السلام عليكم ورحمة الله وبركاته ..
أعضاء هذه البوابة المباركة .. يسعدلي صباحكم ومسائكم بكل خير .
رحت اليوم للسفارة الأندونيسية في حي السفارات بالرياض .. على إني بأفيز جوازات العائلة الكريمة .. وأصف سرا مع هالناس :112: .. وجا دوري في هالسرا قلتله أبي أفيز .. قال ليش ما تفيز في مطار جاكرتا .. قلتله ما أبي أمسك سرا أخاف يصير زحمة في المطار .. قال خلاص خذ عب الإستمارة أجل وعطنا على كل جواز ( 170 ) ريال :36_1_25: .. قلتله خير ليش غالية ... في المطار تقريباً (94 ) ريال لمدة شهر .. قال صح عليك بس هذا في مطار أندونيسيا .. مهوب في السفارة ... في السفارة بسعر ( 170 ) ريال لمدة شهرين .. قلتله أبي بس شهر .. قال لي بنفس السعر (170 ) ريال شهر أو شهرين .
قلته أجل يالحبيب يمدحون التفييز في المطار ..:36_1_36:
يوم جيت بأطلع .. التفت وطلبت منه يعطيني على الاقل كتب سياحية عن العمة .. قام وعطاني حول 6 كتب .. العوض ولا القطيعة .. على الاقل ما نرجع بخفيف حنين ..
لذلك .. خذ فيزتك من المطار أرخص لك يالي بتروح لبلاد الاندومي ..
وتحياتي ،،،