مرحبا بك افضل خوي والحمدلله ع سلامتك
الحقيقه مامريت ع مثل هذا الموقف بس مادام انهم قالولك معك 3 اشهر الله يعينك ع الرجعه ولا بيعها ع احد اصدقائك
بالتوفيق

الله يسلمك اخي واشكر لك مرورك الكريم لموضوعي واهتمامك..طبعا الموظف اللي عملي الحجز انا اتصلت به شخصيا في اليوم التالي للحجز وصراحة قيمة الباكج يعادل قيمة تذاكر الطيران من هنا للفلبين..الله يعين امس رسلت للشركة ايميل وراح ارسل فاكس لكن منتظر يردون اول اقل شئ امسك عليهم شئ لأن الكلام مو مثل الورق.تحياتي لك

سلامات اخوي وما تشوف شر
ارسلها لي اصفيلك إياها كلها .. امزح عليك.
انا اتوقع على حسب التذاكر هل هي تسترجع والا لأني قاص لواحد من اخوياي وقالولي هذي ماتسترجع لكن تقدر تغير الوجهه قبل الاقلاع
وعموما اهل السامري بأنجلس وش اخبارهم
لايكون زي اللي شفنا ببرقص شيبان وسهرات الله يفشلهم

قصيمي متغرب
ارسلها لي اصفيلك إياها كلها .. امزح عليك.
يآبعدي امزح ونخوك وانبسط لايهمك شئ..وسع صدرك انا مثلك فلاوي ههه
انا اتوقع على حسب التذاكر هل هي تسترجع والا لأني قاص لواحد من اخوياي وقالولي هذي ماتسترجع لكن تقدر تغير الوجهه قبل الاقلاع
هالنقطة ماتأكدت منها مدري كيف طافت علي؟!اللي فهمته من الموظف انه في اي وقت اقدر اغير الحجز..آآآآآآخ
كنت جايكم بوركآي ناصيكموعموما اهل السامري بأنجلس وش اخبارهم
انجلس الحقيقة حليوة ومافيها كلام قضيت فيها يومين كنت مجهز حالي لتكملة الرحلة من بعدها لكن حصل ماحصل وكدر الخاطر ومن هناك رجعت لمانيلا..انتظرت ليلتين، ثم للوطن والحمدلله على كل حال
تعرفت بأنجلس على سائق قمة في التعامل والأخلاق وعطاني رقمة الخاص كان يعمل بالسعودية مدة طويلة هو وصلني لمانيلا وساعدني كثير في بعض الأمور.
لايكون زي اللي شفنا ببرقص شيبان وسهرات الله يفشلهم
ههه الشيبان وسهراتهم هناك الله يستر عليهم ابد ماوصلت لبرقص ولا شفت شئ من هذا القبيل.
عموماً انتم شخباركم عساكم مستانسين بالديرة؟
شاكر مرورك الكريم اخي القصيمي

الحمدلله على السلامة وخيرة ان شاء الله بالنسبة للموضوع ماقدر افيدك لانه مامر علي موقف بهالطريقة
وان شاء الله انك تستفيد من المبلغ اللي دفعته وترجع مرة ثانية اما عن سيتي انجلس قضيت فيها يوم
واحد في طريق العودة من باقيو وهي حلوة للسهر والفلة يعني تذكرني بووكينج استريت اللي بتايا
وعلى قولة واحد تعرفت عليه في باقيو يقول عنها بتايا الصغيرة بس انا ماصلحتلي لاني لوحدي وتعرف انت
الاماكن هذي يبيلها اكثر من واحد وبالتوفيق ان شاء الله

abohamad1
الله يسلمك اخوي ابو حمد واشكر لك تفاعلك مع الموضوع ومرورك الكريم العطر شرفني والله..عن نفسي معتقد احصل فرصة للرجوع خلال ال3 اشهر ولكن بحاول استفيد قدر الإمكان منها..بالرغم للحين ماردوا خبر بخصوص الموضوع.
بالنسبة لأنجلس حقيقة فلة للشباب ومثل ماذكرت يبيلها اكثر من شخص..وعلى قولة اخونا القصيمي فيها سامري من اللي يحبه قلبك
انا كنت مثلك مشاهد فقط من بعيد لبعيد نستكشف ماحولنا
بشرني كيف الرحلة معك ناوي ترجع قريب ولا هونت
تحياتي لك

افضل خوي
تسلم والله افضل اخوي بالنسبة للرحلة ابشرك كانت مليانة مغامرات ومشقة
من كثر التنقل لاني مااطول في مكان واحد يعني يومين كأقصى حد بعدين اغير الوجهة تعرف انت لوحدي واحس
بالملل بسرعة بس غلطتي ان مانيلا كانت دائماً محطة انطلاق لمنطقة اخرى لاني رحت بدون تخطيط مسبق خبط لزق
على قولتهم يعني خلال 11 ليلة مريت على 5 مناطق هي مانيلا سيبو موال بوال بوراكاي باقيو ستي انجلس
عموماً الله يعوضك خير وانا ماوراي روحة قريبة لان الميزانية مش ولا بد

abohamad1
ماشاء الله عليك ابوحمدجميل جدا انك كاول مرة تروح وتلف كذا مكان والمشقة يجي وراها راحة وذكريات حلوة
الله يعوض الجميع خير وهذا امرالسفر لابد يحصل شئ خارج عن التوقعات.
والله اتمنى اني اعرف احد متواجد هناك اعطيه رقم المكتب اللي مايردون علي من كثر ما اتصل فيهم ودي يستفسر من هناك او احد معرفة رايح قريب تفداه التذاكر وراعيها يستفيد منها ولا تروح في بطونهم.
تحياتي لك وللجميع