- السلام عليكم ورحمة الله وبركاته ..
السلام عليكم ورحمة الله وبركاته ..
باذن الله مسافرة الاسبوع القادم الى تركيا انا وزوجي من تاريخ 3 نوفمبر الى 12 نوفمبر وبما أنها أول سفرة لنا خارج الخليج العربي حبيت تكون سفرة متكامله من جميع النواحي لعل وعسى تكون فاتحه خير لزيارة اوروبا ههه ..
قريت وبحثت وحاولت ارتب جدول رحلتنا وطلعت بالآتي ..
آملة منكم تفيدوني بخبرتكم اذا فيه شي غلط او مكان ممكن أعدله ..
اليوم الأول (منطقة السلطان أحمد)
النزول في فندق فورسيزون السلطان أحمد (الوصول تقريبا لاسطنبول 12 الظهر)
جامع السلطان أحمد + توب كابي + حديقة جولهانه (تم الغاء زيارة ايا صوفيا لانها بتكون مغلقه بهاليوم الاثنين)
وجبة اليوم راح تكون بأحد المطاعم التالية (سلطان أحمد كفتجي .. الملك .. كبابجي محمود .. المدينه والموجود في اكسراي)
اليوم الثاني (منطقة أمينونو)
قراند بازار + جامع وميناء امينونو + السوق المصري+ جولة في البسفور
وجبة اليوم بتكون في مطعم حمدي
- ما رأيكم ؟ وهل ممكن تفيدوني بأفضل وسيلة تنقل ؟
اليوم الثالث ( منطقة أيوب)
نعمل تشيك اوت من فندقنا ونروح لفندقنا اللي بعده (سي في كي البسفور)
ملاهي فيا لاند+مقهى وتلفريك بيرلوتي+جامع أيوب
وجبة اليوم بتكون في مطعم ديفر
- اذا فيه محطات مترو ممكن تساعدنا بمشوارنا من الفندق لمنطقه ايوب ياليت تفيدوني فيها
اليوم الرابع (رحلة يوم كامل لسبنجا)
يتخللها زيارة للبحيره وجبل كارتبه وشلالات معشوقية
- هل من الممكن زياؤة مطعم نصرت في منطقه اتلير بهاليوم والا بيكون ومتعب) + راح ناخذ سواق لهاليوم
اليوم الخامس (منطقة اورتاكوي)
جامع الاورتاكوي +دولمة بهجت+حدبقه ومقهى اولوس +جزيرة غلطه سراي)
- ماهو الترتيب المناسب لزيارة هالاماكن ؟ وهل تنصحون بعمل جولة اخرى عالبسفور من هنا والا مالها داعي ؟
اليوم السادس (منطقه استينيا)
حديقة وكورنيش اميرجان +استينيا بارك +غابات بلغراد
- احس الاماكن قليلة رايكم اضيف شي ثاني ؟
اليوم السابع (الجزء الاسيوي)
نعمل تشيك اوت من فندقنا ووننتقل لفندق فورسيزون البسفور ..
تل العرائس (اخترت يوم الاحد متأمله اشوف عرايس كثير + شارع بغداد +فصر بيلار بيه
وجبة اليوم بتكون في مطعم رجب بيه
- تأيدون ناخذ سواق بهاليوم والا الوسائل العامة افضل ؟
]اليوم الثامن (بورصة)
قمة الاولوداغ
اليوم التاسع ( لم يحدد بعد .. احتاج لارائكم )
اليوم العاشر (تشك اوت وعلى طول عالمطار )
.
.
أدري كلامي كثير بس احتاج لمساعدتكم فعلا .. لو تلاحظون احاول اختار حتى المطعم عشان يكون يومنا متكامل ماتغلبه الحيره ..
ياليت تشوفون اذا ترتيبي للاماكن صحيح والا لا ..
وايش الاماكن اللي ممكن اخذ فيها سواق ليوم كامل ..
لو حبيت ازور قصر روملي حصار وكوفي عشق والفيوم مول وش الايام المناسبه عشان اضيفهم ؟
بتعبكم معاي بس ما استغني عن خبرتكم ؟؟ عسى من يفيدينا في جنات النعيم ووالديه ومن يحب ..
انتظركم ..
اليوم الثاني
القراند بازار مو في منطقة امينونو
القراند بازار في السلطان احمد
ووسيلة المواصلات لمنطقة امينونو الترام
اليوم الثالث
منطقة ايوب
التنقل يكون اول شي بالترام من السلطان احمد الى محطة امينونو
ومن امينونو تروحي بالعبارة لمنطقة ايوب
العبارات راح تشوفينها عند البحر بعد ماتطلعي من المحطة
بس إسألي وين العبارات الي تودي منطقة ايوب
اليوم الخامس
قسميه على يومين لان الاماكن كثيرة ومانقدرين تشملينها بيوم
وحطي معاه مطعم نصرت لانه قريب من اورتاكوي
وبعد مقهى عشق
وجولة البسفور ممكن تاخذين جولة نهاريه وجولة ليلية
روملي حصار
مع يوم استينا
والجانب الاسيوي
روحي بالمترو او بالعبارة
ومن هناك خذي تاكسي راح يكون اوفر من السيارة مع سائق
وإن شاء الله تقدرين تشملين هالاماكن لانها كثيرة على يوم