- في اي فندق تنصحوني احجز طبعا انها كمان الاسعار تكون معقوله
بسم الله الرحمن الرحيم
انا احمد من فلسطين بداية اشكركم على هالمنتدى الاكثر من روعه وهلأ بدي منكم المساعدة
فياليت اللي بيحب يساعدني يرفع ايده ويلحأ لانه ورانا شغل كتير
اولا
انا حابب اطلع لتركيا انا وزوجتي
وطبعا الزيارة الاولى وانا ما عندي فكره عنها
ثانيا
من باب تسهيل الامور ولاني ما عندي خلفيه عن الموضوع قررت اني اطلع مع جروب سياحي من الاردن
ثالثا
الرحله رح تكون لاسطنبول وحدها ولمدة 8 ايام 7 ليالي
فيكم تشوفو برنامج الرحلة في الرابط بليز شوفو لحتا تجاوبوني
http://www.herosh.com/download/8190821/______________8________.doc.html
هلأ عندي الاسئله التاليه1
بعد ما شفتو البرنامج
في اي فندق تنصحوني احجز طبعا انها كمان الاسعار تكون معقوله
انا فكرت في هوليدي ان او اتاكواي مارينا يا ريت اللي جربه يحكيلي عنه وكمان جراند اونال ارخص ومنطقته منيحه يا ريت تنصحوني
2 بالنسبه لبرنامج ايام الرحله انا حسيت انه غير كافي يعني اخر 3ايام بتكون ايام حره وانا ما بعرف تركيا فبدي منكم تنصحوني وين اروح وكيف اروح بالنسبه للاسواق واي اماكن بتستاهل الزياره واسعارها وطريقة الوصول الها هدول 3 ايام مو ئلال يعني
3 بالنسبه للطعام الجروب مو معطينا الا بس الافطار يبقى علينا غداء وعشاء وين بتنصحوني نروح ناكل وكمان الاسعر كيف
4 هل سعر الرحلة معقول بالنسبه لخدماتها؟
5 انا ما بعرف تركي ابدا بالنسبه للايام اللي رح نكون لوحدنا فيهم كيف بدي ادبر راسي
يا ريت تساعدوني انا حابب الرحله تكون حلوه ومايتعكر مزاجي
شكرا كتير لالكم طولت عليكم
واللي رفع ايده بستنا رده
اخوكم احمد
بدي مساعدتكم