الله يوفقك انت و المدام
3 ليالي ميونخ ثم 4 ليالي زلمسي ( رحلتي الي زلمسي ) ثم 1ليله فنيسيا و ثم ليلتين ميلانو ( رحلتي الي ايطاليا ) ثم 5 ليالي انترلاكن ثم جنيف ثلاث ليالي ( رحلتي الي سويسرا ) ثم الباقي باريس و العودة من مطار شاردقول
و هذا على حسب طلبك

starlightsa
هلا فيك يالغالي
بالنسبة لترتيب الدول اشوف ألمانيا - النمسا - ايطاليا - سويسرا - فرنسا أفضل لك
1- ثلاث اسابيع ممتازة وتقسيم الايام ايضا راح يكون مريح بالنسبة لك
2 - بالنسبة للسيارة اغلب سيارات المانيا ممتازة والاختيار لك
3 - لو أنا مكانك ميزانيتي لا تقل عن 3500 دينار
4 - بالنسبة للفيزا طلعها من الالمانية وريح نفسك
5 - نعم الفيزا ضروري تكون محفرة بعض أو أغلب مكاتب السيارات ما تقبل الفيزا العادية
6 - انصحك تحجز بنفسك والعملية جدا سهلة وانت المستفيد الاول والاخير
7 - نعم في ضرائب عالخطوط عن طريق لصق ملصق الخطوط السريعة تحصله بأي محطة بانزين
أما ايطاليا فنظامها مختلف لكل مدينة تخرج منها رسوم للخط السريع
هذا مخطط مبدئي تقدر تشوف اللي يناسبك
A - ميونخ والمناطق الحيطه فيها
B - سالزبورغ بالنمسا والمناطق المحيطه فيها مثل زلم سي وكابرون
C - فينيس بايطاليا يوم واحد كافي عليها
D - فيرونا تقدر تسكن فيها وتروح منها لفينيس افضل لك وارخص بكثير من فينيس
E - ميلانو
F - انترلاكن وتقدر تروح زيورخ وجنيف منها .. ما انصحك تسكن بجنيف كثرة العرب اللي فيها خربوها
G - فرايبورغ بالمانيا وتقدر تسكن بمناطق الغابات السوداء وألعاب اليورب بارك
H - باريس ومنها العودة
رحلة موفقه باذن الله واحنا بالخدمة