- السلام عليكم ورحمة الله وبركاته
السلام عليكم ورحمة الله وبركاته
اخواني واخواتي بما اني توني واصله امس من المانيا وكانت زيارتي من مطار فرانكفورت التعيس..:112:
اول ماوصلنا المطار وعند الجوازات قعد الشرطي فاتح عينه تقريبا ربع ساعه وهو يقلب في جوازي وجواز زوجي..وقاعد يبربر مادري شيقولون عن الفيزه وعقب اسحبونا في غرفه بعيده وانا ايدي على قلبي..وحطو جوازاتنا في مكينه وقعدوا يشوفون الفيزه بالمنظار حتى..وانا قاعده ادعي عليهم..وعقب عطونا جوازاتنا وقالوا خلاص..يعني مادري ليش..المهم رحنا نستلم السيارة من شركة سكست وكان الباركن بعيد
وبعدين الله يسلمكم رحنا الى كولون اللي مافي حد مامدحها لنا..وسكنا في فندق انتر كونتننتال كولون..
قعدنا في كولون 7 ايام من ظمنها زرنا دوسلدورف الكئيبه من وجهة نظري..وزرنا بلجيكا وهولندا..
بصراحه كولون ما فيها امان..نشوف السكارا في كل مكان والمحششين في كل زاويه مع كلابهم الله يعزكم..
كل يوم لازم يمسكنا سكران..يانهم يطرون او يهاوشون..انا اشوف هالمنطقه مب عالوصف ولا الجمال..
احنا دايما نزور ميونخ..وبصراحه ميونخ هي شيختهم..
ودوسلدورف اللي ماقعد حد والا مدحها..وشارع الملوك اللي ماشاف الملوك مافيه غيره في دوسلدورف وفيه ناس قالو هالشارع يشبه شارع الشانزلزيه..
اسم الله على شارع الشانزلزيه من شارع الملوك..وش جاب لا جاب...وقالو عند شارع الملوك يمر نهر الراين..وقعدت ادور نهر الراين الا هو في جفره..
وعقب كملنا سفرتنا في ميونخ..صدق ليقالوا عنها شرحه شرحه..والامان ماشالله مايحتاج..نتمشى لين الساعه 1 فليل..ماقد صار لنا موقف كل واحد في حاله..
هذا من وجهة نظري وياريت محد يزعل
الحمدالله على السلامة, والله يعوض عليكم ويرزقكم برحلة افضل منها. رايك مهم بالنسبة لنا لانة من واقع تجرب.