مرات في المره الاخيره كانت مختلفه الرحله
حيث انك تطلع من الفندق ساعه 8 الصبح
اول شي تذهب الى حديقه في فيله وبقيات (دباب بالسعودي )
وتشوف القرده
وبعدها تطلع الى البحر على سفن صغيره ومن ثم تركب مركب كبير يكون فيه قوارب تجديف تركبها ويدخلونك الكهوف شي رائع
وبعدها تروح لمدينه عائمه مسلمه كل ما مريتها اسمع فيها اذان الظهر
تتغدى عندهم
وتطلع لجزيرة جمس بوند
وبعدها ترجع
لحديقه ثانيه مشابهه للاولى
ومن ثم الرجوع للفندق
تكلفتها 800 بات
ارخص رحلة في بوكت
2-جزيرة بيبي ايلاند
زرتها في 2004 قبل تسونامي اذا ماني غلطان سعرها بين 1500 الى 1800
تطلع على السبيد بوت 4 مكاين
يودونك تشوف الجزيره
شي خيالي
بحر نظيف جدا حتى انهم يحذرونك من القاء القمامه في البحر
يخلونك تسبح شوي
بعدها تفتر على جم جزيره تأخذ لك حمام شمس
انا مارحت الرحلة كلها رجعنا الظهر لانه الطراد خرب علينا في وسط المحيط قعدنا ساعه ونص
خرب الجدول
الرحله الثالثه
3- رافتنج
وعندي احلاهم كلهم
شبابيه من وجهة نظري ماحصل عوائل راح اقولكم ليش
سعرها تقريبا من 1500-2000 بات
تطلع على باص الى اعلى بوكت توقف في اول نقطه تحط اغراضك في السفتي بوكس
وتطلع الى النهر الصناعي
تركب القارب
طبعا تلبس خوذه
ويعلمك شنو تسوي
لانه فيه نوع من الخطوره تيارات الماء قويه جدا
وفيها تشويق واثاره
اشوفها شبابيه اكثر ماني متخيل شكل العوائل فيها صعب راح يكون
بعدها تطلع لشلال تسبح فيه
طبعا شعور لا يوصف السباحه في الشلال شي مو طبيعي
هذي الرحلات الي طلعت لها
والي عنده المزيد يضيف
وفي نقطه انه الرحلات نفسها يمكن تختلف بين شركه وشركه ثانيه
وشكرا

واضح من الكلام ان الرحلات النهريه لا تصلح للنساء المحجبات وهل تصلح للاطفال
بما ان رحلتنا عائلية هلص ص اضع شنغماي بدل بوكيت
مع خالص شكري

يعطيكم العافية اخواني,,
الأخت فراولة, Mrs_albrahim , شيخ على ربعة و اسياد الدوحة.
بالنسبة لي انا ما رحت فوكت للحين و لكن من المنتدى عرفت بوجود هالرحلات:
البانشيات )ATV),
James Bond Island
FantaSea Show:
مدينة فانتزي لاند عبارة عن مدينه تحتوي على العاب بسيطة ومحلات لبيع التحف وغيرها وأماكن للتصوير مميزه و عرض رائع جدا ( يقفل عادة كل خميس)
العرض لمدة ساعه ونصف " 9 - 10.30 " ,, ولكن للأسف التصوير ممنوع ,,
السعر حق المقاعد الذهبية مع العشاء والتوصيل ب 1600 بات الى 1650 بات
المشوار يقارب 30 - 40 دقيقه
و اذا اردتم الحجز حق فنتازيا اطلبو المقاعد الخلفية بس على شرط تكون المقاعد الذهبية او المسماة المنطقة الذهبية اما المقاعد الي بالوسط او بالامام فراح يحتاجون الى الالتفاف او رفع الرأس الى اعلى لمدة طويلة.
رحلة السفاري
رحلة في في ايلاند
نادي ركوب الخيل :
هذا عنوانه (Phuket Bang Tao Riding Club, 394 Moo 1,
Bangtao Beach, at the entrance to Laguna Resorts. Fee from 660 Baht per hour (Tel: 076-324199 or 076-324099 )
و أحب أشكر جميع الأعضاء الي جمعت هالمعلومات منهم.

اخوي اسياد الدوحة.... فعلاً انا اشوف شنغماي تناسب العوائل اكثر... اولاً اهل شنغماي طيبين بعكس اهل بوكيت... تعاملهم سئ...
ثانياً شنغماي مافيها المنااظر اللي تخدش الحياء
ثالثاً شنغماي تعتبر المنطقة الجبلية و عندك الشلالات مره حلوه وجو جداً لطيف... بعكس بوكيت حارة ... ومافيها غير فانتا سي.... ومول جنغ سايلون.. ومدينه وصخة بصراحة....
اسكن في الهوليدي ان شنغماي... او شاليه بيلا فيلا...

رحلة فيفي آيلند
أخذناها ب 1450 بات للشخص
من الصباح لين العصر وكما ذكر الاخوان
وجهة نظري الشخصية
اللي ما راح هذي الرحلة فاته شي كثير
يعني مناظر ولا في الأحلام
موفقين

اخوي سوديرمان والله جنك ماخذها رخيصة؟ من اي مكتب؟